मर्चेण्ट बैंकले पनि आइपिओ जारी गर्नुपर्ने
काठमाडौं, २ असोज । अबदेखि मर्चेण्ट बैंकहरुले पनि आइपिओ जारी गर्नुपर्ने भएको छ । नेपाल धितोपत्र बोर्डले मर्चेण्ट बैंकहरुले पनि आइपिओ जारी गर्नुपर्ने व्यवस्था गर्न लागेको हो । हाल १७ वटा मर्चेट बैंकहरुले पब्लिक कम्पनीहरुको सेयर निष्काशनको काम गरिरहेका छन् । बोर्डले मर्चेण्ट बैंकलाई १० देखि १५ प्रतिशतसम्म आइपिओ निष्काशन गराउनेबारे तयारी गरिहेको छ । कारोबार दैनिकमा समाचार प्रकाशित छ ।
२१ अर्बको बोनस, १९ अर्बको आइपिओ, एफपिओ र हकप्रद, नेप्से ७९ प्रतिशतले बढ्यो
काठमाडौं, ३१ भदौ । गत आर्थिक बर्षमा पूजी बजारमा उत्साहजनक बृद्धि भएको छ । सुचिकृत कम्पनीले दिने बोनस सेयर, बजार पूजीकरण तथा नेप्से परिसुचक बृद्धि तथा कारोवार रकममा पनि उल्लेख्य बढोत्तरी देखिएको छ । पूजी बजारको नियामक निकाय धितोपत्र बोर्डले दिएको जानकारी अनुसार विगत वर्षको तुलनामा गत बर्ष सेयर तथा सामूहिक लगानी कोषको नयाँ निष्काशन संख्या तथा रकम दुवैमा कमी आए पनि हकप्रद सेयर निष्काशन संख्या तथा रकम दुवैमा उल्लेख्य वृद्धि आईसमग्रमा धितोपत्रको प्राथमिक बजारमार्फत् पँुजी परिचालनमा बढोत्तरी आएको छ । गत बर्ष १२ वटा संगठित संस्थाले साधारण सेयरको प्राथमिक निष्काशन गरेका छन् । यस्तै ३ वटा संस्थाले थप निष्काशन, ३७ वटा संस्थाले हकप्रद निष्काशन र १ वटा संस्थाले सामुहिक लगानी योजना निष्काशन गरी कुल ५३ वटा संगठित संस्थाहरूले १८ अर्ब ९९ करोड बराबरको पुँजी परिचालन गरेका छन् । गत आर्थिक वर्षमा कुल ४८ कम्पनीले १४ अर्ब ४४ करोड रुपैयाँ बराबरको पुँजी परिचालन गरेका थिए । यसरी अघिल्लो वर्षको तुलनामा गत वर्षमा सार्वजनिक निष्काशन गर्ने कम्पनीको संख्यामा १० दशमलब ४१ प्रतिशतको र सार्वजनिक निष्काशन रकममा ३१ दशमलब ५१ प्रतिशतको वृद्धि भएको छ । सो अवधिमा २१ वाणिज्य बैंक, ७० विकास बैंक, १९ वित्त कम्पनी, १६ बीमा कम्पनी, १ जलविद्युत, ३ होटल र १ व्यापार कम्पनी गरी कुल १ सय ३१ संगठित संस्थाहरूको २१ अर्ब ५ करोड ६१ लाख रुपैयाँ बराबरको बोनस सेयर दर्ता भएका छन् । अघिल्लो आर्थिक वर्षमा कुल १ सय १३ संगठित संस्थाहरूले १५ अर्ब २१ करोड ६० लाख रुपैयाँ बराबरको बोनस सेयर दर्ता गरेका थिए । यस्तै गत आर्थिक बर्षमा धितोपत्रको दोस्रो बजारमा मर्जर तथा प्राप्तीका कारणले सूचिकृत कम्पनीहरुको कुल संख्या घटेको देखिए पनि नेप्से परिसूचक, कारोवार रकम तथा बजार पूँजीकरण जस्ता अन्य अधिकांश परिसूचकहरुमा उल्लेखनीय बृद्धि भएको छ । गत असार मसान्तमा नेप्से परिसुचक १७१८ दशमलब १५ विन्दुकायम भएको छ । जुन अघिल्लो वर्षको सोही अवधिको ९६१ दशमलब २३ विन्दुको तुलनामा ७८ दशमलब ७४ प्रतिशतको वृद्धि हो । नेप्से फ्लोट परिसूचक