एजेन्सी । आईफोन निर्माता एप्पल इंकको नाफा ३० प्रतिशत बढेको छ । एप्पलको नाफा बढेर ११ अर्ब ५० करोड डलर पुगेको छ । यो हालसम्मको सर्वाधिक नाफा हो । प्रक्षेपण भन्दा आईफोनको बिक्रीमा केही कमी आएपनि कम्पनीले नाफा बढाएको छ । एप्पलको आम्दानी १७ प्रतितश बढेर ५३ अर्ब ३० करोड डलर पुगेको भारतको फाइनान्सियल एक्सप्रेसले बताएको छ । “नाफाबाट हामी अति उत्साहित भएका छौ । चौथो त्रैमाशमा आम्दानी दोहोर अंकमा पुग्ने छ” एप्पलका प्रमुख कार्यकारी अधिकृत (सीईओ) टिमी कुकले भने । एप्पले गत जुनको वित्तीय विवरण मंगलबार सार्वजनिक गरेको हो । गत जुनसम्म एप्पलले ४१ करोड ३० लाख थान आईफोन बिक्री गरेको छ । नाफामा वृद्धि भएपछि अमेरिकाको सिलिकन भ्यालीमा रहेको प्रविधि कम्पनी एप्पलको सेयर मूल्य ४ प्रतिशत बढेर १९८ डलर पुगेको छ । एप्पलको नाफा बढेपछि सेयर लगानीकर्ता खुसी भएका छन् । यसले अर्बौ डलर बजार मूल्य बढाएको छ । अमेरिका र चीनबीचको जारी व्यापार युद्धले एप्पलका उत्पादन बिक्रीमा खासै फरक नपर्ने सीईओ कुकको भनाई छ । चीनको स्मार्टफोन उत्पादकले हुवावेले पनि एप्पलसंग टक्कर गरिरहेको छ । दक्षिण कोरियाको टिटान सामसुङ अझै पनि धेरै स्मार्टफोन बिक्री गर्नेमा परेको छ । उसले ७१ करोड ७५ थान सेट बिक्रीका लागि बजारमा गइसकेका छन् । हुवावे दोस्रो ५४ करोड २० लाख थान बिक्रीका लागि सिपमेन्ट भएको मोवाइल ट्रयाकर आईडीसीले जनाएको छ । विश्व मोवाइल बजारमा सामसुङको २०.९, हुवावेको १५.८ र १२.१ प्रतिशत आईफोनको बजार हिस्सा रहेको छ ।

काठमाडौं । पुँजी बढाउन ५० प्रतिशत हकप्रद सेयर निष्कासन गर्ने भएपछि नेपाल क्रेडिट एन्ड कमर्श (एनसीसी) बैंकको सेयर मूल्य समायोजन भएको छ । नेपाल स्टक एक्सचेन्ज लिमिटेड (नेप्से) बैंकको सेयर मूल्य २६५ रुपैयाँबाट घटाएर १८७ रुपैयाँ कायम गरेको छ । सेयर कारोबार घटेर प्रतिकित्ता १८२ रुपैयाँमा झरेको छ । बैंकले चुक्तापुँजी बढाउन २ अर्ब ३३ करोड ९५ लाख २९ हजार १०० रुपैयाँ बराबरको २ करोड ३३ लाख ९५ हजार २९१ कित्ता हकप्रद सेयर निष्कासन गर्न लागेको हो । हकप्रद निष्कासन असोज ७ गतेसम्म हुने निष्कासन हुने छ ।

