कृषि, पर्यटन र ऊर्जा क्षेत्र आर्थिक समृद्धिको मेरुदण्डः मन्त्री बस्नेत
काठमाडौं । सूचना तथा सञ्चारमन्त्री मोहन बहादुर बस्नेतले पर्यटन क्षेत्रमा रहेका समस्या समाधान गर्न सरकार क्रियाशिल रहेको बताएका छन् । देशको आर्थिक समृद्धिको मेरुदण्डको रुपमा रहेको पर्यटन क्षेत्रमा रहेका समस्या समाधान सरकार क्रियाशिल रहेको उल्लेख गर्दै मन्त्री बस्नेतले पर्यटनसँगै कृषि, पर्यटन र ऊर्जा क्षेत्र देशको आर्थिक समृद्धिको मेरुदण्ड रहेको उल्लेख गरे । बुधबार राष्ट्रिय पत्रकार संगठन (नाटोज) को चौथो वार्षिक साधारणसभालाई सम्बोधन गर्दै मन्त्री बस्नेतले भने, ‘पर्यटनका साथै कृषि र उर्जा तथा हाइड्रोपावर राज्यको आर्थिक उन्नतिको मेरुदण्ड हो । राज्यको प्रमुख मेरुदण्डको रुपमा रहेको पर्यटन क्षेत्रमा रहेका समस्या समाधान गर्न सरकार तयार छ ।’ विश्वमा नेपालबारे अफबाहसमेत फैलिएको उल्लेख गर्दै मन्त्री बस्नेतले सञ्चार मन्त्रालयले विश्वका विभिन्न स्थानमा पर्यटन दूतहरु नियुक्त गरेर सकारात्मक सन्देश प्रवाह गर्न लागि परेको बताए । जोखिमयुक्त पर्यटन क्षेत्रहरुमा सञ्चारको पहुँच नभएको उल्लेख गर्दै मन्त्री बस्नेतले त्यस क्षेत्रहरुमा सञ्चारको पहुँच पुर्याउन सरकार क्रियाशिल रहेको समेत उल्लेख गरे । ‘जोखिमयुक्त क्षेत्रमा सञ्चारको पहुँच नहुँदा पर्यटकहरुले सास्ती भोग्नु परेको छ । कतिपय अवस्थामा दुर्घटना हुँदा सञ्चारकै अभावले क्षति व्यहोर्नु परेको अवस्था छ । ‘यसतर्फ सरकार सचेत छ’, बस्नेतले थपे, ‘टेलिकम क्षेत्रमा रहेका समस्या समाधानका लागि केहि दिनमै बृहद् गोष्ठी हुँदैछ । क्षेत्रमा रहेका समस्याबारे जानकारी गराउनुस्, म समाधान गर्न तयार छु ।’ मुलुकको अर्थ व्यवस्था बलियो बनाउने हो भने पर्यटन क्षेत्रलाई नै राज्यले महत्व दिनुपर्ने मन्त्री बस्नेतको भनाई थियो । उनले सरकारी कार्यालयहरुमा काम कारबाही ढिलो हुने गरेको गुनासो प्राप्त हुने गरेको भन्दै त्यस्तो गर्ने कर्मचारीलाई कारबाही गरिने चेतावनी दिए । प्रक्रियाबाट आएका काम २४ घण्टा पनि नभए आफूलाई जानकारी गराउन आग्रह समेत मन्त्री बस्नेतले गरे । सो अवसरमा नाटोजका अध्यक्ष शिव अधिकारीले पर्यटन र सूचनालाई सँगसँगै अघि बढाइनु पर्ने भन्दै अहिले पनि पर्यटन क्षेत्रमा विभिन्न खालका समस्या रहेको बताए । अधिकारीले पर्यटन क्षेत्रमा रहेका समस्या निराकरणको लागि सरकारको ध्यानाकर्षण समेत गराए । कार्यक्रममा अधिकारीले नाटोजको विराटनगर र चितवन