गत असार मसान्तमा १२५ दशमलब ४१ बिन्दु कायम भएको छ । जुन अघिल्लो वर्षको सोही अवधिको अन्तको ७३ दशमलब ११ विन्दुको तुलनामा ८३ दशमलब १६ प्रतिशतको वृद्धि हो । गत बर्ष धितोपत्रको दोस्रो बजारमा १५ वटा कम्पनीहरू थप सूचिकृत भएको र एक आपसमा मर्जर तथा प्राप्तिका कारण १८ कम्पनीहरू सूचीकरणबाट हटेकोले कुल सूचीकृत कम्पनीको संख्या २२९ कायम भएको छ । अघिल्लो बर्ष यस्तो संख्या २३२ थियो । गत बर्ष बजार पुँजीकरणमा १२३ दशमलब ३३ प्रतिशतले वृद्धि भई १८ खर्ब ९० अर्ब रुपैयाँ कायम भएको छ । अघिल्लो आर्थिक वर्षमा उक्त बजार पुँजीकरण ८ खर्ब ४६ अर्ब रुपैयाँ थियो । गत बर्ष बजार पुँजीकरणमा कारोबार रकम ८ दशमलब ६७ प्रतिशत रहेको छ । गत बर्ष फ्लोट बजार पुँजीकरणमा १५५ दशमलब १५ प्रतिशतले वृद्धि भई ७१८ दशमलब ९६ अर्ब कायम भएको छ । गत आर्थिक वर्ष उक्त पुँजीकरण २८१ दशमलब ७८ अर्ब रुपैयाँ रहेको थियो । कुल ग्रार्हस्थ उत्पादनमा फ्लोट पुँजीकरण ३१ दशमलब ९७ प्रतिशत कायम भएको छ । गत आर्थिक बर्षमा कारोबार रकममा १५० दशमलब ९६ प्रतिशतले बृद्घि भई १६३ दशमलब ९५ अर्ब रुपैयाँको कारोबार भएको छ । अघिल्लो आर्थिक वर्षमा कारोवार रकम ६५ दशमलब ३३ अर्ब रुपैयाँ रहेको थियो । यस्तै गत आर्थिक वर्षमा दैनिक औसत कारोबार रकममा अघिल्लो वर्षको तुलनामा १३३ दशमलब २८ प्रतिशतले वृद्धि भई ७० करोड ६६ लाख रुपैयाँ कायम भएको छ । गत आर्थिक वर्ष दैनिक औसत कारोबार रकम ३० करोड २९ लाख रुपैयाँ रहेको थियो ।
१२ अर्ब पाँच करोडको हकप्रद आउँदै, तयारीमा २९ वटा वित्तीय संस्था
काठमाडौं २८, भदौ । चालू आर्थिक वर्ष २०७३र०७४ मा १२ अर्ब पाँच करोड रुपैयाँ बराबरको हकप्रद (राईट) सेयर आउने भएकाके छ । बाणिज्य बैंक, विकास बैंक, फाइनान्स, जलविद्युत् र बीमागरी २९ वटा कम्पनीले उक्त रकम बराबारको १२ करोड पाँच लाख कित्ता हकप्रद सेयर निष्कासन गर्न लागेका हुन । वेव,फाइल तस्बिर ती कम्पनीमध्ये १७ वटा विकास बैंक, चारवटा फाइनान्स, पाँचवटा वाणिज्य बैंक, दुईवटा बीमा कम्पनी, चारवटा जलविद्युत् कम्पनी रहेका छन् । प्राइम कमर्सियल बैंक, सेच्चुरी कमर्सियल बैंक, माउन्ट मकालु विकास बैंक, गुहेश्वरी मर्चेन्ट बैंकिङ एन्ड फाइनान्स, साहारा विकास बैंक, लक्ष्मी लघुबित्त वित्तीय संस्था, अरनिको विकास बैंक, मुक्तिनाथ, मितेरी र त्रिवेणी विकास बैंकले हकप्रद सेयर निष्कासनका लागि नेपाल धितोपत्र बोर्डबाट अनुमति पाइसकेका छन् । पछिल्लो समय बढ्दै गएको सेयरबजारका बीच यी सेयर सार्वजनिक हुन लागेका हुन । करीब दुइ महिनाकै अवधिमा सेयरबजारको आकार दोब्बर हुन लागेको छ । पछिल्लो समय कारोबार रकम, कारोबार समय र लगानीकर्ताको संख्यापनि उच्च बृद्धि भएको समाचार मंगलबारको अन्नपूर्ण पोष्टले छापेको छ ।