एजेन्सी । सामाजिक सञ्जाल फेसवुक इंकको सेयर मूल्य घटेपछि लगानीकर्ताले एकैदिन १ अर्ब ५१ करोड अमेरिकी डलर गुमाएका छन् । फेसबुकको सेयर मूल्य धेरै घटेर अमेरिकाको पुँजी बजारमा ऐतिहासिक रेकर्ड कायम भएको छ । फेसबुकको सेयर मूल्य घटेपनि बजार पुँजीकरण भारतका मूल्यवान टीसीएस र रिलायन्स इन्डष्ट्रिजको भन्दा बढी रहेको छ । टीसीएस आईटी कम्पनीको बजार पुँजीकरण बढेर १ खर्ब डलर पुगेको फाइनान्सियल एक्सप्रेसले जनाएको छ । यस्तै रिलायन्सले टीसीएसलाई पिछा गरिरहेको छ । बुधबार फेसबुकको बजार पुँजीकरण ६ खर्ब २९ अर्ब डलर थियो । बजार घटेपछि मार्क जुकरवर्गको एकै दिन १७ अर्ब डलर गुमेको छ । ठुलो रकम गुमाएपछि ब्लुमवर्ग अर्बपति सुची ३ बाट छैठौं स्थानमा झरेका छन् ।

काठमाडौं । मंगलबारको नेप्से परिसूचक सामान्य अंकले उकालो लागेको छ । सोमबार दोहोरो अंकले उकालो लागेको बजार मंगलबार सामान्य ४.७७ अंकले बढेर ११९९.२७ अंकमा पुगेको छ । अघिल्लो दिनको तुलनामा सेयर बजार ०.४० प्रतिशतले बढेको छ । कारोबार खुलेदेखि उकालो लाग्ने क्रममा रहेको बजार १२१२ अंकमा पुगेर ओरालो लागेको छ । अन्तत कारोबार बन्द हुँदा परिसूचक ११९९.२७ अंकमा अडेको छ । दिनभरको कारोबारमा १६० कम्पनीको ११ लाख ८९ हजार कित्ता सेयर २९ करोड ४१ लाख रुपैयाँमा किनबेच भएको छ । सबैभन्दा बढी नबिल बैंकको सेयर कारोबार भएको छ । यस बैंकको एक करोड ८८ लाख रुपैयाँ बराबरको सेयर किनबेच भएको छ । त्यस्तै, नेपाल दुरसञ्चार कम्पनी, नेपाल बैंक र नेपाल इन्भेष्टमेन्ट बैंकको पनि एक करोड रुपैयाँ बढीको सेयर कारोबार भएको छ । सामान्य अंकले बढेको बजारमा दुई कम्पनीको सेयर मूल्य ९ प्रतिशत बढीले वृद्धि भएको छ । नयाँ नेपाल लघुवित्त विकास बैंक र भार्गव विकास बैंकका लगानीकर्ताले एकैदिन क्रमशः ९.९९ र ९.६० प्रतिशत कमाएका छन् । भार्गव विकास बैंकले सेयरधनीलाई बोनस सेयर दिने घोषणा गरेपछि लगानीकर्ता यस कम्पनीमा आकर्षित भएका हुन् । कम्पनीले ५.८४ प्रतिशत लाभांश दिने घोषणा गरेको छ । मंगलबार यस कम्पनीको सेयर मूल्य प्रतिकित्ता १३७ प्रतिशत रहेको छ । बजारमा सबैभन्दा बढी बेष्ट फाइनान्सका लगानीकर्ताले १० प्रतिशत गुमाएका छन् । त्यसैगरी, प्रोगेसिभ फाइनान्सका लगानीकर्ताले एकैदिन ९.८५९ प्रतिशत गुमाएका छन् । मंगलबार कारोबार आएका दुई समूह बाहेक बाँकी समूह हरिया भएका छन् । सबैभन्दा बढी होटल समूहको परिसूचक ४९ अंकले उकालो लागेको छ । त्यसैगरी, जिवन बीमा समूह २० र निर्जीवन बीमा समूहको परिसूचक १९ अंकले बढेको छ । उता उत्पादनमूलक र माइक्रोफाइनान्स समूह क्रमशः १९ र ०.७ अंकले राताम्मे भएका छन् ।

