सानिमा बैंक र एक्सिस बैंकबीच रेमिट्यान्स सम्झौता
काठमाडौं । सानिमा बैंक लिमिटेड र एक्सिस बैंकबीच भारत-नेपाल रेमिटयान्स सेवा सम्झौता भएको छ । उक्त सम्झौता अन्तर्गत सानिमा बैंकको रेमिटयान्स सेवा सानिमा एक्सप्रेस मार्फत भारतबाट पठाएको रकम सानिमा बैंकको ४७ शाखा लगायत नेपालभरि ७००० भन्दा बढि आधिकारिक प्रतिनिधिमार्फत भुक्तानी लिन सकिनेछ । भारतबाट नेपाल पैसा पठाउदा नेपालमा भएको सानिमा बैंकको खाता वा कुनै पनि बैंकमा भएको खातामा जम्मा गर्न पनि सकिनेछ । उक्त सम्झौता पत्रमा सानिमा बैंकको तर्फबाट प्रमुख वित्तिय अधिकृत सरोज गुरागाई र एक्सिस बैंकको तर्फबाट वित्तिय संस्था समुहका प्रमुख अशोक गौतमले हस्ताक्षर गरेका हुन् । आन्तरिक रेमिट्यान्स सेवाको साथै सानिमा एक्सप्रेसले यू.ए.ई, कतार, यू.के, कोरिया लगायत विश्वभरिबाट एक्सप्रेस मनिको सहकार्यमा रेमिट्यान्स सेवा दिदै आइरहेको छ । सानिमा बैंकले छिटै आफनो रेमिट्यान्स सेवा अरु देशहरुबाट पनि संचालनमा ल्याउने तयारी गरिरहेको छ । यस सम्झौता अनुरुप सानिमा बैंक मार्फत सजिलो र भरपर्दाे माध्यमबाट भारतमा बस्ने नेपालीहरु रेमिट्यान्स सेवा लिन सक्नेछन् ।
कफीको उत्पादन ७ प्रतिशतले बढ्दा किन घट्यो निर्यात ?
काठमाडौं । देशभर कफीको उत्पादन ७ प्रतिशतले बढेको छ । तर, कफीको उत्पादन बढेसँगै यसको निर्यात भने घटेको छ । व्यापार तथा निकासी प्रवर्धन केन्द्रका अनुसार यो वर्ष २ करोड ३६ लाख ५२ हजार रुपैयाँ मूल्य बराबर कम मात्रामा कफीको निर्यात घटेको छ । केन्द्रको तथ्यांक अनुसार गत वर्ष करिब १० करोड ८१ लाख रुपैयाँ बराबरको कफी निर्यातबाट घटेर यसवर्ष करिब ८ करोड ४५ लाख रुपैयाँ मूल्य बराबरको कफी निर्यात भएको छ । नेपालमा उत्पादन भएका कफीको स्वदेशम उपभोगबढेपछि निर्यात घटेको बोर्डको तर्क छ । बोर्डका कार्यकारी निर्देशक गौतमका अनुसार उत्पादनका साथै कफीको आन्तरिक बजार पनि बढेको अनुमान गरिएको छ । गत वर्षको तुलनामा कफीको आयात र निर्यात दुवै घटेकाले नेपाली कफीको बजार बढेको अनुमान गरिएको गौतमले बताए । ‘देशभर कफी क्याफे हाउसहरुको विस्तारले नेपाली कफीको लोकप्रीयता बढ्दै गएको पाइन्छ,’ उनले भने, ‘यद्दपी उत्पादनमा अझ वृद्धी गर्दै निर्यात पनि बढाउनु आजको प्रमुख आवश्यकता हो ।’ यसवर्ष कफी रोपण क्षेत्रमा बिस्तार भएपछि उत्पादन बढेको देशभर राष्ट्रिय चिया तथा कफी विकास बोर्डले जनाएको छ । यसमा चार सय ६६ टन कफी उत्पादन भएको छ । देशभर गरिएको कफी खेतीबाट गत वर्ष ४३४ टन उत्पादन भएको थियो । यस वर्ष कफी खेतीयोग्य जमिन २८ हेक्टर क्षेत्रफल वृद्धि भएको छ । गत वर्ष २६१८ हेक्टर क्षेत्रफल रहेको जमिनबाट बढेर २६४६ हेक्टर पुगेकाले उत्पादन बढेको बोर्डका कार्यकारी निर्देशक शेषकान्त गौतमले जानकारी दिए । उनले भने, ‘विभिन्न जिल्लाहरुमा बोर्ड तथा जिल्ला कृषि विकास कार्यालयहरुले सञ्चालन गरेको कफी विस्तार कार्यक्रमको प्रभावस्वरुप रोपण क्षेत्र विस्तार भएको हो । जसले गर्दा कफी उत्पादन बढ्यो ।’ तथ्यांक अनुसार गत वर्ष करिब साढे ५ करोड रुपैयाँ बराबरको कफी आयातबाट घटेर यसवर्ष करिब ५ करोड ४ लाख रुपैयाँ बराबरको मात्र कफी आयात भएको छ ।
