मेगा बैंकको प्रमुख कार्यकारी अधिकृतमा अनुपमा खुञ्जेली नियुक्त, वाणिज्य बैंकमा पहिलो महिला सीईओ
काठमाडौं । मेगा बैंक नेपाल लिमिटेडको प्रमुख कार्यकारी अधिकृतमा अनुपमा खुञ्जेली नियुक्त भएकी छिन् । बिहीबार बसेको बैंक सञ्चालक समितिले आगामी चार वर्षको लागि खुञ्जेलीलाई सीईओमा नियुक्त गर्ने निर्णय गरेको हो । यस नियुक्ती सँगै खुञ्जेलीले नेपालमा वाणिज्य बैंक समूहतर्फ पहिलो प्रमुख कार्यकारी अधिकृतको इतिहास र पहिचाहन बनाएकी छिन् । २७ वर्ष बैकिङ क्षेत्रमा काम गरेकी खुञ्जेली सोही बैंकमा विगत ५ महिनादेखि कामु प्रमुख कार्यकारी अधिकृत थिएन् । उनले मेगा बैंकमा नायब महाप्रबन्धक र सहायक प्रमुख कार्यकारी अधिकृत भएर ८ वर्ष व्यवस्थापकीय नेतृत्व गरिसकेकी छिन् । तत्कालिन ग्रिनलेज (हाल स्ट्याण्डर्ड चार्टर्ड) बैंकबाट काम शुरु गरेकी खुञ्जेलीले सोही बैंकमा १३ वर्ष, त्यसपछि नविल बैंकमा ६ वर्ष काम गरेकी थिइन् । उनले एस म्यानेजमेन्ट इन्स्टच्यूटबाट एमबीए गरेकी छिन् । उनले लगानीकर्तालाई उच्चतम प्रतिफल दिने बताइन् । विकासन्युजसँग कुरा गर्दै उनले भनिन्–‘नियामक निकाय, लगानी, उपभोक्ता, कर्मचारी र समाज बैंकका स्टेक होल्डर हुन्, उनीहरु सबैलाई मेगा बैंकसँग खुशी बनाउदै लगानीकर्तालाई अधिकतम लाभांश दिने मेरो प्रयास हुनेछ ।’ हाल यस बैंकको पुँजी ८ अर्ब रुपैयाँ छ । निक्षेप ४१ अर्ब ५० करोड, कर्जा ४१ अर्ब रुपैयाँ छ । बैंकको शाखा ४७ वटा छ भने कर्मचारी ५६० जना छन् । बढीमा दुई महिनाभित्र मेगा र टुरिजम डेभलपमेन्ट बैंक मर्ज हुने, त्यसपछि बैंकको पुँजी १० अर्ब हुने, शाखा १०२ हुने, कर्मचारी १ हजार जनाभन्दा बढी हुने उनले बताइन् ।
मन्त्री थापाद्धारा नेपाल रेडक्रस सोसाइटीको ४७ औं महाधिवेशन उद्घाटन
काडमाडौं । नेपाल रेडक्रस सोसाइटी (नेरेसो) को केन्द्रीय सभाको ४७ औं महाधिवेशनको महिला, बालबालिका तथा जेष्ठ नागरिक मन्त्री थममाया थापाले बुधबार बिराटनगरमा एक विशेष कार्यक्रमकाबीच उद्घाटन गरेकी थिइन् । दुई दिनसम्म सञ्चालन हुने उक्त महाधिवेशन उद्घाटन कार्यक्रमा मन्त्री थापाले गरिन् । मानव जीवन र प्रतिष्ठाको विश्वव्यापी संरक्षणको लागि मानवीय सेवामा अहोरात्र खटिरहेका रेडक्रस तथा रेडक्रिसेण्ट अभियानका स्वयंसेवकप्रति हार्दिक सम्मान व्यक्त गरेको जनाइएको छ । उनले महिला समावेशीकरणको विषयलाई मुलुकले प्राथमिकता दिएकोले सवैपक्षलाई त्यसतर्फ थप ध्यान दिन समेत आग्रह गरेकी थिइन् । सोही अवसरमा नेपाल रेडक्रस सोसाइटीका केन्द्रीय अध्यक्ष संजीव थापाले संस्थाका बिभिन्न तहबाट प्राप्त व्यवहारिक सुझावहरुलाई कार्यान्यनमा ल्याइ रेडक्रसलाई सबल बनाउने बताए । अल्पकालीन मध्यकालीन र दीर्घकालीन विकास र क्षमता अभिबृद्धिका लागि र मानवीय सेवा अझ प्रभावकारी बनाउन रेडक्रस प्रयत्नशील रहेको उनको भनाइ छ । मुलुक संघीयतातर्फ अगाडि बढिरहको सन्दर्भमा नेपाल रेडक्रसको संगठनात्मक संरचना पनि विधानत