च्याम्टरको घोषणा समेत गरेका थिए । सो अवसरमा वरिष्ठ पत्रकार कृष्ण ताम्राकार र रातोपाटीका पत्रकार राजकुमार सिग्देललाई नाटोज पर्यटन पत्रकारिता पुरस्कार प्रदान गरिएको थियो । १० हजार राशिको उक्त पुस्कार सञ्चारमन्त्री मोहनबहादुर बस्नेतले हस्तान्तरण गरेका थिए । कार्यक्रममा पर्यटन विभागका निर्देशक लक्ष्मण शर्मा, नेपाल उद्योग बाणिज्य महासंघका केन्द्रीय सदस्य रामशरण थपलिया, टानका अध्यक्ष चन्द्र रिजाल, एनएमएका अध्यक्ष सन्तबीर लामालगायतको उपस्थिति रहेको थियो ।
इस्फ्रास्ट्रक्चर बैंक खोल्न राष्ट्र बैंकमा निवेदन दर्ता, १२ अर्ब संस्थापक र ८ अर्ब सर्वसाधारणकाे सेयर लगानी रहने
काठमाडौं । इस्फ्रास्ट्रक्चर बैंक खोल्न नेपाल राष्ट्र बैंकमा निवेदन दर्ता भएको छ । राष्ट्र बैंकका डेपुटी गर्भनर चिन्तामणी शिवाकोटी र बैंक तथा वित्तीय संस्था नियमन विभागका कार्यकारी निर्देशक नारायणप्रसाद पौडेलको उपस्थितिमा प्रस्तावित नेपाल इस्फ्रास्ट्रक्चर बैंक लिमिटेडका अध्यक्ष डा.विमल कोइरालाले बुधबार निवेदन दर्ता गरेका हुन् । राष्ट्रको पूर्वाधार विकास गर्नका लागि नेपाल सरकारले सार्वजनिक निजी–साझेदारीको प्रारुप अनुरुप यस आर्थिक वर्षभित्र पूर्वाधार विकास बैंक स्थापना गर्ने प्रतिवद्धता गरे अनुसार नै उक्त बैंक खोल्न लागिएको हो । प्रस्तावित बैंकको चुक्ता पुँजी २० अर्ब रुपैयाँ रहेको छ । बैंकमा सरकारकोे १० प्रतिशतसहित संस्थापक समूहमा ६० प्रतिशत र सर्व–साधारण समूहमा ४० प्रतिशत शेयर रहने प्रस्ताव गरिएको छ । यस बैंकका संस्थापक समूहको १२ अर्ब र सर्वसाधारण समूहको ८ अर्ब रुपैयाँ सेयर पुँजी हुने प्रस्ताव गरिएको छ । हाल संस्थापक समूहमा विभिन्न बैंक तथा बीमा कम्पनीहरु, आईएमई समूह, विशास ग्रुप, लगायत प्रतिष्ठित उद्योगी व्यापारीहरुको संलग्नता रहेको छ । आवेदन दर्ता गर्न आईएमई समूहका कार्यकारी अध्यक्ष चन्द्रप्रसाद ढकाल, विशाल समूहको अशोक अग्रवाल, इमर्जिङ नेपालका प्रमुख कार्यकारी अधिकृत डा विनोद आत्रेय लगायतकाे टाेली राष्ट्र बैंक पुगेका थिए । विदेशी बैंक तथा वित्तीय संस्थाहरुलाई समेत लगानी गर्न अनुकुल हुने गरी बैंक स्थापनाको निवेदन दर्ता गरिएको डा विमलप्रसाद कोइरालाले बताए । प्रस्तावित बैंकको सञ्चालक समितिमा सरकार समेतको प्रतिनिधि रहने गरी ७ जना सञ्चालक रहने व्यवस्था गरिएको छ । प्रस्तावित नेपाल इस्फ्रास्टक्«चर बैंकले देशको पूर्वाधार विकास सम्बन्धी परियोजनाहरुमा कर्जा प्रवाह