प्रधानमन्त्रीको मिसन इण्डिया एजेण्डाः तीन वटा हवाई रुट उच्च प्राथमिकतामा
काठमाडौं । प्रधानमन्त्री शेरबहादुर देउवाको भदौ पहिलो साता हुने भारत भ्रमणमा पर्यटन क्षेत्रकै लागि महत्वपूर्ण मानिएको तीन हवाई रुट यस पटक पनि प्राथमिकताका साथ अगाडि सारिएको छ । नेपालले पटकपटक उठाउँदै आएको हवाई रुटमा भारतले सहमति नदिएपनि यसपटक पनि सोही रुटमा भारतीय सहमति खोज्ने प्रयास भएको छ । प्रधानन्त्रीको भारत भ्रमणमा यसपटक पनि जनकपुर, नेपालगन्ज र महेन्द्रनगरबाट एयर इन्ट्री अनुमतिका लागि नेपालले प्रयास गर्ने छ । यो तीनवटै रुटमा यसअघिको दुइवटै प्रधानमन्त्रीको भारत भ्रमणमा प्राथमिकताका साथ उठान गरिएको भएपनि भारत सकारात्मक हुने तर कुनै सहमति वा सम्झौता भने हुन नसकेको पर्यटन मन्त्रालयको भनाइ छ । मन्त्रालयका प्रवक्ता घनश्याम उपाध्यायका अनुसार नेपालको हवाई रुटका महत्वपूर्ण ती तीनवटै रुट पटकपटकको एजेन्डा बनिरहेको छ । नेपालले अगाडि सारेको यो पुरानो एजेन्डालाई कार्यान्वयन गराउनु नै अहिलेको आवश्यकता भएकाले पनि यसैलाई अगाडि सारेको उनको बुझाई छ । नेपालले यो हवाई रुटसँगै विराटनगरको इष्ट्रि प्वाइन्टबाटै जहाज आउन पाउनुपर्ने प्रस्ताव लैजाने भएको छ । हाल यो रुटबाट बाहिरिने मात्रै गरेको छ भने आउन भने पाएको छैन । नेपालका यी तीनवटै हवाई रुटको अनुमतिबारे नेपाल र भारतबीच पटकपटक भएका वार्ता निस्कर्षबिहीन भएका छन् । भारतले गोरखपुरको हवाई सैनिक हेडक्वार्टरको सुरक्षा संवेदनशीलता जनाउँदै त्यसआसपासबाट नेपालतर्फ जहाज आउने रुटको अनुमति दिएको छैन । भारतले नेपालले निर्माण गरिरहेको भैरहवा विमानस्थलको लागि सहज हुने गरी मागको हवाई रुटको पनि अनुमति दिएको छैन । भारतसँग सुरक्षा प्रत्याभूति भएपछि सम्झौता गर्ने भनेर प्राविधिक टोलीसमेत बनेर काम अगाडि बढीसकेको भएपनि छिटो गर्न प्रधानमन्त्रीको एजेन्डामा राखिएको पर्यटन मन्त्रालयकै हवाई उड्डयन सुरक्षा महाशाखाले जानकारी दिएको छ । यो महाशाखाका अनुसार त्यही रुटको विषयमा प्राविधिक तहमा आवश्यक छलफल गरेर निर्णय गर्नुपर्ने भएकोले पनि प्रधानमन्त्री देवाउको भ्रमणमा भारतीय पक्षले तत्काल अगाडि बढाउन निर्देशन दिए मात्रै पनि पुग्छ । नेपाल भित्रन अन्तर्राष्ट्रिय उडानका वायुसेवाले हाल सीमरामाथिको आकाश हुँदै आउनुपर्ने एउटै मात्र रुटलाई भारतले थप गरिदिए नेपालको पर्यटनको विकल्प खुल्ने पनि संस्कृति, पर्यटन तथा नागरिक उड्डयन मन्त्रालयको भनाइ छ । काठमाडौबाट विराटनगर तथा महेन्द्रनगर हुँदै भारतको आकाश भएर उडान गर्ने वायुसेवाले नयाँ र छोटो रुट पटकपटक नेपालले माग गरिरेको छ । नेपालले मागेको यस्तो रुटमा हिमालय रुट २ को अनुमति रहेको छ । यो रुटमा भारतीय पक्षले अनुमति दिइसकेको भनएपनि चिनियाँ पक्षबाट भने बाँकी नै रहेको छ । यो रुटले नेपालबाट युरोप र हङकङ जाने