एजेन्सी । अलिबाबा ग्रुपका संस्थापक ज्याकमालाई पछि पार्दै भारतका पेट्रोकेमिकल्स र टेलिकम व्यवसायी मुकेश अम्बानी एसियाको सबैभन्दा धनी व्यक्ति भएका छन् । रिलायन्स इन्डष्ट्रिज लिमिटेडको सेयर मूल्य बढेपछि उनी एसियाको धनीमा सुचिकृत भएका हुन् । शुक्रबार रिलायन्सको सेयर मूल्य १.६ प्रतिशत बढेर प्रतिकित्ता १ हजार ९९ भारु पुगेको छ । साेही दिन उनकाे कुल सम्पत्ति ४४ अर्ब ३० करोड डलर पुगेको छ । ब्लुम्बर्ग बिलिनियर इन्डिेक्सका अनुसार अलिबाबाका ज्याकमाको सम्पत्ति ४४ अर्ब डलर मात्र छ । ज्याकमालाई एसियाको धनी हुन रिलायन्सको ई कमर्शले रोकेको भारतको फाइनान्सियल एक्सप्रेसले आफनो अनलाइन संस्करणमा लेखेको छ । फाइनान्सियल एक्प्रेसकाअनुसार यो वर्ष अम्बानीले ४ अर्ब डलर सम्पत्ति बढाएका छन् । ज्याकमाको यो वर्ष सम्पत्ति १ अर्ब ४० करोड डलर घटेको छ । रिलायन्सले पेट्रोकेमिकल्सलको क्षमता दोब्बर बढाएको छ । मुकेसले मोवाइल सेवा कम्पनी जिओ इन्फोकम लिमिटेड पनि सञ्चालनमा ल्याएका छन् । धनाढ्य अम्बानीले अघिल्लो महिना मोबाइल सेवाको ग्राहक बढाएर २१ करोड ५० लाख पुर्याउने योजना सर्वाजनिक गरेका थिए । धिरुभाई अम्बानीको निधनपछि मुकेश र भाइ अनिल सन् २००५ मा छुट्टिएका थिए ।

काठमाडौं । नेपाल बैंंक लिमिटेडको सेयर मूल्य २८० रुपैयाँमा झरेको छ । बिहीबार यस बैंकको २८९ कित्ता सेयर प्रतिकित्ता २८० रुपैयाँमा कारोबार भएको छ । उक्त सेयर किनबेचको दुबै काम ब्रोकर नम्बर ५८ ले गरेको छ । बिहीबार नेपाल बैंकको अधिकांश कारोबार २८१ रुपैयाँमा भएको छ । अन्तिम कारोबार पनि २८१ रुपैयाँमा नै भएको छ । बैंकले प्रतिकित्ता २८० रुपैयाँमा थप सार्वजनिक निष्कासन (एफपीओ) गर्दा पर्याप्त आवेदन नपरेको बेलामा दोस्रो बजारमा पनि २८० रुपैयाँमा नै कारोबार भएको छ । एफपीओ बाँडफाँड पूर्व नै यस बैंकको सेयर मूल्य २७९ भन्दा तल आउने संकेत देखिएपछि उक्त बैंकको एफपीओ माग गर्दै आवेदन गर्ने १२ हजार २५८ जना लगानीकर्ता तनावमा परेका छन् । व्याजसहित हिसाव गर्दा लगानीकर्ता आजै नोक्सानमा परेका छन् । विगत तीन महिना यता बैंककाे सेयर मूल्यमा निरन्तर  गिरावट देखिएकाे छ । ८० वर्ष पुरानाे नेपाल बैंकले अहिलेसम्म सेयरधनीलार्इ एक पटक मात्र लाभांश बाँढेकाे पुराना लगानीकर्ता बताउँछन् । बैंकले प्रतिसेयर १०० रुपैयाँ अंकित मूल्यमा १८० रुपैयाँ प्रिमियम थपेर प्रतिकित्ता २८० रुपैयाँका दरले १ करोड ७६ लाख ८४ हजार ८५८ कित्ता एफपीओ निष्कासन गरेको छ । सेयर निष्काशन तथा बिक्री प्रबन्धक सिद्धार्थ क्यापिटलका अनुसार आजसम्म १३ लाख १ हजार ९९० कित्ता सेयरको लागि मात्र आवेदन परेको छ ।