सोहीअनुरुप अनुकुल बनाउने उद्देश्यका साथ महाधिवेशनले छलफल गर्ने उनले जानकारी दिए । सोही अवसरमा समाज कल्याण परिषद्का उपाध्यक्ष नीलमणि बरालले जस्तो सुकै विपत्तिमा पनि सेवाको लागि तत्पर रहने रेडक्रस अभियानको विश्वव्यापी स्वाभिमान र पहिचानलाई नेपाल रेडक्रसले कायम राख्दै आएकोमा प्रशंशा गरे । रक्त परीक्षण तथा ल्याब खर्चमा सहयोग गर्ने र गरीव जनतालाई सहुलियतमा रक्तसेवा उपलव्ध गराउन विराटनगर महानगरपालिका र नगरपालिकाहरु सकारात्मक रहेको महानगरका मेयर भीम पराजुलीले बताए । देशका ७५ वटा जिल्लाबाट रेडक्रसका तीन–तीन जना प्रतिनिधिहरू, केन्द्रीय कार्यसमिति र मनोनित सभासद्हरू गरी २७५ जना प्रतिनिधिहरूको सहभागिता रहेको छ । संस्थाको अभिन्न अङ्गको रूपमा रहेको जुनियर, युवा रेडक्रससाथै शिक्षक नायकको प्रतिनिधिहरु पनि महाधिवेशन पर्यवेक्षकको रूपमा भागलिइरहेका छन् । यसका अलावा नेपाल रेडक्रस सोसाइटी मोरङ जिल्ला शाखाको स्वयंसेवक स्मृति भवनको नेरेसोका अध्यक्ष थापालेनै उद्घाटन गरेका थिए । उक्त शाखा केही दिनअघि नोबेल मेडिकल कलेज शिक्षण अस्पतालमामा स्थापना गरिएको जनाइएको छ । नेपाल रेडक्रस सोसाइटी रक्तसञ्चार सेवा इकाइमा २० लाख रुपैया बराबरको ब्लड कम्पोनेन्ट सेपरेशन मेशिनको शुरुवात पनि गरिएकाे बताइएकाे छ ।
ग्लोबल आइएमई बैंकको दुई नयाँ शाखा कालिकोटको रास्कोट र पोखराको लेखनाथमा
काठमाडौं । ग्लोबल आइएमई बैंकले दुई स्थानमा शाखा कार्यालयहरु सञ्चालनमा ल्याएको छ । बैंकले कालिकोट जिल्लाको रास्कोट नगरपालिका वडा नंं. ५, स्यूना र कास्की जिल्लाको पोखरा लेखनाथ महानगरपालिका वडा नंं. १०, उत्तमचोकमा नयाँ शाखा कार्यालयहरु सञ्चालनमा ल्याएको हो । उक्त स्थानहरुमा शाखा कार्यालय सञ्चालनमा ल्याए संगै बैंकको शाखा कार्यालयहरुको संख्या १२२ पुगेको छ । ग्लोबल आइएमई बैंकले सबै क्षेत्र र वर्गसम्म बैंकिङ सेवाको पहुँच पुर्याउने उद्देश्यले १२२ वटा शाखा, १२८ वटा एटीएम, ४ वटा एक्सटेन्सन काउण्टर, १४ वटा राजस्व संकलन काउण्टर र ७९ शाखा रहित बैंकिङ सेवामाफर्त आफ्ना ग्राहकहरु माझ सेवा प्रदान गर्दे आइरहेको जनाइएकाे छ ।
भाजपाका बरिष्ठ नेता बिजयजोलीद्वारा चन्द्रागिरि भ्रमण
काठमाडौं । भारतीय जनता पार्टीका बरिष्ठ नेता बीजयजोलीले काठमाण्डौको दक्षिण–पश्चिममा अवस्थित चन्द्रागिरि पर्वतमा निर्माण गरिएको चन्द्रागिरि केबलकारको अनौपचारिक भ्रमण गरेका छन् । चन्द्रागिरि हिल्स लिमिटेडका अध्यक्ष एवम् नेपालउद्योग वाणिज्य महासंघका उपाध्यक्ष चन्द्रप्रसाद ढकालले जोलीलाई स्वागत गर्दै परियोजनाको स्थलगत भ्रमण गराएका थिए । चन्द्रागिरिको आगन्तुक पुस्तिकामा हस्ताक्षर गर्दै जोलीले निर्माण कार्य शुरु गरेकै छोटो समयमा यस ऐतिहासिक स्थानमा स्थापित परियोजनाले पर्यटन प्रवद्र्धन गर्नुका साथै धार्मिक आस्था, शान्ति र सहिष्णुता कायम राख्न ठुलो भूमिका खेल्ने विश्वास व्यक्त गरे । ऐतिहासिक, साँस्कृतिक तथा प्राकृतिक महत्व बोकेको चन्द्रागिरि डाँडामा कम्पनीले भालेश्वर महादेव मन्दिर, सत्तल, भ्यू टावर, चिल्ड्रेन पार्क र सेमिनार हल लगायतका पूर्वाधार निर्माण गरेर चन्द्रागिरि डाँडालाई एकीकृत पर्यटकीय गन्तव्यको रुपमा विकास गरिरहेको जनाइएको छ ।
