हाेण्डा फेस्टिभ बोनान्जा: बुटवलका संजयले जिते साढे ३ लाख
काठमाडौं । नेपालका लागि होण्डा कारको आधिकारिक बिक्रेता स्याकार ट्रेडिङ्ग कम्पनीले दशैं, तिहार र छठलाई लक्षित गर्दै ल्याएको “होण्डाको फेस्टिभ बोनान्जा” योजना अन्तर्गत पहिलो विजेता घोषणा भएको छ । कम्पनीले लक्की ड्र मार्फत विजेताको घोषण गरेको हो । बुटवलको ड्राइभवे व्हिलस्बाट डब्लुआरभि एसभिएमटी खरिद गरी संजय नेपाल याेजनाकाे पहिलाे विजेता बनेका छन् । उनले लक्की ड्र मार्फत साढे ३ लाख नगद उपहार प्राप्त गरेका छन् । यस योजना अन्तर्गत ग्राहकहरुले होण्डा कारको खरिदमा हात खाली नजाने गरी २ लाखसम्मको नगद छुट, १ वर्षसम्मको लागि फ्रि इन्स्योरेन्स, १ वर्षसम्मको लागि फ्रि रोड ट्याक्स, ३ वर्षसम्मको लागि फ्रि सर्भिसिङ्ग, ३ वर्षसम्मको लागि स्पेयर पार्टस्मा ७ प्रतिशत छुटका साथै अन्य धेरै फ्रि आकर्षक उपहार प्राप्त गर्न सक्नेछन् । यसका साथै यस याेजनामा हरेक १५ दिनमा एक जना भाग्यशाली ग्राहकले ३.५ लाखसम्मको क्यासब्याक जित्न सक्नेछन् । यो योजना होण्डाको सबै कारमा सीमित अवधिका लागि मात्र लागू गरिएको छ ।
हिरो मोटोकर्पले सार्वजनिक गर्यो ‘माएस्ट्रो एज ११०’, मूल्य दुई लाख माथि
काठमाडौं । हिरो मोटोकर्पले नयाँ ‘माएस्ट्रो एज ११०’ सार्वजनिक गरेको छ । मोटरसाइकल तथा स्कुटर उत्पादक कम्पनी हिरो मोटोकर्पले नेपाली ग्राहकलाई नवीनतम प्रविधि उपलब्ध गराउने प्रतिवद्धता बमोजिम उक्त नयाँ मोडल सार्वजनिक गरेको हो । ‘कनेक्ट’ सम्पर्क सञ्जालयुक्त स्टाइलिस माएस्ट्रो एज ११० विशेषगरी नेपालका ग्राहकका लागि उपयुक्त डिजाइन छ । यस स्कुटरले युवालाई ध्यानमा राख्दै सौन्दर्य र आधुनिक प्रविधिको मेलमिलाप गरेको कम्पनीकाे दावी छ । नयाँ माएस्ट्रो एज ११० मा युवा वर्गकै पहिलो फर्ष्ट इन सेगमेन्ट एलईडी प्रोजेक्टर हेडलाइट, पूर्ण डिजिटल स्पिडोमिटर, आईथ्री स्टार्ट स्टप प्रणाली, ब्लुटुथ कनेक्टिभिटी, कल अलर्ट र टर्न-बाइ-टर्न नेभिगेसन सहित नयाँ शार्पर डिजाइन रहेको कम्पनीले जनाएको छ । कम्पनीका अनुसार नेपाली बजारमा माएस्ट्रो एज वभिन्न दुई कलर म्याट रातो र नीलोमा २ लाख १५ हजार रुपैयाँमा उपलब्ध हुनेछ । ‘ग्राहकलाई केन्द्रबिन्दुमा राखेर नेपालमा हामी ग्राहकलाई नवीनतम प्रविधि र डिजाइनसहितको बढी सान्दर्भिक उत्पादनहरु उपलब्ध गराउन प्रतिवद्ध छौं । नयाँ माएस्ट्रो एज ११० ले युवाहरुलाई उत्कृष्ट अनुभव प्रदान गर्ने हाम्रो