म्याग्दीको मुदी गाउँलाई सडक सञ्जालसँग जोड्ने तयारी, ७ करोडको आयोजना सुरु
म्याग्दी । धौलागिरि गाउँपालिका–४ मा पर्ने म्याग्दीको विकट र दुर्गम मुदी गाउँलाई सडक सञ्जालसँग जोड्न रु सात करोडभन्दा बढी लागतको आयोजना शुरु भएको छ । मुदीलाई सडक सञ्जालसँग जोड्नका लागि ताकम-मुना-दर-मुदी सडक आयोजना निर्माण शुरु भएको हो । मुनादेखि मुदीसम्म जोड्ने पाँच किलोमिटर ५०० मिटर सडक निर्माणका लागि रु सात करोड २५ लाख लगानी हुने उपभोक्ता समितिका अध्यक्ष गणेश घर्ती पुनले बताए । चालु आवमा जिल्ला समन्वय समितिको विभिन्न तीन वटा शीर्षकमा रु ८२ लाख अनुदानमा मुनादेखि दर हुँदै मुदीतर्फ सडकको ट्याक खोल्ने काम तीव्ररुपमा अघि बढेको छ । मुना, दर हुँदै साविक मुना र मुदी गाविसको सीमा क्षेत्र धित छहरासम्म ट्याक खोलिएको छ । जिल्ला समन्वय समितिमार्फत स्थानीय पूर्वाधार यातायात कार्यक्रमको रु १२ लाख र गाविस जोड्ने सडक आयोजना शीर्षकको रु ३० लाख बजेट विनियोजन भएको सो योजनालाई अर्थ मन्त्रालयले थप रु ४० लाख बजेटको स्रोत सुनिश्चितता गरेको छ । उपभोक्ताले कुल लागतको १३ प्रतिशत बराबरको सहभागिता जनाउनुपर्नेछ । गत वर्ष रु दश लाखमा एक किलोमिटर ट्याक खोलिएको थियो । कडा चट्टानी पहाडमा सडक निर्माण गर्नु परेकाले धेरै खर्च हुने अध्यक्ष पुनले बताए । आगामी वर्ष मुदीसम्म सडक पु¥याउने लक्ष्यसहित आर्थिक स्रोत जुटाउन सरकारी निकाय र स्थानीय स्तरमा पहल गरिएको छ । सो सडक निर्माण भएमा मुदी, खिवाङ, नेरवाङ, बगर, नाउरा, चेचुङलगायत बस्तीका करिब एक हजार घरधुरी लाभान्वित हुने भएका छन् । स्थानीय बासिन्दा, धौलागिरि आरोहण र पदयात्रामा जाने पर्यटकलाई आवतजावतका साथै सामान ढुवानी र त्यहाँ उत्पादित कृषिउपज, जडीबुटी निकासी गर्न सहज हुने अपेक्षा गरिएको उपभोक्ता समितिका दलमान पुनले बताए । रासस
प्रत्येक घरधुरीले ४० बिरुवा रोप्नै पर्ने, नरोपे सरकारी अनुदान रोक्का
कालीकोट। जिल्लाको रास्कोट नगरपालिकाका प्रमुख काशीचन्द्र बरालले सुन्दर रास्कोट, हरियाली रास्कोट बनाउने प्रत्येक घरधुरीले ४० वटा बिरुवा लगाउनै पर्ने बताएका छन् । नवनिर्वाचित प्रमुख विजयी भएपछि जिल्ला सदरमुकाम आइपुगेका प्रमुख बरालले सञ्चारकर्मीसँगै प्रतिक्रिया दिँदै आफूले रास्कोट नगरको विकास गर्नका लागि अनिवार्य रुपमा पहिलो चरणमा हरियाली रास्कोटका लागि अघि बढ्ने बताएका छन् । जिल्लाका विभिन्न निकायमा पहल गरेर आगामी तीनदेखि पाँच वर्षभित्र हरियाली रास्कोट बनेर छाड्ने बताएका छन् । उनले भने -‘‘अहिले ग्रामीण पहुँच कार्यक्रमले सडक निर्माणका क्रममा थालेको वृक्षरोपण कार्यक्रमले स्थानीयस्तरमा प्रभाव कायम गरेको भन्दै जिल्ला वन कार्यालयलगायतका निकायसँग पहल गर्नेछु ।’’ उनले हरियाली रास्कोटमा सबैले साथ दिने विश्वास गरेका छन् । यदि कसैले अटेर गरेमा सरकारी अनुदानसमेत रोक्का गनै सकिने बताएका छन्। रास्कोटमा पहिलो चरणमा नगरबस सञ्चालनमा ल्याउने, एक सय वाट क्षमताको सामुदायिक रेडियो सञ्चालन गर्ने र एक किलोवाट विद्युत्समेत उत्पादन गर्ने योजना रहेको बरालले बताएका हुन् । रासस
भृकुटीमण्डपमा शिखर क्रेजी सेल मेला शुरु, १५ देखि ८५ प्रतिशतसम्म छुट
काठमाडौं । नेपालको नं. १ फुटवयर ब्राण्ड शिखर सुजले जेठ १४ गतेदेखि क्रेजी सेल मेला राजधानीको भृकुटीमण्डपमा शुरु गरेको छ । यो मेलामा १५ प्रतिशतदेखि ८५ प्रतिशतसम्म छुट प्रदान गरिएको छ । मेलामा १०० रुपैयाँदेखि माथीका जुत्ता चप्पल बिक्रि गरिएको छ । यो योजना शिखर सुजका आधिकारीक सोरुमहरुमा समेत लागु हुनेछ । मेलाको उद्घाटन नविन्द्रराज जोशीले गरेका हुन् । औपचारिक कार्यक्रम का सभाध्यक्ष शिखर सुज इण्डस्टीजका प्रवन्ध निर्देशक रामकुष्ण प्रसाइले गरेका थिए भने शिखर सुजको पहिलो एकल प्रदर्शनी सफल हुने विश्वास रहको दावि गरेका छन् । नेपाली बजारमा विदेशी जुत्ताको प्रतिस्थापन गर्न नसके पनि नेपाली जुत्ता उद्योग त्यसतर्फ अग्रसर रहेको तर सरकारले त्यस तर्फ ध्यान नदिएकोमा आपत्ति जनाएका छन् । सो कार्यक्रममा बोल्दै मन्त्रि जोशिले सरकारले निजि स्तरको कलकारखाना उद्योगहरु संग सहकार्य गर्दै अगाडि बड्न इच्छुक रहेको र दोहोरो कर प्रणाली लाइ कसरी ब्यवस्थित गर्न सकिन्छ भनी छलफल चलिरहेको बताए । मेलामा विशेष गरि गर्मियामका लागी उपयुक्त हुने जुत्ता तथा चप्पल पाइने छन् । मेलामा सबै उमेर समुहका महिला तथा पुरुषलाई उपयुक्त हुने जुत्ता तथा चप्पल उपलब्ध छ । यो मेला स्टक रहुन्जेलसम्म सञ्चालन हुनेछ । मेलामा नयाँ डिजाईनका जुत्ता तथा चप्पल समेत बिक्रि गरिनेछ । आम उपभोक्तालाई सर्वसुलभ मुल्यमा गुणस्तरीय उत्पादन सहज ढङ्गले खरिद गर्ने अवसर मिलोस् भन्ने उद्धेश्यका साथ मेला आयोजना गरिएको प्रबन्ध निर्देशक रामकृष्ण प्रसाईले बताए । मेलामा पार्टी सुज, स्पोर्टस सुज, स्कुल सुज, क्याजुयल सुज, चप्पल लगायतका सबै उत्पादनका भेराईटी पाईने छ । यो मेला शिखर सुजको एक्स्क्लुसीभ रहेको छ ।
पदक नलिने प्रकाशको घोषणा