साधना लघुवित्तको साधारण सभा सम्पन्न, एक कित्ता बराबर एक कित्ता हकप्रद शेयर जारी गर्ने
काठमाडौं । गोरखा जिल्ला गोरखा नगरपालिका वडा नं ६ हरमटारीमा केन्द्रिय कार्यालय रहेको साधना लघुवित्त वित्तीय संस्था लिमिटेडले आफनो प्रथम वार्षिक साधारण सभा होटल गोरखा विसौनिमा सम्पन्न गरेको छ । उक्त साधारण सभाले एक कित्ता बरावर एक कित्ता (१ः१) हकप्रद शेयर जारी गर्ने विशेष प्रस्ताव समेत पारित गरेको छ । हकप्रद शेयर जारि पछि वित्तीय संस्थाको अधिकृत पूँजी रु १० करोड, चुक्तापूँजी रु ४ करोड ९० लाख र जारी पूँजी ७ करोड पुग्ने संस्थाले जानकारी गराएको छ । कृष्णबहादुर थापाको अध्यक्षतामा नँया सञ्चालक समिति त्यस्तै साधारण सभाले कृष्ण बहादुर थापाको अध्यक्षतामा नँया सञ्चालक समिति समेत र्निविरोध निर्वाचित गरेको छ । जसको सञ्चालकमा राधा कुष्ण भण्डारी, रमेश सापकोटा दिनेश थकाली रहेका छन् भने सोहि दिनको सञ्चालक समितीको बैठकले अर्जुनकुमार सिँहलाई संञ्चालकमा मनोनयन गरेको छ । साधारण सभामा वित्तीय संस्थाको अध्यक्ष थापाले संस्थालाई वित्तीय क्षेत्रमा नविनत्तम अवधारणाको विकास गरी नमुना लघुवित्तको रुपमा स्थापित गर्ने बताए । पछिल्लो समय वित्तीय संस्थाहरु नाफामुखि र बजार केन्द्रित भएको परिपे्रक्षमा यस वित्तीय संस्थाले गाम्रिण दुरदराजमा गइ वित्तीय कारोवारका साथै सामाजिक कार्य गर्दै आएको उनले जानकारी गराए । साधारण सभालाई सम्वोधन गर्दै नेपाल राष्ट्र बैंकका निर्देशक राजनबिक्रम थापाले जोखिमन्यूनिकरण र शेयर धनिलाई सक्रिय हुन आग्रह गर्दै नाफाभन्दा वित्तीय पहुँच विस्तार गर्न अनुरोध गरे । उक्त संस्थाले गाम्रिण क्षेत्रमा विपन्न वर्गको आर्थिक, सामाजिक रुपान्तरणमा महत्वपूर्ण भुमिका खेल्दै आएको जनाएको छ । हालसम्म वित्तीय संस्थाले १५ वटा शाखाकार्यालयमार्फत ६ हजार ५ सय भन्दा बढी सदस्यहरुलाई समुहमा आबद्द गराई ३ हजार ऋणी सदस्यबाट रु २८ करोड कर्जा लगानी गरेको र ३ करोड ५० लाख असुलिभएको जानकारी गराइएको छ ।
सिटिजन लाइफ इन्सोरेन्सले सार्वजनिक गर्याे नयाँ बीमा योजना-सिटिजन जीवन सारथी
काठमाडौं । ‘वाचुन्जेलको साथी, अब एउटैै बीमा काफी’ भन्ने नाराका साथ सिटिजन लाइफ इन्स्योरेन्स कम्पनी लिमिटेडले ‘सिटिजन जीवन सारथी बीमा’ नामक एक आकर्षक बीमा योजना सार्वजनिक गरेको छ । बजारमा प्रचलित सावधिक, अग्रीम भुक्तानी तथा आजीवन बीमाको सुविधा समेटिएको यस योजना कान्तिपथ स्थित कार्यलयमा एक कार्यक्रमार्फत सार्वजनिक गरिएको हो । कम्पनीका प्रमुख कार्यकारी अधिकृत पोषकराज पौडेल र प्रमुख बजार व्यवस्थापन अधिकृत कवी फुयालले संयुक्त रुपमा योजना सार्वजनिक गरेका थिए । प्राय जीवन बीमा कम्पनीहरुमा मुत्यु लाभको सुविधा सम्बन्धि योजनाहरु सञ्चालनमा रहेकोमा बीमा बजारमा सोभन्दा नवीन तथा आकर्षक बीमा योजनाहरु ल्याइरहेको उक्त इन्स्योरेन्सले प्रस्तुत गरेको याे योजनमा बीमितको आफ्नै जीवनकालमा दुई गुणा बीमाङ्क तथा बोनस समेत भुक्तानी भै बीमितले बीमा रकमको अधिक उपयोग गर्ने गरी ल्याइएकाे जनाइएकाे छ । नेपालमै पहिलो पटक जीवन लाभको आकर्षक सुविधा प्रदान गरेको कम्पनीको भनाइ छ । कार्यक्रममा कम्पनीका प्रमुख कार्यकारी अधिकृत पौडेलले सार्वजनिक गरेको योजनले ग्राहकको आर्थिक सुरक्षा र जीवनको सुनिश्चित भविष्यलाई विशेष ध्यानमा राखि वीवन बीमाको सबै सुविधा अफ्नै पालामा पाउने गरी योजना बजारमा ल्याएको जानकारी दिए ।
लक्ष्मी बैंकद्वरा पोखरा औद्योगीक क्षेत्रमा वृक्षारोपण
काठमाडौं । लक्ष्मी बैंकको पोखरा औधोगीक क्षेत्र शाखाले आफ्नो ११ वर्ष पुरा गरेको अवसरमा वृक्षारोपण कार्य सम्पन्न गरेको छ । बैंकले संस्थागत सामाजिक उत्तरदायित्व अन्तगर्त पोखरा औद्योगीक क्षेत्र परिसरमा वृक्षारोपण गरेको हो । उक्त कार्यमा पोखरा औधोगिक क्षेत्र उद्योग संगठन का अध्यक्ष लगाएत पदाधिकार वृक्षारोपण गरेको जनाइएको छ । लक्ष्मी बैंकको ४१ जिल्लामा ७८ शाखा सञ्जाल, ३ हस्पिटल सेवा काउन्टर, ९९ एटीएम, २५०० भन्दा बढी रेमिटेन्स् ४०० भन्दा बढि मोबाईल एजेन्टहरु रहेको जानकारी दिएको छ ।
सामसङ इलेक्ट्रोनिक्स्को नयाँवर्ष अफरमा १५ प्रतिशतसम्म छुट
काठमाडौं । सामसङ इलेक्ट्रोनिक्स् नेपालले नयाँवर्ष २०७५ को उत्साहलाई दोब्बर गर्दै ‘नयाँवर्षको उमङ्ग, सामसङसँग’ नामक अफर बजारमा ल्याएको छ । नयाँवर्षको उल्लासमय अवसरमा उत्कृष्ट योजनाहरुसँगै एक नौलो सुरुवात गर्न चाहने उपभोत्ताहरुलाई लक्षित गरी यस योजना नयाँ वर्षको उपहारको रूपमा प्रस्तुत गरिएको जनाइएको छ । उपभोक्ताले सामसङको टिभी तथा घरायसी उपकरणको खरिदमा १५ प्रतिशतसम्मको छुट दिने कम्पनीको भनाइ छ । कम्पनीको अनुसार सामसङले वल्र्डलिंकसँग साझेदारी गर्दै आफ्नो स्मार्ट टिभीको विक्रीमा अनलिमिटेड इन्टरनेट नेट टिभी सेवाप्रदान गर्ने भएको छ । ३२ इन्चदेखि ४३ इन्चसम्मको सामसङ स्मार्ट टिभीको खरिदमा १२ प्रतिशत क्यासब्याक तथा ६ महिनाको लागि १० एमबीपीएस को अनलिमिटेड इन्टरनेट नेट टिभी सेवा उपलब्ध गराउने जानकारी दिएको छ । त्यसैगरी ४९ इन्चदेखि ५५ इन्चसम्मको फ्लाट स्मार्ट टिभीदेखि एसयुएचडी र क्यूएलइडीसम्मका टिभीहरुमा विभिन्न क्षमताको इन्टरनेट तथा नेट टिभी विभिन्न अवधिसम्म सञ्चालन गर्ने अवसर दिएको छ । एचडी र एफएचडी टिभीको खरिदमाभने अधिकतम खुद्रा मुल्यमा १५ प्रतिशत पक्का क्यास ब्याक पाउने व्यवस्था गरिएको कम्पनीको भनाइ छ । कम्पनीले विभिन्न रेफ्रिजेरेट, वासिङ मेसिन लगायतको प्रोडक्टमा पनि विभिन्न अफरहरु राखेको छ । नेपालभरका सामसङ ब्राण्ड स्टोर तथा अधिकृत विक्रेतामा उपलब्ध उक्त अफर १३ मे २०१८ सम्म लागू गरिएको जानकारी दिएको छ ।
