एशियन लाईफ इन्स्योरेन्सको बिक्री प्रबन्धकमा एनआईबिएल एस क्यापिटल
काठमाडौं । एशियन लाईफ इन्स्योरेन्स कम्पनीको धितोपत्र निष्काशन तथा बिक्री प्रबन्धकमा एनआईबिएल एस क्यापिटल लिमिटेड नियुक्त भएको छ । कम्पनीले १० बराबर ६ अनुपातको हकप्रद सेयर जारी गर्न आफ्नो बिक्री प्रबन्धकमा उक्त क्यापिटललाई नियुक्त गरेको हो । उक्त नियुक्ती सम्बन्धी सम्झौतापत्रमा कम्पनीको तर्फबाट प्रमुख कार्यकारी अधिकृत राजेशकुमार श्रेष्ठ तथा एनआईबिएल एस क्यापिटलको तर्फबाट महाप्रबन्धक मेखबहादुर थापाले हस्ताक्षर गरेका छन् । इन्स्योरेन्सले वार्षिक साधारण सभाबाट पारित भएबमोजिम हालको चुक्ता पुँजीको ६० प्रतिशत अर्थात ७५ करोड ४० लाख रुपैयाँ बराबरको सेयर जारी गर्न लागेको हो । हाल कम्पनीको चुक्ता पुँजी १ अर्ब २५ करोड रुपैयाँ रहेको छ । हकप्रद पछि कम्पनीको चुक्ता पुँजी २ अर्ब १ करोड रुपैयाँ पुग्ने इन्स्योरेन्सले जनाएको छ । इन्स्योरेन्सको हाल ५ अर्ब रुपैयाँ अधिकृत पूँजी रहेको छ । बीमा कोषल १३ अर्ब १३ करोड रुपैयाँ र कूल लगानी १२ अर्ब २९ करोड रुपैयाँ रहेको छ ।
सेयर बजार सामान्य अंकले बढ्दा आरम्भ माइक्रोफाइनान्सका लगानीकर्ताले कमाए १० प्रतिशत
काठमाडौं । मंगलबारको सेयर बजार सामान्य अंकले उकालो लागेको छ । कारोबार शुरु भएको केही समय ओरालो लागेको बजार अन्तत ६.६१ अंकले बढेर ११८०.९८ अंकमा पुगेको छ । अछिल्लो दिनको तुलनामा मंगलबारको बजार ०.५६ प्रतिशतले बढेको छ । दिनभरको कारोबारमा १६० कम्पनीको १८ करोड ९५ लाख रुपैयाँ बराबरको सेयर किनबेच भएको छ । सो मध्ये सबैभन्दा बढी नेपाल इन्भेष्टमेन्ट बैंकको ८५ लाख रुपैयाँ बराबरको सेयर कारोबार भएको छ । त्यस्तै, नेपाल लाइफ इन्स्योरेन्स कम्पनीको ८० लाख रुपैयाँ बराबरको सेयर किनबेच भएको छ । सो दिन कुल ७ लाख ३२ हजार ७२५ कित्ता सेयर किनबेच भएको छ । सामान्य अंकले बढेको बजारमा पनि आरम्भ माइक्रोफाइनान्सको सेयर मूल्य १० प्रतिशतले बढेको छ । सो दिन यस कम्पनीको सेयर मूल्य प्रतिकित्ता ९०२ रुपैयाँ रहेको छ । बजारमा सबैभन्दा बढी मल्टीप्रपोज फाइनान्स कम्पनीका लगानीकर्ताले ५.३६ प्रतिशत गुमाएका छन् । बजारमा होटल र अन्य समूह बाहेक बाँकी समूहको परिसूचक हरिया भएका छन् । सबैभन्दा बढी निर्जीवन बीमा समूहको सूचक ५० अंकले उकालो लागेको छ ।
पोखरा फाइनान्सले ५ प्रतिशत बोनस र ८ प्रतिशत नगद लाभांश दिने
काठमाडौं । पोखरा फाइनान्स लिमिटेडले आफ्ना सेयरधनीलाई ५ प्रतिशत बोनस सेयर दिने भएको छ । साथै, फाइनान्सले ८.६८७ प्रतिशत अर्थात ७ करोड ९ लाख ५२८ रुपैयाँ) नगद लाभांश दिने प्रस्ताव राखेको छ । हालै बसेको कम्पनी सञ्चालक समितिको बैठकले सो मात्राको लाभांश दिने पस्ताव गरेको हो । समितिको प्रस्तावलाई नेपाल राष्ट्र बैंकले स्वीकृति तथा फाइनान्सको आगामी साधारणसभाले पारित गर्नु पर्ने छ । हाल फाइनान्सको चुक्ता पुँजी ८१ करोड ६४ लाख रुपैयाँ रहेको छ । सो मात्रा(अर्थात ४ करोड ८ लाख रुपैयाँ बराबर) को बोनस पछि संस्थाको चुक्ता पुँजी ८५ करोड ७२ लाख रुपैयाँ नाघ्ने छ ।
