सरकारले दियो घिउ तेल, मोबाइलमा ३ अर्ब ३२ करोड ५५ लाख भ्याट फिर्ता
काठमाडौं । सरकारले उपभोत्ताबाट उठाएको मूल्य अभिवृद्धि कर (भ्याट) उद्योगलाई छुट दिएको छ । १ वर्षमा सरकारले घिउतेल र मोवाइलमा ३ अर्ब ३२ करोड ५५ लाख बराबरको मूल्य अभिवृद्धि करको छुट गरेको छ । सरकारले घिउ तेल, मोबाइल र कुटनितिक नियोगलाई गरी सो रकमको कर छुट दिइएको हो । सबैभन्दा धेरै कर छुट घिउ तेलमा २ अर्ब ४२ करोड रुपैयाँ छुट दिएको छ भने मोबाइलमा ८९ करोड २७ लाख छुट दिएको छ । त्यसैगरी कुटनितिक नियोगलाई ८१ लाख मूल्य अभिवृद्धि कर छुट दिएको छ । महालेखा परिक्षकको अनुसार हाल इन्टरनेसनल मोबाइल इक्विपमेन्ट आइडेन्टिटी नब्बर लिनुपर्ने अवस्थामा पनि मोबाइलको मूल्य अभिवृद्धि कर फिर्ता दिने विषयमा पुनरावलोकन गर्नुपर्ने जनाएको छ ।
तरलता संकटको बचाउ गर्दै अर्थमन्त्री खतिवडाले भनेः आन्तरिक निक्षेपले मात्र पुग्दैन, लगानी बढाउन विदेशबाट कर्जा ल्याउनुपर्छ
काठमाडौं । अर्थमन्त्री डा. युवराज खतिवडाले आन्तरिक निक्षेपले मात्र कर्जाको माग नधान्ने भन्दै विदेशबाट ऋण ल्याउनु पर्ने बताएका छन् । निक्षेप परिचालनको तुलनामा कर्जाको माग बढी भएकाले बैंकिङ प्रणालीमा तरलताको संकट देखिएको भन्दै उनले आन्तरिक निक्षेपले मात्र कर्जाको माग नधान्ने उनले स्पष्टपारेका छन् । “तरलताको समस्या बढेपछि ब्याजदर माथि गएको हो” उनले भने आन्तरिक वचतले मात्र अब पुग्दैन । अब बाहिरबाट ऋण ल्याउनुपर्छ ।” गत वर्षदेखि बाहिर आएको लगानीयोग्य पुँजीको समस्या यो वर्ष पनि दोहरिएपछि आन्तरिक वचतले मात्र बैंकलाई लगानी गर्न नपुग्ने निष्कर्षमा अर्थमन्त्री पुगेका हुन् । राष्ट्र बैंकले व्यवस्थापन गर्न नसक्दा बजारमा तरलताको संकट देखिएको आरोप गभर्नर डा. चिरन्जीवि नेपालमाथि लाग्दै आएको छ । नेपाल राष्ट्र बैंकले विदेशबाट कर्जा ल्याउन वाणिज्य बैंकले खुला गरिसकेको उनले जानकारी दिए । विदेशबाट लगानी ल्याउन अभैm १,२ वटा काम गर्न बाँकी रहेको उनले सुनाए । नेपाल उद्योग वाणिज्य महासंघको ५२ औ वार्षिक साधारणसभामा व्यवसायीको जिज्ञाशालाई मेट्दै उनले नेपालमा प्रत्यक्ष वैदेशिक लगानी ल्याउन सुझाए । “तपाईहरु जति छिटो बैदेशिक लगानी ल्याउनु हुन्छ त्यति नै सरकारले सहजीकरण गरिदिने छ” उनले भने । सरकार आन्तरिक ऋणले मात्र नपुग्ने भएपछि वैदेशिक ऋण बढी ल्याउने तयारीमा रहेको उनले जानकारी दिए । चालु आर्थिक वर्षको ७ महिनामा बैंकहरुले निक्षेप परिचालन भन्दा कर्जा लगानी १ खर्ब रुपैयाँ बढी गरेकाले