चेरी कारको वितरकमा एसपिजी अटोमोबाइल्स नियुक्त, अब छिट्टै नेपाली बजारमा भित्र्याइने
काठमाडौं । विश्व चर्चित अटोमोबाइल ब्राण्ड चेरीले नेपाली बजारको लागि अधिकारिक वितरकको रुपमा शारदा ग्रुप अन्तर्गतको एसपिजी अटोमोबाईल्स प्रालिलाई नियुक्त गरेको छ । नेपाली बजारमा छिट्टै चेरी कार भित्र्याउन लागेको कम्पनीले वितरकमा उक्त अटोमोबाइल्सलाई नियुक्त गरेको हो । चेरी ब्राण्डको आधिकारिक बिक्रेता (एसपिजी अटोमोबाइल्स प्रा. लि.) अटोमोबाइल्स व्यवसाय क्षेत्रमा लामो समय देखिेको अनुभवी कम्पनी हो । यस दुई पक्षबीचको सहकार्यले स्थानीय बजारको साथै नेपाली अटोमोबाइल क्षेत्रको विकासमा टेवा पुग्नेमा कम्पनी विश्वस्त छ । नेपालमा दीर्घकालीन व्यापार रणनीतिको अनुशरण गर्दै चेरी ब्राण्ड इन्टरनेशनलले नयाँ उत्पादनको माध्यमबाट प्रतिस्पर्धात्मक वातावरण सिर्जना गर्न र बजारको मागलाई सम्बोधन गर्न मद्दत गर्नेछ । जनवरी ०८, १९९७ मा स्थापना भएको चेरी ब्राण्ड अटोमोबाइलस कम्पनीको उत्पादन लाइनबाट पहिलो कारले, १८ डिसेम्बर १९९९मा बजार प्रवेश गरेको हो । हाल चेरी ब्राण्डको वार्षिक ९ लाख कार, इन्जिन र ४ लाख ट्रान्समिसन उत्पादन क्षमता रहेको छ । चेरी ब्राण्डले पेसेन्जर, कमर्शियल सवारीसाधनको अतिरिक्त मिनी भ्यान पनि उत्पादन गर्दछ । चेरी ब्रान्डका एसेम्बल र पार्टपूर्जा उत्पादन गर्ने प्लान्ट चीन लगायत विश्वका १५ देश फैलिएको छ । हाल विश्व बजारमा चेरी ब्राण्डका २० भन्दा बढी मोडलहरु बिक्रि भैइरहेको छन् भने कम्पनीले सुरक्षा, ऊर्जा बचत, र वातावरण-अनुकूलतालाई ध्यानमा राखि भविष्यमा दर्जन भन्दा बढी मोडलहरु सार्वजनिक गर्ने योजना बनाएको छ । चेरी ब्राण्डले क्रमिक रूपमा आईएसओ ९००१ को गुणस्तर प्रमाणपत्र प्राप्त गरेको छ । यसका साथै कम्पनीले लगातार पाँच वर्षसम्म चीनमा ‘सर्वश्रेष्ठ विदेशी छवि उद्यम’ को सम्मानित उपाधि र उपकरण विनिर्माण उद्योगमा पहिलो स्थान हासिल गरको छ । “इन्डिपेन्डेन्ट इनोभेसन” चेरी ब्राण्ड मुख्य रणनीति रहेको छ । चेरी ब्राण्ड ले अत्याधुनिक र कोर प्रविधि जस्तै टीजीडीआई, डीभीभीटी, सीभीटी र नयाँ ऊर्जामा धेरै उपलब्धिहरू हासिल गरेको छ, जसले सबै चेरी उत्पादनलाई नयाँ पुस्तामा बढावा दिन्छ। चेरी ब्राण्डले आफ्नो स्थापनादेखि विश्वव्यापीकरण रणनीति लागू गरेको छ र चीनको पहिलो प्यासेन्जर कार कम्पनी बनेको छ र यसले पूरा गाडी, सीकेडी भाग, इन्जिन, विनिर्माण प्रविधि र उपकरणहरू विश्व बजारमा निर्यात गर्दछ । हालसम्म, चेरी ब्राण्ड ले ८० भन्दा बढी देश र क्षेत्रहरूमा निर्यात गरेको छ । यसले १.८ मिलियन भन्दा बढी संचित निर्यात मात्रा सहित १ हजार ५०० भन्दा बढी बिक्री तथा सेवा आउटलेटहरू स्थापना गरेको छ। यो एक पंक्तिमा १८ वर्षसम्म चीनमा पेसेन्जर गाडीको सबैभन्दा ठूलो निर्यातकर्ता रहेको छ । सन् २०१२ मा चेरी र जगुआर ल्यान्ड रोभर मोटर्सले संयुक्त रूपमा चेरी जगुआर ल्यान्ड रोभर मोटर्स कम्पनी लिमिटेडको स्थापनामा लगानी गरेको थियो यो चीनको पहिलो सिनो-ब्रिटिश संयुक्त उद्यम अटोमोबाइल कम्पनी हो । चेरीले ‘इन्डिपेन्डेन्ट इन्नोभेसन्, वर्ल्ड फर्स्ट क्लास्, सर्भिङ मेन्काइन्ड’ भन्ने आफ्नो उद्देश्यलाई निरन्तरता दिनेछ कडा परिश्रमलाई निरन्तरता दिइरहनेछन् र अन्तरराष्ट्रिय रूपमा प्रसिद्ध ब्रान्ड बन्ने आफ्नो चरण-द्वितीय लक्ष्य प्राप्त गर्न निरन्तर प्रयास गर्नेछन् ।
