बेकार थन्किएका कार पनि कति सुन्दर, हेर्नुस् तस्वीर
काठमाडौं । यत्तिकै थन्किएर खिया लागिसकेका पुराना कारहरुको फोटो आफ्नो क्यामेरामा कैद गर्नका लागि जर्मन फोटोग्राफर डिटर क्लाइनले युरोप अनि अमेरिकाका ग्रामीण इलाकाको भ्रमण गरेका छन् । आफ्नो यात्राको क्रममा उनले जुन तस्वीर लिए त्यसमा विभिन्न ब्राण्डका टुटेफुटेका, खिया लागेका कारहरु सम्मिलीत छन् । उनले लगभग १ सय ६० ओटा तस्विर लिएको भएपनि यहाँ भने केही आकर्षक कारहरुको मात्र तस्विर प्रस्तुत गरिएको छ । तस्वीर: बीबीसी
सरकारको व्यवस्थाले विद्युतिय गाडी किन्नै नसक्ने अवस्था आउँछ- अध्यक्ष दुलाल
काठमाडौं । सरकारको नयाँ व्यवस्थाले आम व्यक्तिले विद्युतिय सवारी साधनहरु खरिद गर्न नै नसक्ने अवस्था उत्पन्न भएको नाडाका अध्यक्ष कृष्णप्रसाद दुलालले जनाएका छन् । अर्थमन्त्री डा. युवराज खतिवडाले प्रस्तुत आर्थिक वर्ष २०७७/७८ को बजेटको प्रतिक्रिया दिँदै उनले सो कुरा बताएका हुन् । सरकारले आफ्नै पूर्व घोषणालाई वेवास्ता गर्दे विद्युतिय सवारी साधनहरुमा पनि डिजेल र पेट्रोलका गाडिहरुमा जस्तै उच्च महशुल दर लगाएको कारण त्यसै पनि महङ्गा विद्युतिय सवारी साधनहरुको मूल्य डिजेल र पेट्रोलका गाडिहरु भन्दा महङ्गो हुन पुगेकोले आम व्यक्तिले उक्त साधनहरु किन्न नसक्ने उनले बताए । यसबाट नाडा अटोमोवाइल्स एशोसिएशन अफ नेपालमा विद्युतिय सवारी साधनको प्रयोगलाई सरकारले फेरी निरुत्साहित गर्न खोजेको हो की भन्ने आशंका उब्जिएको छ । सरकारको यस्तो दोहोरो र अनिश्चित मापदण्डबाट विद्युतिय सवारी साधनहरुको व्यवसायमा संलग्न व्यवसायीहरुको ठूलो लगानी डुब्ने अवस्था आएकोले सरकारबाट आवश्यक पहलका लागि नाडाले अनुरोध गरेको छ । ‘सरकारले सवारी साधन पैठारी सम्बन्धी विशेष व्यवस्थामा निर्माता कम्पनी वा निजको आधिकारिक विक्रेताबाट खरिद गरिएका नयाँ सवारी वा ढुवानीका साधनहरु नेपालस्थित आधिकारिक विक्रेताहरुले मात्र पैठारी गर्न पाउने छन् भनि स्पष्ट लेखिए पनि उल्लेखित शर्त उल्लघंन गरी सवारी वा ढुवानीका साधन पैठारी गरेमा त्यस्ता सवारी साधन तथा ढुवानी साधनको मूल्यको ३० प्रतिशत जरिवाना गरी जाँचपास गर्न सकिनेछ भनि आर्थिक विधेयक २०७७ मा स्पष्ट उल्लेख गरिएबाट उत्पादक कम्पनीद्धारा नियुक्त जुनसुकै बिक्रेताबाट पनि सवारी साधन आयात गर्न सक्ने अवस्था कायम रहन गई उत्पादक कम्पनीको कुनै जानकारी वा दायित्व नै नरहने अवस्था उत्पन्न भएको छ । जसबाट आयातित सवारी साधनको हकमा उत्पादक कम्पनीको कुनै जिम्मेवारी नरही स्थानिय बिक्रेता मात्रै जिम्मेवार रहन जाने स्थिति आएको छ । ’- नाडाले जनाएको छ । यस्तो अवस्थामा उत्पादक कम्पनीबाट डिलरसिप नियुक्त नभएका एजेन्टहरुले पनि उत्पादक कम्पनीको जानकारी बिना विदेश स्थित