रुटसमेत छोटो हुने हुन्छ । यो अनुमतिले नेपालबाट अन्तर्राट्रिय उडान गर्ने वायुसेवाले प्रत्यक्ष लाभ लिन पाउने तथा अन्तर्राष्ट्रिय उडानका अन्य विदेशी वायुसेवाले हिमालयन रुट प्रयोग गर्न सक्ने हुन्छन् । हिमालयन रुटको अनुमतिले टोकियोबाट लण्डन जाने जहाजले पनि छोटो हवाई रुटका कारण नेपालको आकाश प्रयोग गरेर गर्न सक्ने भएकोले हवाई क्षेत्रको राजस्व बढ्ने भनाइ नेपाल नागरिक उड्डयन प्राधिकरणको छ । उड्डयन नियम अनुसार कुनै पनि देशमाथिको आकाशमा जहाज उडान हुँदा फ्लाई ओभर शुल्क तिर्नुपर्ने हुन्छ । यस्तो शुल्क देश अनुसार फरक फरक हुन्छ । नेपालले यो रुट खुला गर्दा जसरी सडकमा सवारी साधान गुडाउन अनुमति तथा कर दिर्नुपर्छ त्यसैगरी नेपाली आकाश हुँदै उडान हुने रुटमा पनि अनुमति वा रोयल्टी तिर्नुपर्छ । नेपालले यो हवाई रुटसँगै भैरहवा विमानस्थल सञ्चालनको सहजीकरणको विषयलाई पनि प्राथमिकता दिएको छ । नेपाल भारतबीच हवाइ सेवा सम्झौता (एएसए) नभए नेपालमा बन्दै गरेका क्षेत्रीय तथा अन्तर्राष्ट्रिय विमानस्थलहरूमा जहाजहरू उडान अवतरणको गर्न समस्या हुने पनि उल्लेख छ ।
२५ लाख मूल्यको राहत सामग्री संकलन, रौतहटका बाढी पिडितलाई दिने तयारी
काठमाडौं । राजधानीको भृकुटीमण्डपस्थित रत्नराज्य लक्ष्मी क्याम्पसका विद्यार्थीहरुले बाढी पीडितका लागि २५ लाख रुपैंयाँ मूल्य बराबरको राहत सामग्री संकलन गरेका छन् । उनीहरुले ३ दिन लगाएर बागबजार, पुतलीसडक, सुनधारा, न्युरोड, महावौद्ध, भृकुटीमण्डप लगायतका क्षेत्रबाट लत्ता कपडा र खाद्यान्न लगायतका राहत सामग्री संकलन गरेका हुन् । ‘करिब २५ लाख मूल्य बराबरको लत्ता कपडा र खाद्यान्न संकलन भएको छ, केहि दिन भित्रै रौतहटका बाढी पीडितलाई वितरण गर्न जाने योजना बनाएका छौं’, अनेरास्ववियुका केन्द्रिय सदस्य समेत रहेका राहत संकलन अभियन्ता अशोक थापाले भने । थापाका अनुसार रौतहटको कुन क्षेत्रका बाढी पीडितलाई राहत सामग्री वितरण गर्ने भन्नेबारे स्थानीय प्रशासनसँग समन्वय भैरहेको छ । खाद्यान्न र लत्ता कपडा बाहेक उनीहरुले ५१ हजार नगद पनि संकलन गर्न सफल भएका छन् । अनेरास्ववियु, नेपाल विद्यार्थी संघ र अखिल क्रान्तिकारीमा आवद्ध विद्यार्थीहरुले स्वतन्त्र समुह बनाएर राहत संकलन गरेका हुन् । ‘हामी फरक फरक संगठनमा आवद्ध छौं, नागरिक माथी प्राकृतिक संकट आइपर्दा सबै मिलेर काम गर्नुपर्छ भन्ने सन्देश दिन पनि स्वतन्त्र रुपमा राहत संकलनमा जुटेका हौं’, रत्नराज्य लक्ष्मी क्याम्पसका स्ववियु कोषाध्यक्ष संगम देवकोटाले भने । नेपाल विद्यार्थी संघ आर. आर इकाईका उपाध्यक्ष पुस्कर बास्तोलाले तराई मधेश डुबानमा पर्दा टुलुटुलु हेरेर बस्न नसकेको बताउँदै भने–‘एउटालाई साह्रो गाह्रो पर्दा अर्काेले सघाउनु पर्छ भन्ने मान्यताका आधारमा राहत संकलनमा जुटेका हौं ।’ अभियानमा राष्ट्रिय बक्सिङ संघका महासचिव महेश श्रेष्ठ, अखिल क्रान्तिकारीका केन्द्रिय सदस्य नरेश रेग्मी, अखिल कार्यकर्ता सुभाष ढुंगाना लगायतको समुह जुटिरहेको छ । उनीहरुले मंगलबार दिनभर थप राहत संकलन गरेर मधेश झर्ने योजना बनाएका छन् ।