गर्र्नेे, पूर्वाधार विकास सम्बन्धी परियोजना संचालन गर्ने, कम्पनीहरुको धितोपत्रमा लगानी गर्ने, पूर्वाधार विकास सम्बन्धी परियोजना संचालनको लागि प्रतितपत्र खोल्ने तथा जमानतपत्रहरु जारी गर्ने, राष्ट्र बैंकको स्वीकृति लिई पूर्वाधार विकास सम्बन्धी परियोजनाहरुमा लगानी गर्न आवश्यक रकम जुटाउनका लागि विभिन्न प्रकारका स्वदेशी तथा विदेशी मुद्रामा वित्तीय उपकरण जारी गर्ने तथा ऋण प्राप्त गर्ने, दीर्घकालीन प्रकृतिको निक्षेप स्वीकार गर्ने, डिवेञ्चर जारी गरी स्रोत परिचालन गर्ने, लिजिङ्ग कारोबार गर्ने मुख्य उद्देश्य रहेको छ । कसको लगानी कति ? यस बैंकको संस्थापकमा ३९ जना व्यक्ति र २२ वटा कम्पनी रहेको इमर्जिङ नेपालका प्रमुख कार्यकारी अधिकृत तथा यस बैंक स्थापन कार्यको संयोजन गर्दै डा विनोद आत्रेयले बताए । यस बैंकमा सरकारको २ अर्ब रुपैयाँ ग्लोबल आईएमई बैंक, एनआईसी एशिया बैंक, सिद्धार्थ बैंकको १÷१ अर्ब, नेपाल पुर्नबीमा कम्पनीको १ अर्ब रुपैयाँ लगानी रहने छ । सिद्धार्थ बैंकले १० करोड लगानी गर्ने भएको छ । इन्फ्रास्ष्टक्चर बैंकमा चार वटा बैंकको लगानी रहेको उनले जानकारी दिए । बीमा कम्पनीहरुमा प्रुडेन्सियल इन्स्योरेन्स, लाइफ इन्स्योरेन्स कम्पनी, एशियान लाईफ इन्स्योरेन्स, नेपाल लाइफ इन्स्योरेन्स कम्पनी, एशियन लाइफ इन्स्योरेन्स कम्पनी, सूर्य लाइफ इन्स्योरेन्स कम्पनी, एनबी इ्न्स्योरेन्स कम्पनी, आइएमई लाइफ इन्स्योरेन्स कम्पनीको लगानी रहेको छ । त्यसबाहेक इमर्जिङ नेपाल, हाथवे लगायत इन्भेष्टमेन्ट कम्पनी तथा प्राइभेट कम्पनीहरुले पनि लगानी गरेका छन् । व्यक्तिगत तर्फ चन्द्रप्रसाद ढकाल, हेमराज ढकाल, आकाश गोल्छा, हेमन्त गोल्छा, शशिकान्त अग्रवाल, बोधप्रसाद त्रिपाठी, प्रकाश मुन्दरा, सुशील गुप्ता लगायत ३९ जनाले संस्थापक सेयर लिने भएका छन् ।
आजदेखि निर्वाचन आचार संहिता लागू, प्रदेश तथा प्रतिनिधि सभा सदस्य चुनाव मंसिरमा
काठमाडौं । आजदेखि निर्वाचन आयोगले आचार संहिता लागू गरेको छ । यही मंसीरमा हुने प्रदेश सभा सदस्य र प्रतिनिधि सभा सदस्यको निर्वाचनका लागि निर्वाचन आयोगले बुधबारदेखि निर्वाचन आचार संहिता, २०७२ लागू गरेको हो। चुनावलाई स्वच्छता, निष्पक्षता, पारदर्शिता तथा भयमुक्त वातावरण कायम गर्नका लागि निर्वाचन आयोग ऐन, २०७३ को दफा २२ ले दिएको अधिकार प्रयोग गरी आचार संहिता लागू गरिएको प्रमुख निर्वाचन आयुक्त डा. अयोधीप्रसाद यादवको अध्यक्षतामा बसेको आयोगको