फोटो फिचर

काठमाडौं, ११ कात्तिक । सनराइज बैंक लिमिटेडले आफ्नो एघारौं शाखारहित बैंकिङ्ग सेवा उदयपुरको नेपालटारमा शुरु गरेको छ । बैंकले बैंकिङ्ग सेवा नपुगेका देशका विभिन्न स्थानहरुमा बैंकिङ्ग सेवा पुर्याउँदै जाने उद्देश्यले सो स्थानमा बैकिंङ् सेवाको संचालन गरेको हो । बैंकको गाईघाट शाखाका विश्वेश्वर नायकको उपस्थितिमा उक्त शाखारहित बैंकिङ्ग सेवाको उद्घाटन पंचावती गा.वि.स.का सचिव खिलराज कार्कीले गरेका हुन् । सो अवसरमा बैंकको गाईघाट शाखाका प्रमुख विश्वेश्वर नायकले शाखारहित बैंकिङ्ग सेवाका व्यावसायिक प्रतिनिधि बोधकुमार घिमिरेलाई पोइन्ट अफ सेल मेसिन हस्तान्तरण गरेका छन् । बैंकको शाखाहरु नभएको ठाँउबाट बचत तथा भुक्तानीका लागि शाखारहित बैंकिङ्ग सेवा मार्फत एटिएम कार्ड र औंठाको छापबाट, पोइन्ट अफ सेल मेसिनको माध्यम बाट कारोबार गरिन्छ ।

काठमाडौं, ११ कात्तिक । सिविआइएल क्यापिटलले कम्पनीको ब्राण्ड एम्बेस्डरमा क्याप्टेन विजय लामालाई नियुक्ति गरेको छ । लामालाई बिहीबार बसेको कम्पनीको संचालक समितिको बैठकले ब्राण्ड एम्बेस्डरमा नियुक्ति गरेको हो । उक्त बैठकमा सि.वि.आई.एल कम्पनी र नेपालको उड्यन तथा मिडिया क्षेत्रमा सुपरिचित क्यापटेन लामाले सम्झौता पत्रमा हस्ताक्षर गरेका हुन् । लामाद्धारा यस कम्पनीले प्रदान गर्ने विभिन्न सेवाहरु मध्ये मुलतः लगानी व्यवस्थापन सेवाको राष्ट्रिय तथा अन्तर्राष्ट्रिय स्तरमा प्रचार–प्रसार तथा प्रवद्र्धन गरिनेछ ।

काठमाडों, ११ कात्तिक । नेपाल सरकार कृषि बिकास मन्त्रालयको सहयोग तथा फ्लोरिकल्चर एसोशिएसन नेपालको आयोजनामा ललितपुरको जावलाखेलमा ४ दिने गोदावरी मेला बुधबारबाट सुरु भएको छ । ललितपुरको जावलाखेल खेल मैदानमा ४ दिन सम्म चल्ने १० औं गोदावरी फूलको प्रतियोगितात्मक प्रदर्शनीको समुद्घाटन नेपाल सरकार कृषि बिकास राज्यमन्त्री राधिका तामाङले गरेकी हुन् । बुधबार भएको उद्घाटनसत्रमा कृषिबिकास सचिब उदय चन्द्र ठाकूर, नेपाल उद्योग बाणिज्य महासंघका उपाध्यक्ष दिनेश श्रेष्ठ, कृषि बिकास मन्त्रालय खाद्य सुरक्षा, कृषि व्यवसाय प्रबद्र्धन तथा बाताबरण महासाखाका सहसचिब लेखनाथ आचार्य, कृषि बिभाग महानिर्देशक डा युवक ध्वज जीसि, राष्ट्रिय योजना आयोगका सहसचिब बाल कृष्ण घिमिरे, बनस्पति बिभागका महानिर्देशक राजदेव प्रसाद यादबले आ–आफ्नो बिचार ब्यक्त गरेका थिए । कार्यक्रमकी प्रमुख अतिथी तथा कृषि बिकास राज्य मन्त्री राधिका तामाङले फ्लोरिकल्चर क्षेत्रले लामो फड्को मारेको बताउँदै महिलाहरुलाई रोजगारीको सृजना गरेको बताइन । दिपावली तथा छट पर्ब लक्षित गोदावरी मेलामा प्रतिश्पर्धात्मक, सूचनामुलक तथा व्यवसायीक स्टल गरि ४२ वटा स्टल रहेका छन् । गोदावरी मेलामा सहभागि नर्सरीहरुमा पहिलो स्थान संझना नर्सरी, दोस्रोस्थान अरुण नर्सरी र तेस्रोस्थान एसआर नर्सरी आउन सफल भएका थिए । यसैगरि प्रतियोगितामा उत्कृष्ट इन्कर्भ, उत्कृष्ट रिफ्लेक्स र उत्कृष्ट मिनिएचर गरि ३ वटा बिधामा सम्झना नर्सरी, उत्कृष्ट स्पाइडरमा अरुण नर्सरी र उत्कृष्ट कट फ्लावरमा आरएनए फ्लोरा फार्मले पुरस्कार प्राप्त गरेका छन् । विजयी नर्सरीहरुलाइ राज्यमन्त्री तामाङले नगद शील्ड तथा प्रमाणपत्र प्रदान गरेकी थिइन । रोपेर फूल गोदावरी, सजाऔं घर आँगन वरिपरि भन्ने मुल नाराका साथ मेला आयोजना गर्न लागेको फ्यानको मुख्य उदेस्य तिहार पर्बको आकर्षणको रुपमा रहेको गोदावरी फूलको ब्यबसाय प्रवद्र्धन गर्नु रहेको बताउँदै फ्यानका अध्यक्ष कुमार कसजु श्रेष्ठले मेलामा ३५ लाख रुपैयाँ भन्दा बढीको कारोबार गर्ने लक्ष रहेको बताए । मेला प्रदर्शनीको आयोजनाबाट प्रत्यक्ष एवं परोक्ष रुपमा पुष्प ब्यबसायको बिकास, बिस्तार तथा प्रवद्र्धनमा महत्वपूर्ण सघाउ पुगेको बताउँदै फ्यानका उपाध्यक्ष तथा मेला संयोजक रामजी तिमिल्सीनाले नेपाल बाताबरणीय बिबिधता तथा तथा प्राकृतिक सम्पदाले भरिपूर्ण भएकोले पुष्प ब्यबसायको बिकास तथा प्रबद्र्धनको सम्भाबना प्रचुर रहेको बताए । आर्थिक बर्ष २०७२/७३ मा १ अर्ब ३४ करोडको कारोबार गर्न सफल पुष्प ब्यबसायले ४१ हजार भन्दा बढीलाई रोजगारी प्रदान गरिरहेको बताउँदै फ्यानका बरिष्ठ उपाध्यक्ष दिलिप बादेले हाल सम्म ३९ जिल्लामा यसको कारोबार हुदै आएकोे बताए । यो कार्यक्रम नेपाल सरकार कृषिबिकास मन्त्रालयको पुष्प प्रवद्र्धन नीति कार्यान्वन कार्यक्रम अन्तर्गत संचालन भएको हो ।