आन्तरिक बचतले नपुग्ने देखिएको हो । निक्षेप सुस्त गतिमा र कर्जाको माग अधिक बढेकाले अहिले बैंकिङ क्षेत्रमा लगानीयोग्य पुँजीको अभाव देखिएको हो । बैंकिङ प्रणालीमा २७ अर्ब रुपैयाँ हारहारीमा अधिक तरलता रहेको राष्ट्र बैंकले जनाएको छ । अधिकाँश बैंकको प्राथमिक पुँजी, कर्जा र निक्षेप अनुपात (सीसीडी रेसियो) ७८ प्रतिशत रहेपछि लगानी गर्न सकेका छैनन् । एनएमबी बैंक र एनआईसी एसिया बैंकले विदेशबाट ऋण ल्याउनका लागि राष्ट्र बैंकमा निवेदन दिएका छन् ।गत फागुन मसान्तमा वार्षिक विन्दुगत आधारमा १३ प्रतिशतले विस्तार भएको निक्षेप भन्दा कर्जा वृद्धिदर १७.४ प्रतिशत रहेबाट वित्तीय स्थिति कसिलो रहेको देखिएको राष्ट्र बैंकले जनाएको छ ।
नवीकरणीय ऊर्जा प्रविधिमा दिइने अनुदानमा लक्षित लाभान्वित थपिँदै
काठमाडौं । नेपालमा नवीकरणीय ऊर्जा प्रविधिहरुको प्रवद्र्धनका लागि नेपाल सरकारले नवीकरणीय ऊर्जा अनुदान नीतिअनुसार अनुदान उपलव्ध गराउदै आएको छ । २०७३ साल मंसिरमा परिमार्जित यस नीतिले लघु तथा साना जलविद्युत, सोलार, वायोग्यांस, फलामे सुधारीएको चुलो, वायु ऊर्जा, सुधारीएको पानी घट्टाका साथै सोलार मिनिग्रिड, सोलार र वायु मिश्रीत प्रणाली, जैविक फोहोरबाट ऊर्जा उत्पादनमा अनुदान दिने व्यवस्था गरेको बताइएको छ । नवीकरणीय ऊर्जाका प्रविधिहरुमा लक्षित लाभान्वित वर्ग जस्तै वालवालिका समेत पालन पोषण गर्नुपर्ने घरमुली महिला, भुकम्पबाट पिडित, लोपोन्मुख आदिवासी जनजाति तथा दलित लगायतका लागि समेत थप अनुदानको व्यवस्था गरिएको नेपाल सरकार ऊर्जा, जलस्रोत वैकल्पिक ऊर्जाले जानकारी दिएको छ ।
सरकारी कार्यालयकाे बेरुजू वृद्धि भई ५ खर्ब ८ अर्ब पुग्यो, १ वर्षमा बढ्यो साढे ९४ अर्ब बेरुजु
काठमाडौं । गत वर्ष बेरुजु २६.२० प्रतिशत बढेर ५ खर्ब ८ अर्ब रुपैयाँ पुगेको छ । अघिल्लो आवमा रहेको बेरुजु ३ खर्ब ९६ अर्ब २५ करोड रुपैयाँबाट ९४ अर्ब ८१ करोड रुपैयाँ बढेको महालेखा परीक्षकको कार्यालयले जनाएको छ । महालेखा परिक्षकले बिहीबार सार्वजनिक गरेको ५५ औं वार्षिक प्रतिवेदनमा सरकारी कार्यालयको वेरुजु बढ्दै गएको देखाएको छ । १० सरकारी कार्यालयहरुको बेरुजु रकमको हिस्ता ८३.५८ प्रतिशत रहेको छ । बेरुजूमध्ये सबैभन्दा धेरै भौतिक यातायात मन्त्रालयको २२.४३ प्रतिशत रहेको छ । अर्थ मन्त्रालयको १७.५ प्रतिशत, संघीय मामिला तथा स्थानीय विकासको १२ प्रतिशत, शिक्षाको ११.३८ प्रतिशत, रक्षाको ७ प्रतिशत रहेको छ । त्यसैगरी खानेपानी तथा सरसफाई मन्त्रालयको ६.६ प्रतिशत, शहरी विकासको ५.४० प्रतिशत, स्वास्थ्य तथा जनसंख्याको २.७९ प्रतिशत, सिंचाईको २.४४ प्रतिशत, गृहको २.४४ प्रतिशत र अन्यको ११.६ प्रतिशत रकम बेरुजू रहेको छ । असुल गर्नुपर्ने बेरुजूमध्ये अर्थमन्त्रालयको ९ अर्ब ३९ करोड ७५ लाख रहेको छ । पुर्वाधार अर्थमन्त्रालयको ९ अर्ब ३९ करोड ७५ लाख रहेको छ ।
