हामीलाई राख्न जेलको संख्या बढाउनुस्ः व्यवसायी, मन्त्री भन्छनः जेल आराम गर्ने ठाउँ हो
काठमाडौं । ‘नयाँ कानुनले व्यवसायीलाई जेल हाल्ने कुरामै जोड दिएको छ, त्यसलाई नसच्याउने हो भने मन्त्रीज्यू, अब हामी उद्योगी व्यवसायीलाई राख्न जेलहरुको संख्या बढाउनुस ।’, बिहिबार नेपाल उद्योग बाणिज्य महासंघमा पुगेका उद्योग बाणिज्य तथा आपुर्ति मन्त्री मातृका यादवलाई महासंघको ३ नम्बर प्रदेशका अध्यक्ष दिनेश श्रेष्ठले भने । उनले कानुनहरुले उद्योगी व्यवसायीले गलत काम मात्रै गर्छन भन्ने नजिर स्थापीत गरिरहेको र जेलनेलका कुरामै केन्द्रित रहेकाले तत्काल संसोधन नगरिए सबै व्यवसायी जेल पुग्ने अवस्था आउने पनि बताए । महासंघका बरिष्ठ उपाध्यक्ष शेखर गोल्छाले पनि व्यवसायीहरुलाई बजार अनुगमनका नाममा दुःख दिइएको बताए । गोल्छाले बजार अनुगमनमा सञ्चार माध्यमलाई सहभागी गराएर व्यवसायीको हुर्मत लिने काम बन्द गर्नुपर्ने धारणा पनि राखे । सरकारले निजी क्षेत्रलाई सकारात्मक रुपमा नहेर्दासम्म लगानी प्रवद्र्धन नहुने बताएका थिए । गोल्छाले नेपालमा उत्पादित वस्तुहरुको गुणस्तरका बारेमा सरकारले नै नागरिकमा चेतना बढाउन भूमिका खेल्नुपर्नेमा जोड दिए । उद्योग मन्त्रीको जवाफ उद्योगी व्यवसायीहरुको दर्जनौं प्रश्नहरु सुनिसकेपछि मन्त्री यादवले सुरुमै भने–’मन्त्री पद छाड्न तयार छु तर बजार अनुगमन रोक्दिन् ।’ उनले अनुगमनमा जाँदा अनावश्यक दबाव आईरहेका बताउँदै दबाव दिन छाडेर सत्यका पक्षमा उभिन पनि व्यवसायीलाई सुझाव दिए । मन्त्री यादवले कानुनसँग नडराउन व्यवसायीलाई आग्रह पनि गरे । ‘व्यवसायीले कानुनसँग डराउनु पर्दैन, राम्रो गर्नेलाई त्यसले छुँदैन, जेल जानु पर्दैन, जेल जाने काम भनेको राजनीतिज्ञको हो, हामीलाई त जेल भनेको आराम गर्ने ठाउँ जस्तै हो’ मन्त्री यादवले राजनीतिज्ञ, उद्योगी र कर्मचारी प्रति नागरिकको विश्वास घट्दै गएको पनि बताए । ‘राजनीतिज्ञ, उद्योगी व्यवसायी र कर्मचारी प्रति नागरिकमा आक्रोस छ, अब हामीले सुध्रनु पर्छ’, मन्त्री यादवले भने ।
हिमालय फाइनान्सको कर्जा असुलीको काम नेक्सजेन म्यानेजमेन्टले गर्ने