स्थानिय बिक्रेता वा डिलरबाट जथाभावी डिलरसिप नियुक्ती पाउँदा सवारी साधनहरुको मूल्यमा एकरुपता नहुनुका साथै न्यून विजकीकरणको उच्च संभावना रहन जान्छ । साथै, पुराना सेकेण्डह्याण्ड गाडीहरु पनि त्यही प्रावधानबाट नेपाल भित्रिने र नेपाल यस्ता सेकेण्ड ह्याण्ड गाडीहरुको डम्पीङ साइट बन्न सक्ने प्रबल संभावना भएकोले हाल भएको व्यवस्थामा आवश्यक संशोधनका लागि नाडाले सरकारसंग अनुरोध गरेको छ ।
यामाहाको ‘फेस्सिनो १२५ एफआइ’ स्कूटर अब नेपाली बजारमा, घरघरमै डेलिभर गरिदने
काठमाडौं । नेपालको लागि यामाहा टू ह्वीलर्सको एकमात्र आधिकारिक वितरक एम.ए. डब्लु इन्टरप्राइजेजले क्लासिक युरोपियन स्टाइलको १२५ सिसिको यामाना फेस्सिनो स्कुटर अब नेपालमा बिक्री वितरण हुने भएको छ । नवीन विशेषता र प्रविधिका साथसाथै फेस्सिनो १२५एफआइको बनावट क्लासिक युरोपियन स्टाइलमा देख्न सकिन्छ, जसमा यसले सम्पूर्ण नयाँ बाह्य डिजाइन, हेडलाइट, गेज र अरु विशेषताहरु प्राप्त गरेको छ । फेस्सिनो १२५एफआइ विभिन्न ५ रङ्गहरुमा आएका छन् । नयाँ फेस्सिनोले १२५ एफआइ इन्जिनका साथ प्रभावकारिता सिर्जना गर्दछ, जुन बिएस-भिआइ कम्लियन्ट, फूयल इन्जेक्टेड (एफआइ)द्वारा सशक्त छ भने जसबाट पावर क्षमता प्लस ३० प्रतिशत उत्पादन गर्छ र इन्धन खपत प्लस १६ प्रतिशत ज्यादा गर्छ । यो ९९ केजी तौलको छ जसलाई सजिलै चलाउन सकिन्छ र यो जस्तै समुहमा यो अत्यन्त हलुका स्कूटर पनि हो । फेस्सिनो १२५ रोक्ने र चलाउने प्रणालीमा आधारित भएकोले यसले इन्जिन निष्क्रिय हुनलाई रोक्छ र पछि तुरुन्तै थ्रटलको एकल मोडका साथ चल्छ, जसले हाँक्ने वातावरणको पहुँचमा पुग्न सेन्सरहरुको प्रयोग गर्दछ । नयाँ फेस्सिनो १२५एफआइ मा स्मार्ट मोटर जेनेरेटर (एसएमजि) पनि जडान गरिएको छ, जसले विद्युतीय नियन्त्रणहरु प्रयोग गरेर बटनलाई एक दवाब दिने बित्तिकै सजिलै इन्जिन सुचारु गराउँछ र अन्तर्राष्ट्रिय यामाहा सिरिजहरुमा भए जस्तै साइड स्ट्याण्ड इन्जिन कट-अफ स्वीच पनि यसमा रहेको छ । यो स्कूटरले एकीकृत ब्रेकिङ्ग प्रणाली (युबिएस) र अग्र डिस्क ब्रेक का साथ लगातार ब्रेकिङ्ग शक्तिको पनि प्रयोग गर्दछ । ‘हामीले फेस्सिनोलाई एक शक्तिशाली इन्जिनका साथ सुसज्जितमात्र गरेका छैनौ साथमा प्रमुख स्टाइलहरुमा पनि परिमार्जन गरेका छौं । योसँगै नयाँ फेस्सिनो १२५ एफआइले यसका अघिल्लो मोडलले जस्तै परम्परा कायम गर्ने निश्चित छ र आजका पुस्ताका बढ्दो आवश्यकताहरुलाई पूरा गर्न सक्नेछ ।’- यामाहा नेपालका बजार प्रमुख विक्रम शर्मा पौडेलले भने । वर्तमानमा घरमै बस्नुपर्ने अवस्थालाई मध्यनजर राखेर एम.ए. डब्लुले नेपालभरका लागि अनलाइन सर्भिसमार्फत् सेवा पुर्याउन आफ्ना ग्राहक सहायता टिमलाई बुकिङ्गमा सहयोग प्रदान गर्न परिचालन गरिसकेको छ ।
