वित्त : विविध

काठमाडौं । संस्कृति पर्यटन तथा नागरिक उडड्यन मन्त्री योगेश कुमार भट्टराईले आन्तरिक तथा बाह्य पर्यटके आगमनमा भइरहेको चेकिङ प्रक्रियालाई आवश्यक परे बन्द गरिने बताएका छन् । बुधबार नेपाल चेबर अफ कमर्सले राजधानीमा आयोजना गरेको पर्यटन क्षेत्रको प्रवद्र्धनमा निजी क्षेत्रको भूमिका विषयक कार्यक्रममा बोल्दै मन्त्री भट्राईले भने ‘विमानस्थलमा आन्तरिक तथा बाह्य पर्यटकहरुलाई आगमनमा चेक जाँच गरी अनावश्य कडाइ गरेको भन्ने कुरा आएको छ ।’ त्यस विषयमा आवश्यकता अध्ययन गरी र सम्वन्धित निकायहरु सँग छलफल गरी समस्याको समाधान खोज्ने बताएका हुन् । ‘विदेशबाट आउने आन्तरिक तथा बाह्य पर्यटकहरुलाई चेकजाँचमा धेरै कडाइ गरेको भन्ने सुनेको छु’ उनले भने , कुनै कुनै देशमा आगमनका बेला चेकजाँच गरिदैन, नेपालमा पनि त्यसको आवश्यकता हेरी र सम्बन्धित निकायसँगको छलफल र विदेशीहरुको अभ्यास हेरी त्यसको समाधान खोजिने छ, आवश्यक परे आगमनमा चेकजाँच बन्द पनि गरिनेछ ।’ उनले विगतको भन्दा त्रिभुवन अन्तर्राष्टिय विमानस्थलमा धेरै प्रगति भएको बताउँदै त्यसको भौतिक संरचना हरेर अझै पनि स्तरोन्नतीको काम अगाडी बढाउँदै लैजाने बताए । राष्ट्रिय गौरबका आयोजनाहरुको सन्दर्भका बारेमा बोल्दै आवश्यक परे पर्यटक आगमनमा हुने चेकिङ सिस्टम बन्द गरिने छः मन्त्री भट्टराईले पोखरा विमानस्थल र गौतमबुद्ध विमानस्थलको काम सन्तोषजनक रहेको उल्लेख गरे । उनले निजगढ विमानस्थलको काम पनि चाँडै शुरु हुने बताए । कार्यक्रममा चेम्बरका अध्यक्ष राजेशकाजी श्रेष्ठले पर्यटन क्षेत्रका विभिन्न समस्या र बेथितिहरु सुनाउँदै पर्यटक आगमनमा हुने अनावश्यक पिडालाई बन्द गराउन आग्रह गरे । मन्त्री भट्राईले अब विमानस्थलका कर्मचारीहरुलाई सत्कार सिकाउन चाँडै नै तालिम प्रदान गर्ने बताए । आकाशमा जहाज होल्ड भइरहने समस्यालई कम गर्न पनि भिआईपी मुभमेन्ट कम गर्न आफु लागि पर्ने उनले बताए ।

काठमाडौँ । फस्र्ट माइक्रोफाइनान्स लघुवित्त वित्तीय संस्थाले अन्य लघुवित्त वित्तीय संस्थासँग गाभ्ने, गाभिने वा प्राप्ती गर्ने बारेमा छलफल गर्न समिति गठन गरेको छ । सोमबार सम्पन्न सञ्चालक समितिको बैठकले विवेकमान सिंह शाक्यको संयोजकत्वमा समिति गठन गरेको हो । समितिको सदस्यमा उमेश कटवाल, युवराज क्षेत्री र भेषराज पन्थी रहेको कम्पनी सचिव दानराज पन्तले जनाएका छन् ।

काठमाडौँ । धितोपत्र बजारमा सेयर कारोबार मापक नेप्से परिसूचक आजपनि ओरालो लागेको छ । नेपाल स्टक एक्सचेञ्जका अनुसार नेप्से परिसूचक ४.८४ बिन्दुले घटेर एक हजार २३३.७१ बिन्दुमा पुगेको छ । यस्तै सेन्सेटिभ परिसूचक ०.४० बिन्दुले घटेर २६७.६० बिन्दुमा पुगेको छ । नेप्से ओरालो लागेसँगै कारोवार रकमसमेत सस्तैमा समेटिएको छ । कूल १६६ कम्पनीको ११ लाख ४५ हजार ५०७ कित्ता शेयर रु ३१ करोड १७ लाख ५६ हजार ८५६ मूल्यमा खरीद बिक्री भए । स्टकका अनुसार कारोवार भएका कूल १२ उपसमूहमध्ये आज पाँच उपसमूहको सेयर बढेको छ भने सात उपसमूहको शेयर ओरालो लागेको छ । व्यापार १३.७७, होटल १६.४६, वित्त १.२५, अन्य १.८८ र सामूहिक लगानी कोष ०.०२ बिन्दुले बढेको छ । यस्तै बैंकिङ ५.०३, विकास बैंक ४.२९, जलविद्युत् ८.८४, निर्जीवन बीमा ३२.१९, उत्पादन १४.७३, लघुवित्त ६.६ र जीवन बीमा ३७.६६ बिन्दुले घटेको छ । स्टकका अनुसार कारोवारका आधारमा आज रसुवागढी जलविद्युत् कम्पनी शीर्ष स्थानमा रहेको छ । सो कम्पनीको कूल रु चार करोड ५९ लाख ५९ हजार ४६८ बराबरको शेयर कारोवार भयो । यस्तै साञ्जेन जलविद्युत् कम्पनीको रु दुई करोड ७९ लाख ९७ हजार ११४, नेपाल इन्भेस्टमेन्ट बैंक रु एक करोड ३७ लाख ३८ हजार ५३१, नेपाल बैंक लिमिटेड रु एक करोड १८ लाख ४४ हजार ७६६, कृषि विकास बैंक रु एक करोड १० लाख ८३ हजार ३९ र नेपाल लाइफ इन्स्योरेन्स कम्पनी रु एक करोड सात लाख ६३ हजार २७६ बराबरको शेयर कारोवार भई शीर्ष स्थानमा रहेको छ । स्टकका अनुसार साल्ट टेड्रिङ कर्पोरेशन ९.११ स्वाभिमान लघुवित्त वित्तीय संस्था ५.५५, सिर्जना फाइनान्स ४.३०, साञ्जेन जलविद्युत् कम्पनी ४.०२, मल्टीपर्पोज फाइनान्स कम्पनी ३.६४ र यूनिभर्सल पावर कम्पनीका शेयरधनीले २.३३ प्रतिशतले कमाएका छन् । यस्तै एनसिसि बैंक ९.९१, जोशी हाइड्रोपावर ८.१०, पाँचथर पावर ८.०२, राष्ट्रिय बीमा कम्पनीको संस्थापक शेयर ४.४८, नेपाल सेवा लघुवित्त वित्तीय संस्था ४.१३, आशा लघुवित्त ३.५५ र छ्याङदी हाइड्रोपावरका लगानीकर्ताले ३.५२ प्रतिशतले गुमाएका छन् ।