बैठकले निर्वाचन आचार संहिता आजदेखि लागू गर्ने निर्णय गरेको हो । बैठकले यसको जानकारी नेपाल सरकार, प्रधानमन्त्री तथा मन्त्रिपरिषद्को कार्यालय, सबै मन्त्रालय तथा संवैधानिक निकायहरुलाई जानकारी गराउने समेत निर्णय गरेको छ । निर्वाचन आचार संहिता, २०७२ निम्नानुसार व्यक्ति, निकाय तथा अधिकारीलाई लागू हुनेछ (क) नेपाल सरकार र नेपाल सरकारको मन्त्री (ख) स्थानीय निकाय वा तह (ग) स्थानीय निकाय वा तहका कर्मचारी (घ) सार्वजनिक संस्थाका कार्यालय तथा कर्मचारी (ङ) सरकारी तथा अर्धसरकारी संस्थाको कार्यालय तथा कर्मचारी (च) नेपाली सेना, नेपाल प्रहरी, सशस्त्र प्रहरी वल, नेपाल तथा राष्ट्रिय अनुसन्धान विभाग तथा तत्तत् निकायमा कार्यरत सुरक्षाकर्मी (छ) निर्वाचनको काममा संलग्न कर्मचारी (ज) सार्वजनिक पद धारण गरेको व्यक्ति । उम्मेदवारको हकमा भने यो आचार संहिता मनोनयन दर्ता भएको मिति देखि लागू हुने आयोगले जानकारी दिएको छ ।
सिजीले ल्यायो दशै तिहार योजना, फ्रीज र टिभी खरिदमा २० प्रतिशत नगद फिर्ता
काठमाडौं । नेपालको सबैभन्दा ठूलो ईलेक्ट्रोनिक्स ब्राण्ड सिजीले ‘सिजी परम्परा’ नामक योजना ल्याएको छ । सिजीले नेपालीहरुको महान चाड दशैं तथा तिहारको शुभअवसरमा आफ्ना ग्राहकहरु माझ यस योजना ल्याएको हो । यस योजना अन्तरर्गत सिजी ब्राण्डका रेफ्रिजेरेटर(फ्रीज) र एलइडी टिभी (२०–३२ इन्च)कोे खरिदमा २० प्रतिशतसम्म महा क्यास ब्याक पाउनेछन् । साथै, ४ केस्मार्ट टिभी, स्मार्ट टिभी, टुरबो टिभी, वासिङ मेसिन, माइक्रोवेभ ओभनको खरिदमा पक्का उपहारहरु पाउन सक्ने कम्पनीले जनाएको छ । साथै, एसीको खरिदमा निःशुल्क जडानको सुविधा उपलब्ध गराएको छ । कम्पनीको अनुसार यो योजना भदौ १५ गतेदेखि नेपालभर सीमित अवधिका लागि मात्र लागू गरिएको छ ।
अबदेखि सवारी साधनमा इम्बोस्ड नम्बर प्लेट
ललितपुर । यातायात व्यवस्था विभागले अबदेखि चार र तीन पाङ्ग्रे सवारी साधनमा इम्बोस्ड नम्बर प्लेट राख्नुपर्ने प्रावधान ल्याएको छ । यातायात व्यवस्था विभाग बागमती शाखा एकान्तकुनामा आज आयोजित कार्यक्रममा विभागका महानिर्देशक रुपनारायण भट्टराईले सवारी साधनमा जडान गरिने नयाँ प्रविधिको उच्च सुरक्षित इम्बोस्ड नम्बर प्लेटले सवारी साधनको सुरक्षा मजबूत हुने बताए । नम्बर प्लेटसँगै सवारी साधनमा राखिने रेडियो फ्रिक्वेन्सी आइडेन्टीफाइ डिभाइस (आरएफआइडी) स्टिकरले गाडीको बारेमा सम्पूर्ण जानकारी पाउन सकिने उनकाे भनाइ छ । आरएफआइडी