सिद्धार्थ बैंकको साढे २ लाख कित्ता सेयर लिलामीमा, भदौ ६ देखि आवदेन खुला
काठमाडौं । सिद्धार्थ बैंकले २ लाख ५३ हजार ९ सय २२ कित्ता सेयरको लिलामीबाट विक्री गर्ने भएको छ । यो बैंकले गत जेठ २५ देखि असार ८ गतेसम्म विक्री खुला गरेको हकप्रद सेयरमा आवेदन नपारेका र विक्री हुन बाँकी सेयरलाई लिलामीमा बेच्ने भएको छ । यो बैंकले संस्थापकतर्फको १३ हजार ५५० र सर्वसाधारणतर्फको २ लाख ४० हजार ३१७ कित्ता सेयरको न्युनतम १ सय रुपैयाँ तोकेर बोलकबोलबाट सेयर विक्री गर्ने भएको छ । यसको सेयर खरिद गर्न यही भदौ ६ देखि १४ गतेभित्रै आवदेन दिनुपर्ने उल्लेख छ । यसको बिक्री प्रवन्धक सिद्धार्थ क्यापिटल लिमिटेड हो ।
नेपाल इन्स्योरेन्सले बढायो २३२ प्रतिशतले नाफा, ४ करोडको नाफा १५ करोड पुग्यो
काठमाडौं । नेपाल इन्स्योरेन्स कम्पनी लिमिटेडले गत वर्ष २३२ प्रतिशतले नाफा बढाउन सफल भएको छ । यो बीमा कम्पनीको नाफा गत वर्ष १५ करोड ७१ लाख रुपैयाँ छ । यो बीमा कम्पनीले गरेको नाफा अघिल्लो वर्षको तुलनामा १० करोड ९८ लाख रुपैयाँ रहेको छ । गत वर्ष यो बीमा कम्पनीले ४ करोड ७३ लाख रुपैयाँ मात्रै नाफा गरेको थियो । यसको चुक्ता पुँजी २८ करोड ७६ लाख रुपैयाँ छ । यसले जगेडा कोषमा १८ करोड ५ लाख रहेको छ । यो बीमा कम्पनीले कुल ७४ करोड ३९ लाख रुपैयाँ बीमा शुल्क आर्जन गरेको छ । यस्तो बीमाशुल्क आर्जन गर्ने यसले जारी गरेको विमालेखको संख्या भने ५३ हजार मात्रै छ । यसको नवीकरण गरिएको विमालेखको संख्या भने ५ हजार ८ सय १८ वटा मात्रै छ । यसको प्रतिसेयर आम्दानी ३७ रुपैयाँ ०९ पैसा रहेको छ । यसको प्रति सेयर नेटवर्थ १९२ दशमलव ८६ प्रतिशत रहेको छ ।
शिखर इन्स्योरेन्सले कमायो ३७ करोड ५८ लाख, रतिसेयर आम्दानी ४५ रुपैयाँ ९७ पैसा
काठमाडौं । शिखर इन्स्योरेन्स कम्पनी लिमिटेडले गत आर्थिक वर्षमा ३७ करोड ५८ लाख रुपैयाँ खुद नाफा आर्जन गरेको छ । कम्पनीले अघिल्लो आर्थिक वर्षमा ३० करोड ६६ लाख रुपैयाँ नाफा गरेको थियो । यस कम्पनीले गत आर्थिक वर्षमा २ अर्ब ७६ करोड रुपैयाँ कुल बीमा शुल्क आर्जन गरेको छ । शिखर इन्स्योरेन्स कम्पनीको चुक्ता पुँजी ८१ करोड रुपैयाँ रहेको छ । यसको जगेडा कोषमा ३० करोड रुपैयाँ छ । कम्पनीको बीमा कोष ६४ करोड ६२ लाख रुपैयाँ छ । कम्पनीको प्रतिसेयर आम्दानी ४५ रुपैयाँ ९७ पैसा छ । यसको प्रति सेयर नेटवर्थ २२० रुपैयाँ ६ पैसा रहेको छ ।सेयर नेटवर्थ २२० रुपैयाँ ६ पैसा रहेको छ ।
१२६ प्रतिशतले नाफा बढाउने सोल्टीको प्रतिसेयर आम्दानी ३ रुपैयाँ मात्रै, होटलले कमाइ भने १८ करोड