काठमाडौं । हिमालय फाइनान्स लिमिटेड लिक्विडेटर कार्यालयको कर्जा असुली तथा व्यवस्थापनको काम अब नेक्सजेन म्यानेजमेन्ट सोलुसन्स प्रालिले गर्ने भएको छ । दुई संस्थाबीच हालै भएको सम्झौता पश्चात नेक्सजेन म्यानेजमेन्टले उक्त वित्तीय संस्थाको लिक्विडेटरको आधिकारिक प्रतिनिधि भई कर्जाको असुल तथा व्यवस्थापनको काम गर्ने भएको हो । यस सम्झौताले बैंकिङ तथा वित्तीय क्षेत्रलाई नयाँ विशेषज्ञता सेवा उपयोग गर्न प्रोत्साहन गर्दै साविकको पारम्परिक कामलाई मध्यस्थकर्ता मार्फत गराउने कार्यलाई बढवा दिने कम्पनीको विश्वास छ । साथै, यस्तो कार्यले बैंक तथा वित्तीय संस्था आफ्नो मौलिक कार्यमा केन्द्रित हुँदै नयाँ नयाँ बैंकिङ काम गर्न सजिलो हुने कम्पनीले अपेक्षा गरेको छ । पुनरावेदन अदालतको निर्णय बमोजिम हिमालय फाइनान्स कम्पनी खारेजीका लागि लिक्वडेटरको नियुक्ती भई खारेजी प्रक्रियामा रहेको छ । त्यस्तै, नेक्सजेन म्यानेजमेन्ट सोलुसन्स वित्तीय बजारमा बैंक तथा वित्तीय संस्थाको कर्जा असुली तथा व्यवस्थापनको लागि स्थापित विशेषज्ञ सेवा दिने कम्पनी हो ।
नागढुंगा-धुलिखेल मेट्रो रेलको डीपीआर बनाउन ६ वटा कम्पनी छानिए
काठमाडौं । काभ्रेको धुलिखेलदेखि राजधानीको नागढुङासम्म ४५ किलोमिटर लामो मेट्रोरेलको संभाव्यता अध्ययनका लागि आधा दर्जन विदेशी परामर्शदाता छनौट भएका छन् । छनौट हुनेमा चिनियाँ, भारत, कोरिया, टर्की र जापानका परामर्शदाता रहेका छन् । आशयपत्र पेश गरेर संक्षिप्त सुचिमा चाइना मेशिनरी इन्जिनियरिङ कर्पोरेशन, चाइना रेल्वे सिउवान सर्वे एन्ड डिजाइन ग्रुप कम्पनी लिमिटेड, निप्पोन कोइ कम्पनी लिमिटेड, जापान, राइट्स इण्डिया लिमिटेड, युसिन इन्जिनियरिङ कर्पोरेशन सिउल र युकसेल प्रोजे युकसलवारी टर्की छन् । छनौट भएका कम्पनीले आउदो ३१ दिनभित्र परामर्श सेवाका लागि बोलपत्र पेश गर्नुपर्ने लगानी बोर्डका प्रवत्ता उत्तमभत्त वाग्लेले जानकारी दिए । बोलपत्र पेशपछि डीपीआरका लागि परामर्शदता छनौट गरिने उनले बताए । धुलिखेलदेखि नागढुङासम्म मेट्रोरेल सञ्चालन तथा व्यवस्थापनका लागि विस्तृत आयोजना प्रतिवे(डीपीआर) तयारीका लागि परामर्शदातालाई ३१ दिनभित्र बोलपत्र पेश गर्न बोर्डले भनेको छ । तत्कालिन प्रधानमन्त्री शेरबहादुर देउवाको अध्यक्षमा २०७४ कात्तिक २७ गते बसेको लगानी बोर्डको बैठकले नागढुंगादेखि धुलिखेलसम्म ४५ किलोमिटर लामो मेट्रोरेल निर्माणका लागि विस्तृत सम्भाव्यता अध्ययन र विस्तृत आयोजना प्रतिवेदन(डीपीआर) बनाउने निर्णय गरेको थियो । लगानी बोर्डले नै गठन गरेको राािष्ट्रय योजना आयोगका पुर्वाधार हेर्ने तत्कालिन सदस्य हिरेन्द्रमान प्रधान नेतृत्वको कार्यदलले पहिलो चरणमा नागढुंगा कलंकी कोटेश्वर धुलिखेल मेट्रोरेल बनाउन सकिने सिफारिस गरेको थियो । सोही सिफारिसका आधारमा बोर्डले रेलका लागि प्रारम्भीक