फोटो फिचर

काठमाडौं । नेपालमा हाल भइरहेको समग्र निर्माण क्षेत्रको विकासमा टेवा पुर्याउने उद्देश्यले चौथो नेपाल बिल्डकन र उड अन्तर्राष्ट्रिय प्रदर्शनी, २०७४ शुक्रबारदेखि शुरू भएको छ । मिडिया स्पेश सोलुसन्स प्रालि र फ्युचर ट्रेड फियर एण्ड इभेन्ट्स प्रालिद्वारा संयुक्त रूपमा आयोजित सो प्रदर्शनी आइतबारसम्म चल्ने छ । भृकुटीमण्डपमा आयोजना गरिएको प्रदर्शनीमा विभिन्न देशका २२० भन्दा बढी निर्माण कम्पनी, डिलर, सवडिलर र बिक्रेताले निर्माण व्यवसाय तथा काष्ठ व्यवसायसँग सम्बन्धित उत्पादनका बारेमा जानकारी गराउने छन् । यहाँ विकास निर्माणका लागि आवश्यक डोजर, ट्रिपरलगायत राखिएको छ । त्यसैगरी, प्रदर्शनीमा घर बनाउन आवश्यक निर्माण तथा काठ क्षेत्रमा काम गरिरहेका नेपालका आर्किटेक्ट, इन्जिनियर, बिल्डर्स तथा इन्टिरियर डिजाइनरको समेत सहभागिता रहेको छ । प्रदर्शनीको उद्घाटन गर्दै उपप्रधानमन्त्री तथा ऊर्जामन्त्री कमल थापाले प्रदर्शनीले नेपालको आर्थिक विकासमा टेवा पुर्याउने विश्वास व्यक्त गरेका छन् । भारतलगायत अन्य मुलुकको विकासबाट नेपालले फाइदा लिन सक्नुपर्ने उनको भनाइ छ । नेपालका लागि भारतीय राजदूत मञ्जिभसिंह पुरीले भारतले सधैँभरि नेपालको आर्थिक, सामाजिक र सांस्कृतिक विकास चाहेको बताएका छन् । रासस

काठमाडौं । देह व्यापार, मुकुन्देको भाषण र फुटपाथ व्यापारसँग जोडिएको रत्नपार्कको पहिचान अहिले फेरिएको छ । ३ बर्ष पहिलेसम्म एकथरी मानिसहरु रत्नपार्कको नाम सुन्दा नाक खुम्च्याउथे तर आज रत्नपार्क जमघटको एउटा महत्वपुर्ण केन्द्र बन्न सफल भएको छ । पारिवारिक घुमघामका साथै प्रेमिल जोडीहरुका लागि रत्नपार्क एउटा सहज गन्तव्य बन्न सफल भएको छ । आजकल सर्वसाधारणका लागि टोलाउने स्थल मात्रै बनेको छैन् रत्नपार्क, काठमाडौं महानगरपालिकाका लागि आम्दानीको राम्रो श्रोत पनि बनिरहेको छ । २०७२ असार दोश्रो साताबाट रत्नपार्कमा सशुल्क प्रवेशको व्यवस्था गरिएको थियो । त्यसपछि रत्नपार्कमा दैनिक एक हजारदेखि १५ सय सर्वसाधारणले शुल्क तिरेरै भ्रमण गर्दै आएका छन् । हेर्दा अरु पार्कहरु भन्दा सरल र सामान्य किसिमको देखिएता पनि यहाँ घुम्न आउने मानिसहरुको कमी कहिल्यै देखिदैन । यहाँ साना बालबालिकादेखि वयस्क हुँदै बृद्धबृद्धाहरुलाई समेत देख्न सकिन्छ । रत्नपार्क प्रवेश शुल्क सर्वसाधारणका लागि २५ रुपैंयाँ तोकिएको छ । वृद्धवृद्धा, फरक क्षमता भएकाहरुले निःशुल्क प्रवेश पाउँछन् भने विद्यार्थीले १५ रुपैंया तिर्नुपर्छ । विदेशी पर्यटकहरुले ७५ रुपैंया शुल्क तिरेर रत्नपार्कको अवलोकन गर्न पाउने पार्ककी लेखापाल हिरा थापाले बताइन् । ७५ लाख लागतमा रत्नपार्कलाई व्यवस्थित बनाएको थियो । हाल दैनिक ५० हजारको हाराहारीमा आम्दानी गरिरहेको छ । रत्नपार्कमा बसेर जाडोमा घामको न्यानो लिन सकिन्छ भने गर्मी महिनामा शितल ताप्न सुबिधा उपलब्ध छ । बाह्रै महिना फुल फुल्ने रत्नपार्कले यतिबेला नयाँ पहिचान मात्रै बनाएको छैन, सर्वसाधारणका लागि शहरको केन्द्र भागमा रमणिय गन्तव्य पनि उपलब्ध गराएको छ । ‘रत्नपार्क भनेर नाक खुम्च्याउनेहरु पनि यतिबेला ओहो यो त राम्रो भएछ भन्दै टिकट काटेर घुम्न छिर्छन’, लेखापाल थापाले भनिन् । काठमाडौं महानगरपालिकाले रत्नपार्क जस्ता अन्य पार्कहरुलाई पनि थप व्यवस्थित गरेर सञ्चालनको तयारी गरिरहेको छ । त्यसले सर्वसाधारणलाई घुमफिर गन्तव्यका साथै महानगरलाई आम्दानीको श्रोत र शहरलाई सुन्दर एंव व्यवस्थित बनाउन पनि सहयोग गर्नेछ ।-प्रशिक्षार्थी

काठमाडौं । ग्लोबल आइएमई बैंकले आफ्नो थप ३ शाखारहित बैंकिङ्ग सेवा सञ्चालनमा ल्याएको छ । बैंकले हालै आफ्नो ६६औँ शाखा कपिलबस्तुको जगदिशपुरमा, ६७औँ शाखा नवलपरासीको झ्यालबास र हसौरामा ६८ औँ शाखारहित बैकिङ्ग सेवा सुरु गरेको हो । बैंकले कपिलबस्तुको जगदिशपुरमा खोलिएको शाखारहित बैंकिङ्ग सेवाको लागि स्थानिय जगदिश गुप्ता, नवलपरासीको झ्यालबासमा खोलिएको सेवाको लागि स्थानिय जुद्घबहादुर थापा र नवलपरासीको हसौरामा खोलिएको सेवाको लागि स्थानिय अमित भण्डारीलाई व्यवसायीक प्रतिनिधि नियुक्त गरेको छ । कृषि र रेमिट्यान्स मुख्य आयस्रोत रहेका यि क्षेत्रका बासिन्दा बैंकिङ्ग सेवा उपभोग गर्नका लागि टाढा-टाढासम्म पुग्नुपर्ने बाध्यतालाई मध्यनजर गरि बैंकले ति स्थानहरुमा शाखारहित बैंकिङ्ग सेवा सुरु गरेको हो । हाल बैंकको ११३ वटा शाखा, १२७ वटा एटिएम, ४ वटा एक्सटेन्सन काउण्टर, १४ वटा राजश्व संकलन काउण्टर सञ्चालनमा रहेका छन् । साथै, बैंकले आजबाट ६८ शाखा रहित बैंकिङ्ग सेवा माफर्त आफ्ना ग्राहकहरु माझ सेवा प्रदान गर्ने भएको छ ।