१२ बुँदे नयाँ निर्देशिका ल्याएर धितोपत्र बोर्डले सेयर कारोबारमा गर्यो कडाई, यस्ता छन् निर्देशिका
काठमाडौं । नेपाल धितोपत्र बोर्डले अब सेयर कारोबारमा कडाई गर्ने भएको छ । बोर्डले सम्पत्ति शुद्धिकरण तथा आतंकवादी क्रियाकलापमा वित्तीय निवारण लगानी निर्देशिका परिमार्जन गरी लगानीमा कडाइ गर्ने भएको हो । यो निर्देशिका ०७५ बैशाख १ गतेदेखि लागु हुने बोर्डले जनाएको छ । सुचक संस्थाले कारोबार गरिरहेका ग्राहक र गर्नेलाई पहिचान सम्बन्धित विवरण राख्नुपर्ने व्यवस्था गरेको छ । यस्तै सुचक संस्थाले सेयर कारोबारका लागि काल्पनिक वा वेनामी खाता खोल्न र वित्तीय कारोबार गराउन बन्देज लगाएको छ । यदी यस्तो भेटिएमा अनुसन्धान गरेर खाता बन्द गर्न लगाउने व्यवस्था निर्देशिकामा उल्लेख गरिएको छ । ग्राहकको पहिचान जोखिममा आधारित भएर गर्नुपर्ने व्यवस्था निर्देशिकामा गरिएको छ । संकास्द कारोबार भएको पाइएकामा वित्तीय इकाइमा जानकारी दिनुपर्ने छ । निर्देशिका हेर्न यहाँ क्लिक गर्नुहोस एक दिनमा १० लाख रुपैयाँभन्दा बढीको सेयर किन्ने व्यक्तिको विवरण वित्तीय इकामा दिनुपर्ने व्यवस्था गरिएको छ । एक दिनमा एक पटक वा पटकपटक गरेर सेयर खरिद गर्नेको विवरण नेपाल राष्ट्र बैंकको वित्तीय इकाईमा जानकारी गराउनु पर्ने छ । बोर्डले १२ सार्वजनिक गरेको १२ बुँदे निर्देशिकामा ग्राहकको पहिचान र कारोबारको अनुसन्धानमा जोड दिएको छ । सम्पत्ति शुद्धिकरण ऐन परिमार्जन भएपछि सोही आधारमा निर्देशिका सुधार गरिएको बोर्डका प्रवत्ता निरज गिरीले बताए ।
विभिन्न जातजातीको झल्को दिने क्यालेण्डर एनसीसी बैंकद्वारा जार्वजनिक
काठमाडौं । नेपाल क्रेडिट एण्ड कमर्स बैंक(एनसीसी)ले २०७५ को क्यालेण्डर सार्वजनिक गरेको छ । विगत वर्षहरु जस्तै यो सालको क्यालेण्डरका तस्वीरहरु पनि पेन्सील स्केचद्वारा तयार पारिएका बैंकको भनाइ छ । बैंकको अनुसार क्यालेण्डरको थीम नेपाली नृत्यहरु राखिएको छ । उक्त क्यालेण्डरमा नेपालको पूर्वदेखि सुदूर पश्चिम र हिमाल देखि तराई भूभागका विभिन्न जात जातीहरुको मौलिकता झल्कीने नृत्यहरु प्रस्तुत गरिएको बताइएको छ ।
