हिमालय एअरलाइन्सको चार्टर उडानकाे तालिका सार्वजनिक
काठमाडौं । हिमालय एअरलाइन्सले विदेशबाट नेपाली नागरिक ल्याउने चार्टर उडानको तालिका सार्वजनिक गरेको छ । एअरलाइन्सले सोमबार एक सूचना जारी गर्दै तालिका सार्वजनिक गरेको हो । एअरलाइन्सले जुन १६ मा श्रीलङ्काको कोलम्बो , माल्दिभ्सको मालेबाट नागरिक ल्याउने छ भने जुन १७ तारिख बंगलादेशको ढाका र सिंगापुर कम्कोडिायाबाट नेपालीलाई नागरिकलाई स्वदेश ल्याउने छ। यस्त्तै, जुन १८ तारिख मलेसिसयाको क्वालालम्पुर र साउदी अरयिबा दमामबाट ल्याउन जानकारी दिएको छ। जुन १९ तारिखमा पनि साउदीबाट ल्याउने दोस्रो उडान रहेको छ भने सोही दिन माल्दिभ्स मालेबाट पनि ल्याउने छ । यस्तै, जुन २० तारिखका दिन युएईको अबुधावी र बंगलादेशको ढाकाबाट पनि नेपाली नागरिक ल्याउने कार्यतालिका रहेको छ । एअरलाइन्सले ८५ प्रतिशत अकुपेन्सी भएमा मात्र चार्डर उडान हुने बताएको छ । एअरलाइन्सले काेलम्बाे र मालेकाे क्रमश: ३८० र १६५ अमेरिकी डलर, कम्कोडिाया र क्वालालम्पुर क्रमश: ५२० र ३७२ अमेरिकी डलर र दमाम र माल्दिभ्स क्रमश: ४६५ र ४८० अमेरीकी डलर ताेकिएकाे छ ।
हवाई उडान गर्ने समय फेरि लम्बियो, अब असार २१ गतेसम्म बन्द रहने
काठमाडौं। सरकारले आन्तरिक र अन्तर्राष्ट्रिय हवाई उडान असार २१ गतेसम्मका लागि बन्द गर्ने निर्णय गरेकाे छ । संस्कृति, पर्यटन तथा नागरिक उड्डयन मन्त्रालय स्राेतका अनुसार सरकारले असार २१ गतेसम्मका आन्तरिक तथा अन्तर्राष्ट्रिय उडान बन्लाद गरेकाे हाे । सरकारले ११ चैत २०७६ बाट लकडाउन घोषणा गरेपछि आन्तरिक तथा अन्तर्राष्ट्रियतर्फका नियमित उडान बन्द गरिएको थियो। यसअघि सरकराले १६ असारसम्म आन्तरिक तथा अन्तर्राष्ट्रिय उडानमा स्थगन गर्न निर्णय गरेको थियो। नियमित उडान बन्द भए पनि यात्रु उद्धार तथा चार्टड उडान भने विशेष अनुमति लिएर उडान गर्न पाउने जनाइएको । नेपालमा कोरोना संक्रमणको जोखिम बढ्कदै गएपछि उडान मिति लम्ब्याइएको बताइएकाे छ ।
होटलको क्वारेन्टिनमा बस्नेले डेढ लाख रुपैयाँसम्म तिर्नुपर्ने, कुन स्तरको होटलमा बस्न कति शुल्क ?
काठमाडाैं । सरकारले विदेशबाट उद्धार गरिने नेपालीहरुलाई होटलकाे क्वारेन्टाइन राख्ने तयारी गरेसँगै उनीहरुले शुल्क तिर्नु पर्ने छ । उनीहरुका लागि होटल संघले नेपालले शुल्क तोकेको छ । संघका अनुसार उनीहरुले आफूले चाहेको होटलमा बस्न सक्नेछन् तर तोके अनुसारको शुल्क पे गरेर मात्रै । विदेशबाट उद्धार गरिएकाहरुसँगै कोरोना नियन्त्रणमा अग्रपंक्तिमा खटिने स्वास्थ्यकर्मी लगायतलाई पनि राख्न होटल दिन सकिने होटल संघ नेपाल (हान) ले बताएको छ । सरकारले विभिन्न मुलुकमा अप्ठ्यारोमा परेका नेपालीहरुको उद्धारका लागि स्वदेश ल्याउने निर्णय गरिसकेको छ । अब उनीहरु नेपाल आउन पाउने छन् । उनीहरु नेपाल आएर विभिन्न होटलहरुको क्वारेन्टिनमा बस्नु पर्नेछ । यसरी उद्धार गरेकाहरुलाई केही दिन काठमाडौंको होटलहरुमा क्वारेन्टाइनमा राख्ने र परीक्षण गरेर मात्र सम्बन्धित स्थानीय तहमा पठाइनेछ । होटलमा राख्नुपूर्व स्वास्थ्य चेकजाँच गरी संक्रमण नभएको यकिन हुने प्रमाणपत्र चाहिने उसको