काठमाडौं । पाँचतारे होटल सोल्टीले गत आर्थिक वर्षमा १२६ प्रतिशतले नाफा बढाउन सफल भएको छ । यो होटलले गत वर्ष १० करोड २० लाख रुपैयाँले नाफा बढाएर १८ करोड २९ लाख पुराएको छ । यस्तो नाफा अघिल्लो वर्ष ८ करोड ८ लाख रुपैयाँ मात्रै थियो । २०७२ को भूकम्पपछि पर्यटन क्षेत्रमा परेको नकारात्मक प्रभावका कारण अघिल्लो वर्ष सोल्टीको नाफा घटेको थियो। गत वर्ष पर्यटकीय आगमनमा सुधार भएसँगै होटलले आफ्नो नाफा पनि बढाएको छ । यो होटलको कर अघिको नाफा २३ करोड ६६ लाख छ । होटलले गत आवको करका लागि पाँच करोड ३६ लाख छुट्याएको छ । यो होटलको सेयर पुँजी ५७ करोड ९१ लाख रुपैयाँ छ । यसको लगानी ८ करोड ३९ लाख रहेको छ । यो होटलको प्रति सेयर आम्दानी ३ रुपैयाँ १६ पैसा मात्रै रहेको छ । यसको प्रति सेयर अंकित मूल्य १० रुपैयाँ हो । प्रति सेयर नेटवर्थ २३ रुपैयाँ ९७ पैसा रहेको छ ।
स्थानीय तहमा आफैँ कर्मचारी भर्ना गर्ने गाउँपालिका संघको चेतावनी
काठमाडौं । गाउँपालिकाका जनप्रतिनिधिहरूको छाता संगठन गाउँपालिका संघले भदौ महिनाभरि पनि केन्द्रबाट स्थानीय तहमा कर्मचारी नपुगे गाउँपालिका आफैँले कर्मचारी भर्ना गर्ने चेतावनी दिएको छ । गाउँपालिका संघको तर्फबाट प्रदेश समन्वय कमिटी प्रदेश नं. ३ र ४ का गाउँपालिकाका जनप्रतिनिधिले पत्रकार सम्मेलन गरेर सरकारलाई त्यस्तो चेतावनीपूर्ण निर्णय सार्वजनिक गरेका हुन् । गाउँपालिकामा निकै न्युन संख्यामा कर्मचारी रहँदा काम गर्न नसकेको र भएका कर्मचारीमा समेत विषयगत ज्ञानको अभाव रहेको उनीहरुको गुनासो छ । यस्तै भएका कर्मचारी समेत कार्यकारीबाट विदा स्वीकृत गराएर बाहिर बस्दा समस्या भएको उनीहरुको चिन्ता छ । सरकारले स्थानीय तहमा कर्मचारीलाई काजमा खटाउने प्रयास गरेपनि विभिन्न माग राख्दै कर्मचारी स्थानीय तहमा खटिन मानेका छैनन्। नयाँ पत्रिका दैनिकबाट ।
तराइमा आजैबाट खुल्दैछन बैंकका शाखा, पानीले बैंकको ढुकुटीनै सार्नुपर्ने अवस्थामा
काठमाडौं । तराई क्षेत्रका बैंक तथा वित्तीय संस्थाले मंगलबार (आज)देखि नियमित सेवा दिने बताएका छन् । निरन्तर बर्षाका कारण आएको बाढीका कारण तराई क्षेत्रको वित्तीय सेवा केही दिनयता प्रभावित भएको छ । आइतबार पनि बैंकिङ सेवा प्रदान गर्न सकेनन् । सोमबार सार्वजनिक बिदाका कारण बन्द रहे पनि सेवा दिनु परेको खण्डमा सक्ने अवस्था थिएन । पूर्वी तराईमा कृषि विकास बैंकका केही शाखाहरुले सेवा प्रदान गर्न नसकेको बैंकका प्रमुख कार्यकारी अधिकृत लिलाप्रकाश सिटौलाले बताए । बैंकको काउन्टरमा पानी पसेको छ भने कोहीको ढुकुटी नै अन्यत्र सार्नुपरेको अवस्था छ । पश्चिम तराईमा पनि केही शाखाले सेवा दिन नसकेको उनले बताए । विद्युत् आपूर्ति अबरुद्ध भएकोले समस्या भएको उनको भनाइ छ । मंगलबारदेखि वर्षा कमि भयो भने सोही दिनबाट सेवा दिन सकिने पनि उनको भनाइ छ । कारोबार दैनिकबाट ।