सर्वोत्तम सिमेन्ट, लक्ष्मी स्टील्सको भेटघाट कार्यक्रम
काठमाडौं । सर्वोत्तमसिमेन्ट प्रालि र लक्ष्मी स्टील्स प्रालिले बुटवल, सुनवल र भैरहवामा चैत्र २६,२७ र २८ गते भवन निर्माण कार्यमा संलग्न सिनियर प्राविधिक (ठेकेदार) हरुलाई लक्षित गरी भेटघाट कार्यक्रम गरेको छ । उक्तकार्यक्रममा घर बनाउने क्रममा सिमेन्ट र डण्डीको प्रयोग भूकम्प प्रतिरोधात्मक हुने गरि गर्ने विभिन्न तरिकाको बारेमा जानकारी गराइएको बताइएको छ । उक्त भेटमा बुटवलमा १२५ जना, सुनवलमा २२० जना र भैरहवा १२० जना ठेकेदारहरु सहभागी भएको जनाइएको छ । कम्पनीले अत्याधुनिक यूरोपियन भिआरएम प्रविधिद्वारा सिमेन्ट उत्पादन गर्दै आएको छ । कम्पनीको ग्रिन सर्वाेत्तमओपिसि र श्री ग्रिनपिएससि नामक ब्राण्डका सिमेन्टहरु उपलब्ध छ ।
स्याङ्योङको नयाँ वर्ष अफर, ४ लाखसम्म नगद छुटदेखि हात खाली नजाने सामसुङको स्मार्टफोन प्रदान
काठमाडौं । स्याङ्योङ मोटर्स नेपालको लागि एकमात्र आधिकारिक बिक्रेता र नेपालको सन्दर्भमा नेतृत्वदायी संस्था आईएमएस् ग्रुप हो । सो ग्रुपले नयाँ वर्ष २०७५ लाई लक्षित गरी ‘नयाँ वर्ष २०७५ अफर’ बजारमा ल्याएको छ । नयाँ वर्ष २०७५ को सन्दर्भमा स्याङ्योङले विशेष अफर ग्राहक सामु ल्याएको जनाएको हाे । कम्पनीको अनुसार अफर अन्तरगत नगद रु ४ लाख सम्म छुट र हातखाली नहुने उपहारमा सामसुङ ग्यालेक्सी एस् ९ प्लस र सामसुङ ग्यालेक्सी एस्. ९ राखिएको छ । उक्त स्मार्टफोनहरु स्याङ्योङको विभिन्न मोडलको गाडी खरिदकर्ताहरुले हातखाली नजाने गरी प्राप्त गर्नेछन् । यसबाहेक कोरियन लक्जरी आरामदायी एसयुभी गाडी खरीदकर्तालाई स्याङ्योङले विभिन्न किसिमको अफरहरु उपलब्ध गराएको छ । जसमा गाडी जुनसुकै ठाउँमा सट्टापट्टा गर्न सकिने, सरल फाइनान्स सुविधा, एक आअर्थिक वर्षको लागि सडक कर छूट, ३ वर्षे वा ६० हजार किमी वारेन्टी सुविधा, ३ वर्षे फ्रि सर्भिसिङ, हरेक टेस्ट ड्राइभमा आकर्षक गिफ्ट ह्याम्पर लगायत छन् । कम्पनीले उक्त नयाँ वर्ष अफर चैत्र ३० देखि २०७५ बैशाख १७ गतेसम्म लागू गर्ने जानकारी दिएको छ । कोरियन गाडी निर्माता कम्पनी स्याङ्योङ आरामदायी गाडी निर्माता कम्पनी एसयुभी ब्राण्ड हो । सो कम्पनी दक्षिण कोरियाको चौथो ठूलो मोटर उत्पादक संस्था रहेको जनाइएको छ । कम्पनीले उच्च गुणस्तरीय इन्जिनियरिङद्वारा उत्पादित आधुनिक, आरामदायी तथा उच्च कार्यक्षमताका साथ सन् १९५४ देखि प्रोडक्टहरु बजारमा उपलब्ध गराएका छन् । स्याङ्योङको विश्व सञ्जालमा १ हजार ६५८ सोरुमहरु १२६ देशहरूमा विस्तारित छ ।