स्टिकरमा जडान गरिएको एन्टेनाले सवारी साधन कहाँ र कति दुरीमा पुगेको छ भन्ने जानकारी थाहा पाउन सकिने उहाँले बताए । उनका अनुसार आगामी पाँच वर्षभित्र २५ लाख सवारी साधनमा इम्बोस्ड नम्बर प्लेट राख्ने लक्ष्य रहेको छ । यातायात व्यवस्था विभाग बागमती शाखा एकान्तकुनाका प्रमुख वसन्त अधिकारीका अनुसार इम्बोस्ड नम्बर प्लेटका कारण सवारी साधनको चोरी न्युन हुनेछ । उहाँका अनुसार हाल सरकारी, संस्थान र निजी सवारी साधनमा यो व्यवस्था लागु गरिएको छ । रासस
सामसङ क्यू एलईडी टिभी नेपाली बजारमा सार्वजनिक, यस्ता छन् आर्कषक विशेषता
काठमाडौं । सामसङको नेपालमा आधिकारिक बितरक हिम इलेक्ट्रोनिक्स प्रा.लि.ले सामसङ क्यू एलईडी टिभी (दि नेक्स्ट इनोभेसन इन टिभी) नेपाली बजारमा सार्वजनिक गरेको छ । भदौ ११ गते काठमाडौंको सोल्टी क्राउन प्लाजामा सम्पन्न कम्पनीकाे डिलर्स मिटले उक्त टिभी सार्वजनिक गरेको हो । ४०० भन्दा बढि डिलरहरु नेपालका विभिन्न क्षेत्रबाट डिलर्स मिटमा सक्रिय रुपमा सहभागी भएका थिए । नेपालका लागि सामसङका देशिय निर्देशक, वोन तथा हिम इलेक्ट्रोनिक्स प्रालिका प्रबन्ध निर्देशक शेखर गोल्छाले डिलरहरुलाई सम्बोधन गरेका थिए । क्यू एलईडीका विशेषताहरु: क्यु पिक्चरः सहि समिश्रणको कलरमा परिवर्तन गराउने एक्लुसिभ क्वान्टम डट्सका साथमा आउने हाम्रो क्यू एलईडी टिभी हो, जसले १०० प्रतिशत कलर भोलुम प्राप्त गर्ने पहिलो यस्तो प्रकारको टिभी हो । १०० प्रतिशत कलर भोल्यूम कम्पनीका अनुसार सामसङ क्यूएलईडी टिभीहरुमा १०० प्रतिशत कलर भोल्यूम तथा १० लाखभन्दा बढि रंगहरुको संयोजन संयोजन गरिएको छ । सामसङ क्वान्टम डट्स मार्फत अनुभव गर्नुहोस् उत्कृष्ट जीवन्त रंगहरु जुन अत्यन्तै उज्यालो दृश्यले अन्य टिभीमा भने फुस्रो पर्दछ । बोल्ड कन्ट्रास, दिन वा रात्री क्यू कन्ट्रास दिउँसोको समयमा उज्यालो कोठामा टिभी हेर्नु निकै चुनौतीपूर्ण हुने गरेको छ, तर सामसङको क्यूएलईडीले सूपेरियर पिक ब्राइटनेसको माध्यमबाट त्यसलाई कटाएर स्क्रीनको आवश्यक भागमा मात्र चहकिलो बनाउँछ । क्यूवेईङ एंगल हरेक एंगलबाट टिभी हेर्न सकिन्छ । क्यू एभ्री भ्यू, कलर हरेक कुनाबाट उत्तिकै स्पष्ट हुन्छ, त्यसैले प्रत्येक सिट उत्कृष्ट सिट हुन्छ ।
नाडा अटो शो: चार कम्पनीका प्रतिस्पर्धी कार, यस्ता छन् मूल्य र फिचर्स