काठमाडौं । प्रधानमन्त्री प्रचण्ड पुत्र प्रकाश दाहालले सरकारले दिन लागेको सुप्रबल जनसेवाश्री पदक नलिने घोषणा गरेका छन् । उनलाई सुप्रबल जनसेवाश्री पदकले सम्मान गर्ने सरकारको निर्णयसँगै समाजिक सञ्जालमा व्यापक आलोचना भएको थियो । उनले सामाजिक सञ्जालमा दिएको सुझाव आएकाले पदक नलिने निर्णय गरेको बताएका छन् । उनले फेसबुकमा लेखेका छन् -मतामूलक समाजको निर्माण, जनताको मुक्ति, आर्थिक–सामाजिक रुपान्तरण र राष्ट्रको समृद्धिका लागि जनयुद्ध, जनआन्दोलन लगायतका राजनीतिक संघर्ष र परिवर्तनमा मेरो प्रत्यक्ष भूमिका छ। म आज पनि देशको परिवर्तन र समृद्धिकै आकांक्षासहित राजनीति र राष्ट्रिय अभियानमा समर्पित छु र भोलि पनि हुनेछु। गणतन्त्र दिवसका अवसरमा नेपाल सरकारले मलाई सुप्रवल जनसेवाश्री पदक दिने निर्णय गरेकोमा हार्दिक आभार व्यक्त गर्दछु। पदकका लागि मेरो कुनै आकांक्षा थिएन र छैन । गणतन्त्रका निम्ति त्याग, बलिदान र जीवन समर्पण गर्ने योद्धाहरुको भूमिका र योगदानको सम्मान गर्नु मेरो कर्तव्य हो। त्यही कर्तव्यलाई बोध गर्दै मलाई प्रदान गरिएको पदक नलिने घोषणा गर्दछु। यो देशका लागि अझै मैले धेरै काम गर्न जरुरी छ । सुझाव, सल्लाह र प्रतिक्रिया व्यक्त गर्नुहुने सम्पूर्ण मित्रहरुमा हार्दिक धन्यवाद दिन चाहन्छु।
लोडसेडिङ हटाउने कुलमान घिसिङ र प्रचण्ड पुत्र प्रकाशलाई एउटै सम्मान
काठमाडौं । १० औं गणतन्त्र दिवसका दिन लोडसेडिङ हटाउने नेपाल विद्युत प्राधिकरणका कार्यकारी निर्देशक कुलमान घिसिङलाई सुप्रबल जनसेवाश्री पदकले सम्मान गरिँदैछ । तर बिडम्बना प्रधानमन्त्री प्रचण्ड पुत्र प्रकाश दाहाल पनि कुलमानलाई नै दिइने सुप्रबल जनसेवाश्री पदकबाटै सम्मानित हुँदैछन् । चितवनका समाजसेवीका रुपमा प्रकाश दाहालललाई सुप्रबल जनसेवाश्री पदकले सम्मानित गर्न लागिएको हो । प्रकाश बहु विवाहमा मुछिएका व्यक्ति हुन् । उनले तीन वटा विवाह गरेका छन् । मुलुकलाई अन्धकारबाट उज्यालो अभियानमा अघि बढाउने कुलमान घिसिङ र तीन वटा विवाह गर्ने प्रकाश दाहाललाई एकै पटक सम्मान गरेर सरकारले गणतन्त्रलाई मजाक बनाएको छ । आफ्नै हात जगन्नाथ भने झै आफै प्रधानमन्त्री हुँदा प्रचण्डले छोरालाई राज्यको उपल्लो दर्जाको सम्मान दिलाएका हुन् । कुलमान र प्रकाशसँगै अन्य १२० जनाले सुप्रबल जनसेवाश्री पदक पाउँदैछन् । सरकारले १० औैं गणतन्त्र दिवसमा ५१४ जनालाई विभिन्न पद तथा विभुषणद्धारा सम्मान गर्न लागेको हो । यसपाली विश्वेश्वर प्रसाद कोइरालालाई मरणेपरान्त नेपाल रत्न र महेन्द्र नारायण नीधीलाई राष्ट्रगौरव पदबाट सम्मान गरिँदैछ । यस अघि एमालेका तत्कालिन महासचिव मदन भण्डारीलाई मरणोपरान्त