काम थालेको हो । विस्तृत सम्भाव्यता अध्ययन र डीपीआर तयार भैसकेपछि लगानी बोर्डकै अगुवाईमा निर्माण, सञ्चालन र हस्तान्तरण(बुट) मोडलमा अन्तराष्ट्रिय कम्पनीको खोजी हुनेछ । मेट्रो रेलको प्रति किलोमिटर लागत ४ अर्ब हुने प्रक्षेपण गरिएको छ । यसको कुल लागत १ खर्ब ८० अर्ब रुपैयाँ पुग्ने अनुमान गरिएको छ । जमिनमाथी पुल निर्माण गरेर मेट्रोरेल सञ्चालन गरिनेछ । एलेटेटेड ट्रयाक(पुल) माथी रेल गुडाउने प्रबिधी अन्तर्गत मेट्रो रेलको निर्माण गर्न लागिएको हो । मेट्रो रेलहरु व्यवसायीक रुपले सञ्चालन गर्न कठिन हुनेगरेको छ । त्यसैले मेट्रो रेल सञ्चालनको जिम्मेवारी पाउने कम्पनीलाईसरकारले केहि अनुदान वा सहुलियतको सुबिधा उपलब्ध गराउनेछ । उपत्यकामा मेट्रो रेल निर्माणका लागि कोरियाली, जापानी तथा केहि चिनियाँ कम्पनीहरुले इच्छा देखाएका छन् । उनीहरुले केहि बर्ष पहिले नै मेट्रो रेल निर्माणका लागि भन्दै रेल विभागमा आसय पत्र बुझाएका थिए ।
नेप्सेसँगै कारोबार रकम बढ्यो, बिहीबार मात्रै ७२ करोडको सेयर किनबेच
काठमाडौं । सेयर बजारमा नेप्से परिसूचक सँगै कारोबार रकममा पनि वृद्धि भएको छ । बिहीबारको बजारमा ७२ करोड ९८ लाख रुपैयाँ बराबरको सेयर कारोबार भएको छ । जुन अघिल्लो दिनको तुलनामा २९ करोड ६९ लाख रुपैयाँ बढी हो । अघिल्लो दिन(बुधबार)को दिनभरको बजारमा ४३ करोड २९ लाख रुपैयाँ बराबरको सेयर किनबेच भएको थियो । बिहीबार कुल १७३ कम्पनीको २७ लाख ११ कित्ता सेयर कारोबार भएको छ । सो मध्ये सबैभन्दा बढी एनएमबी बैंकको ५ करोड ९४ लाख रुपैयाँ बराबरको सेयर किनबेच भएको छ । जसको सेयर मूल्य प्रतिकित्ता ३५५ रुपैयाँ रहेको छ । त्यस्तै, एनआईसी एशियाको पनि ५ करोड ४९ लाखको सेयर किनबेच भएको छ । पछिल्लो केही दिनदेखि लगातारका कारोबार बढेको यस बैंकको सेयर मूल्य प्रतिकित्ता ४१३ रुपैयाँ रहेको छ । समग्रमा बिहीबारको नेप्से परिसूचक १४.१३ अंकले उकालो लागेर १२४४.८४ अंकमा पुगेको छ । सो दिनको नेप्से बुधबारको तुलनामा १.१५ प्रतिशतले उकालो लागेको हो । दोेहोरो अंकले बढेको बजारमा नेपाल सेवा लघुवित्त वित्तीय संस्थाका लगानीकर्ताले सबैभन्दा बढी कमाएका छन् । सो दिन यस कम्पनीका लगानीकर्ताले ९.७७ प्रतिशत कमाएका छन् । बिहीबार संस्थाको सेयर मूल्य अघिल्लो दिनको तुलनामा प्रतिकित्ता ४२ रुपैयाँले बढेर ४७२ रुपैयाँ पुगेको छ । (याे पनि पढ्नुहाेस्)
यूनिलिभरले प्रतिसेयर ७०० रुपैयाँ लाभांश दिने, कहिले हुँदै छ वार्षिक साधारणसभा ?