काठमाडौं । नाडा अटो शोमा विभिन्न कम्पनीले विभिन्न नयाँ मोडल तथा विशेष फिचर्सका गाडीहरु प्रदर्शनीमा राखेका छन् । मूख्य रुपमा मेलामा चार पाङ्ग्रे गाडीहरु आकर्षणका केन्द्रमा छन् । मेलामा हुन्डाईको ग्राण्ड आइ १० म्याग्ना, सुजुकीको स्विफ्ट भिएक्सआइ र इग्निस डेल्टा, भोक्सवागेनको पोलो कम्फर्ट र निस्सानको माइक्रो एक्टिभ एक्स भी कारहरु विशेषरुपमा प्रतिस्प्रर्धीका रुपमा देखा परेका छन् । हुण्डाई ग्राण्ड आइ १० म्याग्ना हुण्डाईको ग्राण्ड आइ १० म्याग्नाको मूल्य २६ लाख ९६ हजार रुपैयाँ रहेको छ । लक्ष्मी इन्टरकन्टिनेन्टल प्रालीले यसलाई गत मार्चमा लन्च गरेको थियो । यसमा डिओएचसी ईञ्जिन प्रयोग गरिएको छ ।११९७ सिसि डिस्प्लेसमेन्ट क्षमताको यो कारको बुट स्पेस २२५ लिटरको छ । यसले चार हजार आरपिएममा ११६ एनएम क्षमताको अधिकतम टर्क प्रदान गर्छ भने ६००० आरपिएममा ८३ पिएसको पावर प्रदान गर्छ । यसको ह्विलबेस २४२५ एमएम रहेको छ । यसमा पार्किङ सेन्सर जडान गरिएको छ । सुजुकी स्विफ्ट भिएक्सआइ र इग्निस डेल्टा सुजुकीको स्विफ्ट भिएक्सआइमा मल्टिप्रोजेक्सन इञ्जिन प्रयोग भएको छ । यसको मूल्य २८ लाख ४९ हजार रुपैयाँ रहेको छ । ११९७ सिसि डिस्प्लेसमेन्ट क्षमताको यो कारको बुट स्पेस २०५ लिटरको छ । यसले चार हजार आरपिएममा ११५ एनएम क्षमताको अधिकतम टर्क प्रदान गर्छ भने ६००० आरपिएममा ८३ पिएसको पावर प्रदान गर्छ । यसको ह्विलबेस २४३० एमएम रहेको छ । यसमा स्मार्ट मिटर पनि जडान गरिएको छ । सुजुकी इग्निस डेल्टाको मूल्य २८ लाख ८९ हजार रुपैयाँ रहेको छ । यसको डिस्प्लेसमेन्ट ११९७ सिसि क्षमताको रहेको कम्पनीले जानकारी दिएको छ । कारमा रहेको २ सय ६५ लिटरको ठूलो बुट स्पेशका कारण यसमाभारी तथा ठूला लगेज समेत सजिलै अटाउन सकिन्छ । कारमै जडान गरिएको ट्याब्लेट, त्यसको लुक, फिल र पोजिसनिङले ईग्निसको स्टाइल निकै आकर्षक बनाइ दिएको छ । कारमा पेट्रोल जडित प्रमाणित भीभीटी ईञ्जिनले ४ हजार २ सय आरपीएम र ६ हजार आरपीएममा १ सय १३ एनएम टर्क र ८३ पिएसको शक्ति उत्सर्जन गर्ने क्षमता रहेको कम्पनीले जानकारी दिएको छ । यसको ह्विलबेस २४३५ एमएमको छ । भोक्सवागेन पोलो कम्फर्ट भोक्सवागेन पोलो कम्फर्टमा एमपिआइ इञ्जिन जडान गरिएको छ । यसको मूल्य मूल्य ३० लाख ९५ हजार रुपैयाँ रहेको छ । कारमा एमपिआइ ईञ्जिनले ३ हजार ७ सय ५० आरपीएम र ५ हजार चार सय आरपीएममा १ सय १० एनएम टर्क र ७५ पिएसको शक्ति उत्सर्जन गर्ने क्षमता रहेको कम्पनीले जानकारी दिएको छ । यसको ह्विलबेस २४६९ एमएम छ भने यसको बुट स्पेस क्षमता २८० लिटरको छ जसमा भारी लगेज पनि