आकर्षक डिजाइनको हुन्डाई ‘आई २०’ नेपाली बजारमा, दुई अप्सनमा पाइने (मूल्यसहित)
काठमाडौं । नेपालको लागि हुन्डाईको आधिकारीक विक्रेता लक्ष्मी इन्टरकन्टिनेन्टल प्रालिले पछिल्लो उत्पादन अल न्यू हुन्डाई आई २० नेपाली बजारमा भित्र्याएको छ । हुन्डाई आई २० आकर्षक र उत्कृष्ट डिजाइनको लागि सुरु देखिनै परिचित मोडल हो । नयाँ जेनेरेशन मोडल यूरोपियन स्पेकबाट प्रेरित रहेर उत्पादन गरेकाले यसले बजारमा अलगै छाप छोड्ने निश्चित रहेको कम्पनीको दावी छ । नयाँ जेनेरेशन आई २० मा हुन्डाईको चर्चित र सफल कप्पा इन्जिन दिएको छ । उक्त इन्जिनले अधिकतम ६००० आरपीएममा ८३ पीएस पावर प्रदान गर्नेछ । उक्त इन्जिनमा म्यानुयल गियरबक्स दिइएको छ । निकै स्पोर्टी डिजाइनमा आएको नयाँ आई २० को बाहिरी आवरण निकै आकर्षक र सुन्दर देखिन्छ । प्रोजेक्टर हेडल्याम्प, जेड आकारको एलइडी टेल ल्याम्प, फ्लाईव्याक रियर ग्लाससहितको क्रोम बेल्टलाइन, स्लीक लुकिङ ग्लास, सार्क फिन एन्टेना, १६ इन्चको अलोय ह्वील जस्ता विशेषताले यसलाई सडकमा निकै विशिष्ठ बनाउने छ । व्ल्याक कलर इन्टेरियर, उत्कृष्ट सिट, फुल डिजिटल इन्ट्रमेन्ट क्लष्टर, ठूलो इन्फोटेन्टमेन्ट सिस्टम, मल्टी फङ्सनल स्टेरिङ ह्वील, आर्म रेष्ट जस्ता फिचरले आई २० लाई निकै विलासी र प्रिमियम गाडी बनाएको छ । विभिन्न ६ कलर भेरियन्टमा उपलब्ध नयाँ जेनेरेशन आई २० टाइफुन सिल्वर, टाइटन ग्रे, मेटालिक ग्रे, स्टार्री नाइट, पोलार ह्वाइट र फायरी रेडमा उपलब्ध रहने छ । यात्रु सुरक्षाको लागि आई २० मा हुन्डाईले धेरै फिचर प्रदान गरेको छ । ड्यूल एयरव्याग, एबीएस, इबीडी, आपतकालीन स्टप सिग्नल (इएसएस) र स्मार्ट पेडल जस्ता फिचर रहेका छन् । अतुलनिय ड्राइभिङ एक्स्पेरिएन्स, उत्कृष्ट पावर र पर्फमेन्स, एप्पल कार प्ले र एन्ड्रोइट अटो सपोर्ट गर्ने टच स्कृन इन्फोटेन्टमेन्ट सिस्टम, टायर प्रेसर मोनिटरिङ सिस्टम, रिअर आर्म रेस्ट, रियर एसी भेन्ट्सले चालक र यात्रु दुबैलाई मनोरञ्जन सहितको यात्रा प्रदान गर्नेछ । हुन्डाई आई २० म्याग्ना र स्पोर्त्ज अप्सनमा उपलब्ध हुने छ । म्याग्ना अप्सनको मूल्य ३६ लाख ९६ हजार र स्पोर्त्ज अप्सनको मूल्य ४१ लाख ९६ हजार रूपैयाँ तोकिएको छ । हुन्डाईको नयाँ जेनेरेशन आई २० लक्ष्मी इन्टरकन्टिनेन्टल प्रालिको देशभर रहेका १४ वटै शोरुमाबाट बिक्री सुरु भएको छ । बिक्रीपछिको सेवाको लागि १८ वटा सर्भिस सेन्टरहरु मार्फत ग्राहकलाई सेवा प्रदान गर्दै आएको छ । हुन्डाई मोटरका उत्पादन नेपालमा सर्वाधिक बिक्री हुने कम्पनीमा पर्छ भने विश्वकै ५ औं ठूलो अटोमोवाइल उत्पादक कम्पनी हो ।
ठिमीमा केटिएम र हस्कभाना बाइककाे नयाँ डिलरशिप शोरूम
काठमाडौं । नेपालमा केटिएम र हस्क्यभना बाइकको आधिकारिक वितरक हंसराज हुलासचन्द एण्ड कम्पनीले ठिमीमा आफ्नो १३ औं केटिएम र हस्कभना डिलरशिप शोरूम (टाइम्स अटो इन्टरप्राइजेज) खोलेको छ । यो शोरूमले धेरै ग्राहकहरुलाई आकर्षित गर्ने अपेक्षा गरिएको कम्पनीले जनाएकाे छ । हंसराज हुलासचन्दले सन् २०१२ मा केटिएम खरिद गरी नेपालमा ल्याएको थियो र अहिले यो ब्राण्ड देशमै सबैभन्दा मन पराइएकोे बाइक ब्राण्ड मध्ये एक हो । त्यस्तैगरी स्वीडिश ब्राण्ड हस्कभना सन् २०२० देखि बजारमा उपलब्ध छ । दुवै बाइक सबै केटिएक हस्क्युभर्ना शोरूमहरुमा उपलब्ध छन् । अहिलेको दिनसम्ममा केटिएम बाइकहरुले ३०० वटाभन्दा बढि विश्व च्याम्पियनसिप उपाधिहरु जितिसकेकाे छ ।