पहिलो शर्त छ । क्वारेन्टाइनमा बसेकाहरुको प्रत्येक दिन स्वास्थ्य जाँच हुनुपर्ने, होटल सञ्चालनका लागि कानुनी अनिवार्य शर्तका रुपमा तोकिएको अन्तर्राष्ट्रिय स्तरका मापदण्डमा कुनै क्षति नहुने ग्यारेन्टी गर्नुपर्ने र कर्मचारी तथा छिमेकमा रहेका स्थानीय समुदायलाई कोरोना संक्रमणबाट बचाउन स्वास्थ्यकर्मी तथा सुरक्षाकर्मीको रोहबरमा होटल सञ्चालन हुनुपर्ने होटल संघ नेपालले पर्यटन विभागमा बुझाइएको प्रस्तावमा उल्लेख छ । क्वारेन्टिनमा बस्नेहरुका लागि हानले भाडादर पनि तोकेको छ । होटल एशोसिएसन अफ नेपालले ३ वटा पाँच चारतारे, ९ वटा तीनतारे, दुईवटा दुईतार, एउटा एकतारे डिलक्स होटल, ५ वटा एकतारे र २७ वटा पर्यटक स्तरका होटलहरुमा उनीहरुलाई राख्ने बताएको छ । दैनिक २ हजारदेखि ११ हजारसम्म शुल्क हानले न्यूनतम २ हजार रुपैयाँदेखि अधिकतम ११ हजार रुपैयाँसम्ममा कोठा दिन सकिने बताएको छ । एउटा कोठामा दुई जना बसेको अवस्थामा भने ३५ सयदेखि ११ हजारसम्म लाग्नेछ भने एक्लै बस्दा २ हजार रुपैयाँदेखि ८ हजारसम्म तिर्नु पर्ने छ । उनीहरुले अब ४ तारे होटलमा प्रतिदिन व्यक्तिगत र दम्पत्तिका लागि क्रमशः ८ हजार र ११ हजार रुपैंया, तीन तारेमा लागि ६ हजार र १० हजार, दुई तारेका लागि ५ हजार र ७ हजार, एकतारेका लागि ४ हजार र ५ हजार तथा पर्यटक मापदण्डका होटलका लागि प्रतिदिन २ हजार र ३५ सय रुपैंया शुल्क तिर्नु पर्नेछ । हानका महासचिव साजन शाक्यका अनुसार क्वारेन्टिनमा बस्नेहरुका लगि यो शुल्क अन्य समयको भन्दा सस्तो नै हो । हानले क्वारेन्टाइन अवधिभरि उपलब्ध गराइने छाक पौष्टिक खाना र आवश्यक पर्ने सबै खाले आधारभूत सेवासुविधाका लागि पर्ने रकम पनि प्रस्ताव गरेको छ । होटेल संघ नेपाल (हान)का अनुसार पाँचतारे होटलमा प्रतिव्यक्ति दैनिक लागत न्यूनतम ८ हजारदेखि ११ हजारसम्म लाग्नेछ । यसमा दैनिक ४ छाक खाना, खाजासमेत पर्नेछ । ‘यो मूल्यले पनि हामीलाई नाफा हुँदैन, हामीले व्यापार गर्न खोजेको पनि होइन, उनले भने, ‘सञ्चालन खर्च मात्र उठे मात्र पनि हुने गरी मूल्य तोकिएको हो ।’ होटललाई क्वारेन्टाइनको रुपमा उपयोग गरी सञ्चालन गर्ने क्रममा व्यवस्थापन तथा समन्वयका लागि होटल संघ नेपालका प्रतिनिधिसमेत रहने गरी सम्बन्धित सरकारी निकाय संलग्न समिति गठन हुनुपर्ने हानले उल्लेख गरेको छ । साथै कर्मचारीहरुको उपलब्धता, भौतिक संरचना र उपकरणहरु संचालनलाई ध्यानमा राखेर क्वारेन्टाइनका लागि होटल दिने नदिने निर्णय प्रत्येक सदस्य प्रतिष्ठानले लिनसक्ने समेत हानले उल्लेख गरेको छ १४ दिनमा डेढ लाख तिर्नुपर्ने विदेशबाट आएकाहरुले कम्तिमा १४ दिन क्वारेन्टिनमा बस्नुपर्ने मापदण्ड छ । उक्त शुल्क अनुसार एउटा व्यक्तिले १४ दिनको क्वारेन्टिन समयावधिमा २८ हजार रुपैंयाँदेखि डेढलाखसम्म तिर्नु पर्नेहुन्छ । उनीहरुले प्रतिदिन पाँचतारे होटलमा बस्दा ११ हजार रुपैयाँ तिर्नुपर्ने हुन्छ भने १४ दिन बस्दा १ लाख ५४ हजार रुपैयाँ तिर्नुपर्ने हुन्छ । यस्तै चार तारे होटलमा बस्ने दम्पत्तीले १ लाख ४० हजार तिर्नु पर्नेहुन्छ भने एक व्यक्तिले १ लाख १२ हजार रुपैयाँ तिर्नु पर्ने हुन्छ ।