नेपाल रत्न पदक प्रधान गरिएको थियो । राष्ट्रपति विद्यादेवी भण्डारीको जोडबलमा मदन भण्डारीलाई मरणोपरान्त नेपाल रत्न पदक दिइएको आरोप लाग्दै आएको छ । यसपाली मुख्य सचिव डा. सोमलाल सुवेदी र गृह सचिव लोक दर्शन रेग्मीलाई पनि पदकले सम्मानित गरिँदैछ । गृह सचिव नेतृत्वकै समितिले पदक दिने व्यक्तिहरुको छिनोफानो गर्ने व्यवस्था रहेको छ ।
नेपालको ब्राण्डिङ गर्न सात करोड खर्चदै हिमालयन ट्राभल मार्ट, पर्यटकीय प्याकेज किनवेच गर्न ५० देशका २ सय प्रतिनिधि ल्याइदै
काठमाडौं । नेपालमा पहिलोपटक अन्तर्राष्ट्रिय स्तरको पर्यटन ब्राण्डिङको औपचारिक अभियान हुने भएको छ । नेपाल पर्यटन बोर्ड र प्यासिफिक एसिया ट्राभल एसोसिएशन (पाटा) नेपालको संयुक्त आयोजनामा काठमाडौंमा पहिलो हिमालयन ट्राभल मार्ट हुँदैछ । पर्यटन व्यवसायीले वर्षोदेखि माग गर्दै आएको र यही माग पूरा नहुँदा नेपाल पर्यटन बोर्डमा व्यवसायीले दुई महिनासम्म गरेको आन्दोलनको उपलब्धिको रूपमा पनि यो मार्टलाई हेरिएको पाटा नेपालले जानकारी दिएको छ । यही जेठ १८ गतेबाट चार दिनसम्म हुने यो मेलमा विभिन्न ५० भन्दा बढी देशका २ सय प्रतिनिधि नेपालमै आउने र अन द स्पट प्याकेजको खरिद बिक्री पनि हुने दाबी पाटा नेपालका अध्यक्ष सुमन पाण्डेको छ । उनका अनुसार यो मार्टमा अन्तर्राष्ट्रिय र ख्याती प्राप्त ब्लगरलाई नित्याएर नेपालको प्रवद्र्धन गर्न आग्रह गरिएको छ । मेलाले नेपालको पर्यटनको ब्रान्डिङ गर्नुका साथै सुक्ष्म रूपमा पर्यटनको प्रवद्र्धन गर्न सहयोग पुग्ने भएकोले पनि यसलार्ई भव्यताका साथ आयोजना गरिएको पाण्डेले जानकारी दिएका छन् । नेपाललाई हिमालय क्षेत्रको प्रवेश मार्गको रूपमा स्थापित गर्नुका साथै सम्पूर्ण हिमालय क्षेत्रको पर्यटकीय सम्भावनालाई पस्कँदै पर्यटन मेला हुने भएको छ । यो मेला करिब सात करोड रुपैयाँ खर्च हुने अनुमान पाण्डले गरे । मेलाको लागि बोर्डले आवश्यक खर्चको जोहो गरेको पनि पाटा नेपालको भनाइ छ । नेपालको पर्यटनलाई विश्व पर्यटन बजारका पुर्याउन र नयाँ तथा पूराना टुर अपरेटरलाई सशक्त र प्रभावकारी रूपमा परिचालन गराउने माध्यम पनि यही मेला हुने दाबी पाण्डेको छ । मेलामा क्रेताको रूपमा आमन्त्रण गरी हिमालय क्षेत्रका टुर अपरेटर, ट्राभल एजेन्सी, होटल, एयरलाइन्सलगायका पर्यटकीय सेवा प्रदायक बिक्रेता कम्पनीहरुसँग व्यवसायिक कारोबार हुने भएको छ । यो मेलामा व्यवासायीले गनै विजनिश टु बिजनेश (विटुबी, र विजनेश टु कस्टुमर (विटुसी)सँगको जमघट हुने भएको छ । यो जमघटको थाले नै व्यपारिक