अटाउन सकिने कम्पनीले जानकारी दिएको छ । निस्सानको माइक्रा एक्टिभ एक्स भी निस्सानको माइक्रा एक्टिभ एक्स भीमा डिओएचसी इञ्जिन प्रयोग भएको छ । यसको मूल्य २६ लाख ९९ हजार रुपैयाँ रहेको छ । ११९७ सिसि डिस्प्लेसमेन्ट क्षमताको यो कारको बुट स्पेस २५१ लिटरको छ । यसले चार हजार आरपिएममा १०४ एनएम क्षमताको अधिकतम टर्क प्रदान गर्छ भने ५००० आरपिएममा ६८ पिएसको पावर प्रदान गर्छ । यसको ह्विलबेस २४५० एमएम रहेको छ । यसमा स्मार्ट मिटर पनि जडान गरिएको छ ।
अख्तियारद्धारा चावहिल मालपोतका १२ कर्मचारी विरुद्ध विशेष अदालतमा आरोपपत्र दायर
काठमाडौं । अख्तियार दुरुपयोग अनुसन्धान आयोगले घुस लिएर गैरकानूनी श्रेस्ता तयार पार्ने मालपोत कार्यलयका १२ जना कर्मचारी विरुद्ध विशेष अदालतमा आरोपपत्र दायर गरेको छ । मालपोतका १२ जना कर्मचारीले १८ लाख ८२ हजार रुपैयाँ लिएर गैरकानूनी श्रेस्ता तयार पार्ने कार्यमा सहयोगी भूमिका निर्बाह गरेको जिकिर गर्दे बुधबार अख्तियारले मालपोतका अधिकृतद्वय चेतनाथ ढकाल र तिर्खाराम अर्याल कम्प्युटर अधिकृत प्रमोद भट्टराई, तत्कालिन नायब सुब्बाद्वय भोजराज पोखरेल र रामबाबु प्रसाद अर्याल, नायब सुब्बात्रय सुन्दरकुमार कार्की, उमेश पोखरेल र शिवराम पुडासैनी विरुद्ध आरोपपत्र दायर भएको हो । यस्तै सहायक कम्प्युटर अपरेटर लक्ष्मणप्रसदा खतिवडा र खरिदार दिव्यराज घिमिरेको आपसी मिलेमतोमा अधिकार, हैसियत र अहोदाको दुरुपयोग गरेको ठहर अख्तियारको छ । कर्मचारी र अन्य व्यक्ति समेतको मिलेमतोमा काठमाडौ जिल्ला साविक गोठाटार, बालुवा, मुलपानी, विष्णु गा.वि.स लगायतका स्थानमा अवस्थित बिभिन्न जग्गाहरुको गैरकानूनी श्रेस्ता तयार गरी बिक्रिबितरण गरेको पाइएको अख्तियारले जनाएको छ । साविक गोठाटार, वालुवा, तथा मुलपानी लगायतका स्थानमा अवस्थित जग्गाको गैरकानूनी रुपमा श्रेस्ता खडा, कार्यालयमा रहेको दर्ता बाँकी श्रस्ता केरमेट, प्रमाणित, कार्यालयबाट बैधानिक रुपमा निर्णय नै नभएका जग्गाको विवरण ठिक छ भनि रुजु र स्वीकृत गरेको अख्तियारको दावी छ । यस्तै कानून बमोजिम हाल दर्ता नै नखुलेका र नभएका जग्गाहरुको अनलाईन सिस्टममा प्रबृष्टी समेत गरी बदनियतपूर्वक दर्ता नभएको फर्जी श्रेस्ता खडा गरी वैधानिकता प्रदान गर्ने गराउने र विक्रिरबितरण गर्ने कार्यमा संलग्न भई भ्रष्टाचार निवारण ऐन बमोजिमको कसूर गरेको पुष्टी हुन आएकाले विशेष अदालतमा आरोपपत्र दायर गरेको अख्तियारले स्पष्टपारेको छ ।