७ वटा जीवन बीमा कम्पनीको नाफा १३८.७० प्रतिशतले बढ्यो(सूचिसहित)
काठमाडौं । ७ वटा जीवन बीमा कम्पनीहरुको नाफा १३८.७० प्रतिशतले बढेको छ । चालु आवको पहिलो त्रैमासिक अवधीमा ७ वटा जीवन बीमा कम्पनीहरुले आफ्नो नाफा २६ करोड ८४ लाखले वृद्धि गरेर ४४ करोड ४७ लाख पुर्याएका हुन् । गत आवको असोज मसान्तसम्ममा यीनै जीवन बीमा कम्पनीहरुको नाफा जम्मा १८ करोड ६३ लाख मात्रै थियो । नेपाल स्टक एक्सचेञ्ज(नेप्से)मा सूचिकृत ७ वटा जीवन बीमा कम्पनीमध्ये नेपाल लाइफ इन्स्योरेन्स कम्पनीको नाफा सबै भन्दा धेरै अर्थात १७ करोड ७४ लाख रहेको छ । ७ वटा जीवन बीमा कम्पनी कुल कोनाफको ३९.८९ प्रतिशत हिस्सा नेपाल लाइफ इन्स्योरेन्सले नै ओगटेको देखिन्छ । नेशनल लाइफ इन्स्योरेन्स कम्पनीले पनि ८ करोड २० लाख नाफा कमाएको छ । त्यस्तै, प्राइम लाइफ इन्स्योरेन्स कम्पनीले ६ करोड ३४ लाख नाफा कमाउन सफल भएको छ ।
अशोक लेल्याण्डका १० थान बसले अब चक्रपथ परिक्रमा गर्ने, आजैबाट सञ्चालनमा
काठमाडौं । आइएमई मोटर्स प्रालिद्धारा नेपाल अधिराज्यकालागि बिक्री वितरण गरिने अशोक लेल्याण्ड ब्राण्डका ३४ सिटे बसले अब चक्रपथ परिक्रमा गर्ने भएको छ । बुढानिलकण्ठ जमल सहिदगेट माइक्रोबस व्यवसायी समितीअन्तर्गतको बुढानिलकण्ठ यातायात प्रालीले अशोक लेल्याण्डका १० थान सुविधा सम्पन्नयुक्त गाडीहरु उक्त रुटमा सञ्चालन गर्ने भएको छ । अशोक लेल्याण्डले यात्रुहरुको सुविधालाई मध्यनजर गर्दै गाडीमा वाइफाई, सीसीटीभी, पब्लिक अनाउन्समेन्ट सिस्टम लगायतविभिन्न सुविधाका साथ साथै उक्त गाडि चक्रपथ परिक्रमा गर्दै बुढानिलकण्ठसम्म सेवाउपलब्ध गराउने संस्थाका अध्यक्ष बाबुराज महर्जनले बताएका छन् । साथै, उनले नेपाल सरकारको मापदण्ड पुरा गरी निकट भविष्यमा रुट नं ५ मा पनि बस सञ्चालनमा ल्याँउने प्रतिबद्धता व्यक्त गरेका छन् । समिती सदस्य भरत बस्नेतले निकट भविष्यमा थप उत्कृष्ट गाडि सञ्चालनमा ल्याँईने बताए । बिहीबारबाटै सञ्चालनमा आउने उक्त बसको उद्घाटन मिगमान्न दमाहाराज १०८ स्वामीले गरेका हुन् ।
सेयर बजार १५ अंकले ओरालो
काठमाडौं । बिहीबारको सेयर बजार १५.७३ अंकले ओरालो लागेर १४८९ अंकमा झरेको छ । सो दिन नेप्से परिसूचक र कारोबार रकम दुबैमा गिरावट आएको छ । बजारमा कुल ४५ करोड रुपैयाँ बराबरको सेयर कारोबार भएका छन् । दोहोरो अंकले ओरालो लागेको बजारमा सबै समूहका परिसूचक राताम्मे भएका छन् । सबैभन्दा बढी बीमा समूहको परिसूचक ६९ अंकले ओरालो लागेको छ । त्यस्तै, फाइनान्स, अन्य समूह र ट्रेडिङ समूहको परिसूचक सामान्य अंकले ओरालो लागेका छन् भने बाँकी समूहको परिसूचक दोहोरो अंकले ओरालो लागेका छन् । सो दिन सबैभन्दा बढी नेपाल हाइड्रो डेभलपर्सको सेयर मूल्य ४.९६ प्रतिशतले घटेको छ ।