कारोबारको स्थान हुने दाबी पनि पाटा नेपालको छ । पर्यटन बोर्डले विगत चार पाँच वर्षदेखि हरके वर्ष यो मार्टको लागि बजेट विनियोजन गर्दै आएको भएपनि यस बर्ष मात्रै उपयुक्त समय मिलेको कार्यक्रमको कार्यकारी आयोजक संस्थाा पाटा नेपाल च्याप्टरले भनाइ छ । यो मार्टमाा ५० भन्दा बढी बिदेशी क्रेता र ५० भन्दा बढी क्षेत्रीय बिक्रेताको सहभागिता रहने रहेने सुनिश्तिता आइसकेको छ । अझै बढ्ने दाबी आयोजकको छ । मेलाले नेपालको प्रवद्र्धन गर्ने, पर्यटकीय छवि सकारात्मक दिने, ट्राभल ब्राण्डिङ्ग, बजार अन्वेषण, अनुसन्धान गन्तव्य, नयाँ गन्तव्यमा जाने र अवसर सिर्जना गर्नेसहितका गतिविधि गराउन सक्ने पनि उल्लेख छ ।
नागवेली लघुवित्तको २१ हजार कित्ता सेयर लिलामीमा, राधी विद्युतको सेयर बाँडफाँड
काठमाडौं । नागबेली लघुवित्त विकास बैंक लिमिटेडको संस्थापक समूहतर्फको २१ हजार ८८९ कित्ता सेयर लिलामीमा राखिएको छ । यो बैैकले संस्थापक समूहको उक्त हकप्रद सेयर विक्री नभएपछि लिलामी गर्न लागेको हो । यो बैंकले यही जेठ १९ गतेबाट २६ गतेसम्म न्युतमत मूल्य एक सय रुपैयाँ कबोल गरेर सेयर आवेदन दिन सक्नेछन् । यसको विक्री प्रवन्धक एनएमबी क्यापिटल लिमिटेड हो । यस्तै राधी विद्युत कम्पनी लिमिटेडको साधारण सेयर बाँडफाँड भएको छ । प्रतिकित्ता १ सय रुपैयाँ अंकीत ४ लाख १० हजार कित्ता साधारण सेयरको निष्कासन गरेको थियो । प्रभावित क्षेत्रका लागि केन्द्रित भएको यो कम्पनीको सेयर बाँडफाँड भएको छ ।
आज सगरमाथा दिवस, पाँच हजारभन्दा बढी आरोही पुगे सगरमाथा शिखरमा
काठमाडौं, जेठ १५ – विश्वको सर्वोच्च चुचुरो सगरमाथा (८ हजार ८४८ मिटर अग्लो)मा मानव पाइला पुगेको सोमबार ६४ वर्ष पुगेको छ। न्युजिल्यान्डका सर एडमन्ड हिलारी र नेपालका तेन्जिङ नोर्गे शेर्पाले २९ मे १९५३ मा पहिलोपटक सगरमाथाको चुचुरो टेकेका थिए। त्यसपछि आरम्भ भएको आरोहण यात्राका दौरान अहिलेसम्म ५ हजारभन्दा बढी आरोही सगरमाथाको चुचुरोमा पुगेका छन्। संस्कृति पर्यटन तथा नागरिक उड्ययन मन्त्रालयका अनुसार डिसेम्बर २०१४ सम्म ४ हजार ४ सय २८ जना आरोहीले सफलतापूर्वक सगरमाथा आरोहण गरेका छन्। त्यसयता सन् २०१५ मा सगरमाथा आरोहण हुन सकेन। सन् २०१६ को वसन्त ऋतुमा २ सय ८९ आरोही सगरमाथाको चुचुरोमा पुगेका थिए भने सोही वर्ष विदेशी र स्वदेशी सहयोगीसहित ४ सयले आरोहण गरेको अनुमान छ। सन् २०१७ को वसन्त ऋतुमा ४२ टोलीका ३ सय ७५ आरोही मध्ये कतिले सगरमाथा आरोहण गरिसकेका छन् भने कतिपय आरोहणकै क्रममा छन् । नयाँ पत्रिका दैनिकबाट ।