काठमाडौं । यूनिलिभर नेपाल लिमिटेडले सेयरधनीलाई प्रतिसेयर ७०० रुपैयाँ लाभांश दिने भएको छ । कम्पनीले गत आर्थिक वर्ष २०७४/७५को मुनाफाबाट सो मात्राको लाभांश दिने प्रस्ताव गरेको हो । उक्त प्रस्ताव कम्पनीको सञ्चालक समितिको बैठकले गरेको हो । बैठकको प्रस्तावलाई कम्पनीको आगामी वार्षिक साधारणसभाले पारित गरेपछि मात्रै सेयरधनीले सो मात्राको लाभांश पाउने छन् । कम्पनीको आगामी साधारणसभा कात्तिक ६ गते बस्ने भएको छ । उक्त सभाले समितिको प्रस्तावित लाभांशलाई पारित गर्ने भएको छ । कम्पनीको चुक्ता पूँजी ९ करोड २१ लाख रुपैयाँ रहेको छ । गत आवमा कम्पनीले ९९ करोड ९ लाख रुपैयाँ खुद नाफा कमाएको छ । वार्षिक कारोबार ४ अर्ब ८७ करोड रुपैयाँ रहेको छ ।
टिभिएसको एनर्टक १२५ स्कुटर सार्वजनिक, मूल्य २ लाख २४ हजार रुपैयाँ
काठमाडौं । टीभीएस टू ह्वीलको लागि नेपालको आधिकारीक बिक्रेता जगदम्बा मोटर्सले स्मार्ट कनेक्टेड स्कुटर एनटर्क १२५ नेपाली बजारमा सार्वजनिक गरेको छ । कम्पनीले भृकुटीमन्डपमा आयोजित नाडा अटो शो २०१८ मा उक्त स्कुटर कम्पनीले सार्वजनिक गरेको हो । युवा वर्गको लागी लक्षित गरेर डिजाइन गरिएको एनर्टक स्कुटर टिभिएस रेसिङ प्लेटफर्मका साथ ३ भल्ब इन्जिन युक्त रहेको छ । एनर्टक १२५ टेक्नोलोजी प्लेटफर्म टिभिएस स्र्माट कनेक्टले यो स्कुटरलाई कनेक्टेड स्कुटरमा परिभाषित गरेको छ । यसको हालको मूल्य २ लाख २४ हजार ९०० रुपैयाँ रहेको कम्पनीले जनाएको छ । कम्पनीका अनुसार टिभिएस एनर्टक १२५मा न्यू जेनेरेशन सिभिटीआइ आरइभिभी १२६।७९ सीसीको सिगंल सिलिन्डर, ४स्टोर्क, ३ भल्ब एयरकूल्ड इन्जिन रहेको छ । यसले ७५०० आरपीएममा ९.४ पिएस र ५५०० आरपीएममा १०.५ एनएम टर्क जेनेरेट गर्दछ । यस स्कुटरमा स्पोर्ट मोड दिइएको छ, जसले रेसिङ डाटा, ल्याप समय स्क्रिनमा देख्न सकिन्छ । ३ ट्रिप मीटर, फ्यूल लेवल, स्पीड, इन्जिन टेम्परेचर, र घडीजस्ता फिचर नर्मल मोडमा पाइन्छ । यस स्कूटरमा रहेको लो फ्यूल वार्निङले रिजर्वमा आएपछि कति दुरीपार गरेको छ भन्ने कुरा देखाउँछ । हेलमेट लगाउन भुल्नेहरुलाई यसले स्टार्ट गर्नासाथ हेलमेटको आइकन डिस्प्लेमा देखिन्छ जसले हेल्मेट नलगाई बाहिर नि निस्कने संभावना अत्यन्त न्युन रहेको कम्पनीले जनाएको छ । त्यसैगरी, एंकर एपले पनि कामको धेरै सूचनाहरु दिने गर्छ । राइड रिपोर्ट जेनरेट भए पश्चात् दूरी (डिस्टेंस), टाइम, ट्राफिकको टाइम, र पछिल्लो पटक स्कूटर पार्क गरेको स्थानजस्ता कुराहरुको जानकारी यस एपले दिने गर्छ । यसमा १२ इन्चको एलोइ ह्वील दिइएको छ भने, सेफ्टीको लागि फ्रंट डिस्क ब्रेक दिइएको छ । यसमा एलईडी डे टाइम रनिङ ल्याम्प भएतापनि हेडलाइट एलईडीमा छैन । अन्डर सीट स्टोरेज क्षमतासमेत राम्रो रहेको छ । १ सय ५५ एमएम ग्राउन्ड क्लियरेन्स भएको टीभीएस एनटर्क स्कुटरमा पाँच लिटर क्षमताको फ्युल ट्यांक छ । यो स्कुटर विभिन्न ५ रङमा उपलब्ध छन् । यो स्कुटरमा रहेको डिस्क ब्रेकले सुरक्षित यात्राको लागि निकै सहयोग पुग्ने कम्पनीले जानकारी दिएको छ ।