२८ अर्बका ६ वटा विकास ऋणपत्र नेप्सेमा सूचिकृत
काठमाडौं । नेपाल स्टक एक्सचेन्ज लिमिटेड (नेप्से) मा कारोबारका लागि ६ वटा विकास ऋणपत्र सूचिकृत भएका छन् । नेप्सेले बिहीबार कुल २८ अर्ब १४ करोड रुपैयाँ बराबरको आधा दर्जन सरकारी ऋणपत्रलाई कारोबारका लागि सूचिकृत गरेको हो । सूचिकृत हुनेमा न्युतम ५ देखि बढीमा १४ वर्षसम्मका ऋणपत्र छन् । ५ अर्ब रुपैयाँका ५ वटा र ३ अर्ब १४ करोड रुपैयाँको १ विकास ऋणपत्र सूचिकृत भएको नेप्सेका प्रवत्ता मुराहरि पराजुलीले बताए । उनका अनुसार १४ वर्षको विकास ऋणपत्र २०८८ क, १० वर्षको २०८४ ख, ७ वर्षको २०८१ क, ५ वर्षको २०७९ ग, ७ वर्षको २०८१ ख खर्ब र ११ वर्षको २०८५ ख खर्ब ऋणपत्र सूचिकृत भएका हुन् । ऋणपत्रको ब्याजदर न्युतम ४.९९ देखि ६.४८ प्रतिशतसम्म छ । ऋणपत्रका फेसभ्यालु प्रतिकित्ता १ हजार रुपैयाँ छ । परिपक्व भएपछि नेप्सेले कारोबार बन्द गर्दे आएको छ । यसअघि पनि विकास ऋणपत्र सूचिकृत गर्दा कारोबार नभएको पराजुलीले जानकारी दिए । सरकारले विकास आयोजनाका लागि विभिन्न वित्तीय औजारको प्रयोग गरेर आन्तरिक ऋण उठाउने गरेको छ । त्यसमध्येको विकास ऋणपत्र पनि एक हो । हालसम्म बैंकको संस्थागत ऋणपत्र २० वटा र सरकारको १९ वटा कारोबारका लागि नेप्सेमा सूचिकृत भएका छन् ।
लक्ष्मी बैंकको दुई नयाँ शाखा कनचनपुरको झलारी र कैलालीको बौनियाँमा
काठमाडौं । लक्ष्मी बैंकले आफ्नो थप दुई शाखा कनचनपुरको झलारी र कैलालीको बौनियाँमा विस्तार गरेको छ । यी दुई शाखा सहित यस बैंकको शाखा संजाल ७४ पुगेको छ । यस शाखाहरुका साथ लक्ष्मी बैंकले आफ्नो सेवा अझ सुदृढ अनि व्यापक बनाउने विश्वास राखेको छ । यस शाखाको विस्तार सँगै बैंकले इन्टरनेट बैंकिङ्ग र मोवाईल फोन मार्फत बैंकिङ्ग सेवाप्रदान गरी शहरी तथा अर्ध शहरी क्षेत्रमाआफ्नो ब्राण्ड तथा ग्राहक अनुभवलाई अझ सशक्त पार्ने नीति अनुरुप महत्वपूर्ण फड्को मार्ने विश्वास लिएको छ । हाल बैंकको ३ हस्पिटल सेवा काउन्टर, ९५ एटिएम, २५०० भन्दा बढि रेमिटेन्स् अनि ४०० भन्दा बढि मोबाईल एजेन्टहरु पुगेको छ । साथै, आगामी दिनहरुमा बैंकले अझ धेरै शाखा अनि सेवाहरु देशभरि विस्तार गर्ने लक्ष्य लिएको छ ।
केपी ओलीको घोषणा-वृद्ध भत्ता पाँच हजार
काठमाडौं । पुर्व प्रधानमन्त्री तथा एमाले अध्यक्ष केपी ओलीले वृद्ध भत्ता पाँच हजार पुर्याउने घोषणा गरेका छन । स्याङजाको पुतलीबजारमा आयोजीत बाम गठबन्धनको चुनावी सभालाई सम्बोधन गर्दै उनले आगामी सरकारले वृद्ध भत्ता पाँच हजार पुर्याउने घोषणा गरेका हुन् । २०५१ सालको निर्वाचनमा एमालेले जित्यो भने बुढाबुढीलाई काट्छन भनेर काँग्रेसले आरोप लगाएको र एमालेले वृद्ध भत्ताको कार्यक्रम अघि सारेको स्मरण गराउँदै ओलीले भने–उतिबेला कम्युनिष्टले बुढाबुढीलाई काट्छन भन्थे हामीले वृद्ध भत्ता दियौं, मैले मासिक २ हजार पर्याईदिएको छु, बामपन्थीको नयाँ सरकारले पाँच हजार पुर्याइदिन्छौं ।’