प्रतिज्ञासँग मेल राख्छ । हामी नेपालमा अझ बढी रोमान्चक उत्पादनहरु भित्र्याई रहनेछौं र यहाँका ग्राहकलाई हिरो मोटोकर्पको विश्वस्तरीय उत्पादन तथा सेवाहरु उपलब्ध गराइ रहने छौं,’ हिरो मोटोकर्पका ग्लोबल बिजनेस प्रमुख सञ्जय भानले भने । आईथ्रीएस स्टार्ट स्टप सिस्टमले इन्धन बचत गर्न मद्दत गर्दछ भने ग्राहकको लागि बाहिरबाटै पेट्रोल हाल्ने व्यवस्था पनि रहेको कम्पनीले जनाएको छ । यो स्कुटरमा सिल्कर डिजाइन र वर्गमा पहिलो पटक शक्तिशाली एलईडस् हेड लाइट रहेको कम्पनीले जनाएको छ । यो स्कुटर बीएस४ अनुरुपको ११० सीसी इन्जिनद्धारा सञ्चालित छ, जसले ७५०० आरपीएममा ८ बीएचपीको शक्तिशाली उर्जा प्रदान गर्छ, जुन अधिकतम ५५०० आरपीएममा ८.७ एनएमको टर्क उत्पादन गर्न सक्षम छ । नेपालमा हिरो मोटोकर्पको एकमात्र वितरक नेपाल जनरल मार्केटिङ (एनजीएम) छ । यो कम्पनीले ७५ डिलर, ८७ सर्भिस सेन्टर, ९० स्पेयर पार्ट आउटलेटहरु सहित देशभरका ९० वटा बिक्री केन्द्र मार्फत आफ्ना ग्राहकहरुलाई सेवा प्रवाह गर्दै आएको छ ।
जावा मोटरसाइकल अब विरगन्जमा, जावा पेराक मोडल टेस्टराइड खुला
काठमाडौं । अग्नि ग्रुपको सहायक कम्पनी अग्नि मोटोइंक प्रालिले विरगन्जको प्रतिमा चोकमा नयाँ डिलर एसआर मोटोकर्प मार्फत मोटरसाइकलको शोरूम खोलेको छ । बिर्तामोड, धरान, इटहरी, विराटनगर, लहान, पोखरा, नारायणघाट, बुटवल, भैरहवा, नेपालगञ्ज र सुर्खेतपछि कम्पनीले विरगन्जमा पूर्ण सुसज्जित शोरूम स्थापना गरेको हो । एसआर मोटोकर्पका प्रबन्ध निर्देशक रविन्द्र श्रेष्ठले जावा, जावा फोर्टी–टु र फ्याक्ट्री निर्मित पहिलो बब्बर पेराक मोडलसहित जावा मोटरसाइकलका विभिन्न मोडल बुक गर्न तथा प्रतिमा चोक, विरगन्ज र वरिपरिका क्षेत्रमा ‘टेस्टराइड’का सक्ने बताए । “हाम्रो थातथलोमा क्लासिक लिजेन्ड्सका जावा मोटरसाइकल ल्याउन पाउँदा हाम्रा लागि गर्वका कुरा हो । हाम्रो विरगन्ज र यस वरिपरिका क्षेत्रमा मोटरसाइकल प्रेमीहरूका लागि यी क्लासिक मोटरसाइकलहरू उपलब्ध गराउन पाउँदा हामी निकै उत्साहित भएका छौं’ उनले भने । जावा एक प्रमाणित र प्रतिष्ठित ब्रान्ड हो । नयाँ जावाको पौराणिक क्लासिक अझै फेसनेबल लुक र यसको बलियो निर्माण सुविधाहरुले युवा पुस्ताले यो वाइक मन पराउने गरेका छन् । जावा चेक गणतन्त्र, पूर्व चेकोस्लोभाकियाको ९० वर्षको विरासत बोकेको एक लोकप्रिय मोटरसाइकल ब्रान्ड हो । यसको नेपालका लागि आधिकारिक बिक्रेता अग्नी ग्रुप हो ।
