सेञ्चुरी बैंकद्वारा भिसा क्रेडिट कार्ड सेवा शुरु
काठमाडौं, ६ असार । सेञ्चुरी कमर्सियल बैँकले सेञ्चुरी भिसा के्रडिट कार्डको शुरुवात गरेको छ । बैंकका अनुसार ग्राहकवर्गहरुले गोल्ड र क्लासिक दुई प्रकारका क्रेडिट कार्डको सुविधा लिन सक्ने छन् । बैंकले भिसा के्रडिट कार्डको सेवा ३१ वटै शाखाहरुबाट उपलब्ध गराउने भएको छ । हालसम्ममा बैंकले ३१ वटा शाखा, २८ वटा ए.टी.एम्, ८ वटा शाखारहित बैंकिङ्ग र ३ वटा एक्सटेन्सन् काउन्टरबाट ग्राहकवर्गसमक्ष बैकिङ्ग सेवा प्रदान गर्दै आइरहेको छ । आ.व. २०७२/७३ को चैत्र मसान्त सम्म बैंकले कुल निक्षेप २६ अर्ब एक करोड रुपैयाँ र कर्जा रकम २२ अर्ब ८३ करोड रुपैयाँ परिचालन गरेको छ । सो अबधिमा बैंकले २३ करोड २४ लाख रुपैयाँ खुद मुनाफा आर्जन गरेको बैंकको विज्ञप्तिमा उल्लेख छ ।
प्रभु बैंक र नेपाल सर्टिफाइङ कम्पनीबीच विद्यूतीय कारोबार सम्बन्धी सम्झौता
३ असार, काठमाडौं, ३ असार । प्रभु बैंक लिमिटेड र नेपाल सर्टिफाइङ कम्पनी प्रालि बीच विद्यूतीय प्रणालीमार्फत् गरिने सूचना आदान(प्रदान विश्वसनीय बनाउनेबारे सम्झौता भएको छ । बैंकका अनुसार विद्यूतीय प्रणाली मार्फत् गरिने सूचना आदान प्रदानमा उत्पन्न हुने जोखिमलाई न्युनीकरण गर्ने तथा सूचना प्रवाहलाई अझ विश्वसनीय बनाउन सम्झौता भएको हो । उक्त कार्यक्रममा बैंकका प्रमुख कार्यकारी अधिकृत अशोक शेरचन र सर्टिफाइङ कम्पनीका अध्यक्ष विप्लवमान सिंहले सम्झौतामा हस्ताक्षर गरेका छन् । समारोहमा बैंक तथा सर्टिफाइङ कम्पनीका अन्य पदादिकारीहरुको समेत उपस्थिति थियो । सूचना आदान प्रदानमा हुने जोखिम न्यूनीकरण सम्बन्धी सम्झौता पश्चात् आगामी दिनमा बैंकको आन्तरिक तथा बाहृय ग्राहकहरुसँगको विद्यूतीय कारोबार अझ सुरक्षित एवं सवल हुने बैंकले विश्वास लिएको छ ।
मनमैजुमा सेञ्चुरी बैंकको एक्सटेन्सन काउन्टर
काठमाडौं, २ असार । सेञ्चुरी कमर्सियल बैंक लिमिटेडले मनमैजुको मालपोत कार्यालयमा एक्सटेन्सन काउण्टर सञ्चालन गरेको छ । यो बैंकको उपत्यकामा तेश्रो एक्सटेन्सन काउन्टर हो । बैंकले उक्त काउन्टरबाट राजश्व संकलन लगायत त्यस क्षेत्रमा वसोवास गर्ने ग्राहकवर्गहरुमा आफ्नो सेवा पुर्याउनेछ । आर्थिक वर्ष २०७२/७३ को चैत्र मसान्तसम्ममा सेञ्चुरी बैंकले २६ अर्ब एक करोड निक्षेप संकलन गरेर २२ अर्ब ८३ करोड कर्जा परिचालन गरेको छ । बैंकले सो अवधीमा ३४ करोड ५० लाख सञ्चालन मुनाफा तथा २३ करोड २४ लाख खुद नाफा कएमो थियो । हालसम्म बैंकले ३१ वटा शाखा, २८ वटा एटीएम, ८ वटा शाखारहित बैंकिङ्ग र २ वटा एक्सटेन्सन् काउन्टरबाट सेवा प्रवाह गर्दै आएको थियो ।
