बोनसपछि हिमालयन बैंकको सेयर मूल्य समायोजन
काठमाडौं । आज (पुस १४ गते) मंगलबार हिमालयन बैंकको सेयर मूल्य समायोजन भएको छ । बैंकको १४ प्रतिशत बोनस पछिको सेयर मूल्य समायोजन भएको हो । समायोजन पश्चात बैंकको सेयर मूल्य प्रतिकित्ता ५६१ रुपैयाँ रहेको छ । पछिल्लो कारोबारमा बैंकको सेयर प्रतिकित्ता ६३९ रुपैयाँमा किनबेच भएको थियो । यससँगै अबको बजारमा बैंकको पहिलो कारोबार प्रतिकित्ता ५६१ रुपैयाँदेखि शुरु हुने छ ।
नागरिक लगानी कोषको सेयर मूल्य समायोजन, प्रतिकित्ता कति ?
काठमाडौं । आज (पुस १४ गते) मंगलबार नागरिक लगानी कोषको सेयर मूल्य समायोजन भएको छ । संस्थाको ८२.८४ प्रतिशत हकप्रद पछिको मूल्य समायोजन भएको हो । समायोजन पश्चात कोषको सेयर मूल्य प्रतिकित्ता २७८४ रुपैयाँ कायम रहेको छ । पछिल्लो कारोबारमा कोषको सेयर प्रतिकित्ता ५००८ रुपैयाँमा किनबेच भएको थियो । यससँगै अबको बजारमा कोषको पहिलो कारोबार प्रतिकित्ता २७८४ रुपैयाँदेखि शुरु हुने छ ।
नागरिक लगानी कोषले पुस २८ गतेदेखि हकप्रद सेयर जारी गर्ने
काठमाडौं । नागरिक लगानी कोषले आगामी पुस २८ गतेदेखि हकप्रद सेयर खुला गर्ने भएको छ । कम्पनीले साविकका सेयरधनीलाई १ सेयर बराबर नयाँ ०.८२८४ को अनुपातमा हकप्रद साधारण सेयर निष्काशन तथा बिक्री खुल्ला गर्न लागेको हो । कोषले सेयरधनीहरुको लागि १ अर्ब ३५ करोड ९२ लाख ५९ हजार २०० रुपैयाँ बराबरको प्रतिसेयर एक सय अंकित दरका एक करोड ३५ लाख ९२ हजार ५९२ कित्ता हकप्रद साधारण सेयर निष्काशन तथा बिक्री खुल्ला गर्न लागेको हो । यससँगै इच्छुक सेयरधनीले आगामी पुस २८ गतेदेखि माघ १९ गतेसम्म कम्पनीको हकप्रद सेयर भर्न पाउने छन् । कम्पनीको सेयर निष्काशन तथा बिक्री प्रबन्धकमा आरबीबी मर्चेन्ट बैंकिङ्ग रहेको छ । हकप्रद सेयर निष्काशन गर्नको लागि कम्पनीले ईक्रा नेपालबाट ईक्रा एनपी इस्युअर रेटिङग सिंगल ए प्लस प्रमाणपत्र पाएको छ । जुन रेटिङ्गले कोषलाई समयमा वित्तीय दायित्व पुरा गर्ने सम्बन्धमा पर्याप्त मात्रमा सुरक्षित तरिका अपनाएको तथा न्युन कर्जा जोखिम रहेको कोषको रुपमा लिइन्छ । कोषले गत पुस २ गते मात्रै सो मात्राको हकप्रद जारी गर्न नेपाल धितोपत्र बोर्डबाट अनुमति पाएको थियो । सम्बन्धित समाचार नागरिक लगानी कोषले तोक्यो बुक क्लोजको मिति नागरिक लगानी कोषले हकप्रद सेयर जारी गर्ने, पायो बोर्डको अनुमति