युएमले ल्यायो धमाका अफर, बाईक खरिदमा नगद छुटका साथै थाईल्यान्ड घुम्ने अवसर
काठमाडौं । नेपालका लागी युएम बाईकको अधिकारिक विक्रेता आईएमई अटोमोटिभस प्रालीले “युएम बाईकको धमाका अफर” नामक योजना सार्वजनिका गरेको छ । कम्पनीले नजिकिदै गरेको चाडपर्वलाई मध्यनजर गरि उक्त योजना नेपाली बजारमा ल्याएको हो । युएम बाईकको कुनै पनि मोडेलको बाईक खरिदमा ग्राहकहरुलाई ८००० रुपैयाँ सम्मको पक्का छुट र हरेक ३०० सीसीको खरिदमा ग्राहकलाई थाईल्यान्ड टुर बम्पर प्राइजमा दिइनेछ् । यो योजनाको अवधि भदौ २६ देखि कार्तिक ३० गतेसम्म रहेको छ । भदौ ३१ गतेसम्म हुने नाडा अटो शोमा युएम बाइक पनि सहभागी भएको छ । ग्राहकहरुले युएम बाईक र आईएमई अटोमोटिभसको बारेमा थप जानकारी लिनको लागी नडा शोको स्टल नं. एम२ मा सम्पर्क गर्नसक्ने छन् ।
सेयर बजार बढ्ने क्रम शुरु, यस्ता छन् कारण
काठमाडौं । ‘ सेयर बजारलाई ९०० अंकमा झार्ने खेल थियो, १ हजार १६५ भन्दा तल झरेन, अहिले घट्दो ब्याजदर, अनलाइन कारोबारको उत्साह, लाभांशको आशले सेयर बजार बढिरहेको छ । र, यो निरन्तर रहन्छ’, यो भनाई हो इन्भेष्टर्स फोरमका उपाध्यक्ष छोटेलाल रौनियारको । रौनियारले मात्रै होइन अर्का लगानीकर्ता ज्योति दाहालले पनि बजारमा उत्साह थपिएको बताए । ‘सेयर बजारमा उत्साह थपिएको छ, ब्याजदर, लाभांशको आश, समाधान उन्मुख करको सवालले बजार बढाउन मदत गरेको छ’, दाहालले भने । उनले नेपाल टेलिकम, एनआईसी एसिया बैंक लगायतका कम्पनीहरुको मूल्य बढेर पनि नेप्से परिसूचकमा प्रभाव परेको बताए । त्यस बाहेक अर्थमन्त्री डा. युवराज खतिवडाले पछिल्लो समय सेयर बजार प्रति देखाएको सकारात्मक चासो, कम मूल्यमा पाइएका सेयरले पनि लगानीकर्तालाई आकर्षित गरेको उनीहरु बताउँछन् । पछिल्लाे समयमा लगानीकर्तामाझ विश्वास पनि बढेको छ । ‘सेयर बजार घट्नेक्रम रोकियो भन्ने मनोविज्ञान स्थापित भएको छ, सबै कम्पनीले चौथो त्रैमासिकको विवरण पनि प्रकाशित गरिसकेका छन्, अब लाभांश घोषणाको क्रम सुरु हुन्छ, यीनै कारणले बजार बढ्न सघाईरहेको छ’, रौनियारले भने । अर्थमन्त्री डा. युवराज खतिवडाले हकप्रद र बोनस सेयरमा लगाईको ७.५ प्रतिशतको कर सम्बन्धी विवाद समाधान गर्न आफु सकारात्मक रहेको लगानीकर्ताहरुलाई बताएका थिए । त्यस बाहेक केहि समयभित्रै पूर्ण अनलाईन सेयर कारोबारले पनि लगानीकर्तामा राम्रो सन्देश दिएको छ । ‘यतिबेला सेयर बजारमा राम्रो सन्देश गैरहेको छ, लाभांश आउने, करको विवाद समाधान हुने, ब्याज दर घट्ने कुराले लगानीकर्ताहरु उत्साहका साथ सेयर खरिद गर्न आईरहेका छन्, सेयर किन्नेहरुको संख्या ह्वात्तै बढिरहेको छ’, एक जना ब्रोकरले भने । बिहिबार बजार बढेर नेप्से परिसुचक १ हजार १४० अंक नजिक पुगेकाे छ ।