काठमाडौं । बिहीबार स्वरोजगार लघुवित्त विकास बैंक लिमिटेडको सेयर मूल्य समायोजन भएको छ । नेपाल स्टक एक्स्चेञ्ज(नेप्से)ले कम्पनीको १०० प्रतिशत हकप्रद पछिको मूल्य समायोजन गरेको हो । समायोजन पश्चात कम्पनीको सेयर मूल्य ८६५.५ रुपैयाँ भएको छ । जसको आधार मूल्य प्रतिकित्ता १३३१.७५ रुपैयाँ रहेको थियो । काभ्रेको बनेपामा केन्द्रिय कार्यालयमा यस कम्पनीको चुक्ता पुँजी २४ करोड ४९ लाख रुपैयाँ रहेको छ ।

काठमाडौं । आइतबार नेशनल लाइफ इन्स्योरेन्स कम्पनीको सेयर मूल्य समायोजन गरेको छ । नेपाल स्टक एक्स्चेञ्ज(नेप्से)ले कम्पनीको ६० प्रतिशत हकप्रद पछिको सेयर मूल्य समायोजन गरेको हो । समायोजन पश्चात कम्पनीको सेयर मूल्य प्रतिकित्ता ७९६ रुपैयाँ रहेको छ । जसको आधार मूल्य प्रतिकित्ता १३९२ रुपैयाँ रहेको थियो । लाजिम्पाटमा केन्द्रिय कार्यालय रहेको यस कम्पनीको चुक्ता पुँजी २ अर्ब ६४ करोड रुपैयाँ रहेको छ ।

काठमाडौं । वेष्ट्रन डेभलपमेन्ट बैंकको १७.४१३ प्रतिशत बोनस पछिको सेयर मूल्य समायोजन भएको छ । नेप्सेले बुधबार नमस्ते वित्तीय संस्थासँग मर्ज भर्इ वेष्ट्रन डेभलपमेन्ट बैंककाे नामबाट काराेबार गरिरहेकाे यस कम्पनीकाे मूल्यमा समायोजन गरेको हो । समायोजन पश्चात कम्पनीको सेयर मूल्य प्रतिकित्ता २७० रुपैयाँ रहेको छ । जसको आधार मूल्य प्रतिकित्ता ३०० रुपैयाँ रहेको थियो ।

काठमाडौं । शुक्रबार मेघा बैंक नेपाल लिमिटेडको सेयर मूल्य समायोजन भएको छ । नेप्सेले बैंकको १०.७५३९ प्रतिशत बोनस सेयर पछिको मूल्य समायोजन गरेको हो । समायोजन पश्चात बैंकको सेयर मूल्य प्रतिकित्ता १५७.११ रुपैयाँ रहेको छ । जसको आधार मूल्य प्रतिकित्ता २५५.४३ रुपैयाँ रहेको थियो ।

काठमाडौं । मंगलबारको सेयर बजार १२०० अंकबाट तल झरेको छ । सो दिनको नेप्से परिसूचक १५.२९ अंकले घटेर ११९४.८० अंकमा अडिएको छ । बजार खुलेदेखि ओरालो लागेको बजारमा कारोबार रकममा भने केही वृद्धि भएको छ । सोमबार १८ करोडको कारोबार भएको बजारमा आज भने २३ करोडको सेयर किनबेच भएको छ । जुन रकम अघिल्लो दिनको तुलनामा ५ करोड रुपैयाँ बढी हो । बजारमा कुल १६० कम्पनीको सेयर किनबेच भएको छ । सोमध्ये ९ कम्पनीका लगानीकर्ताले कमाएका छन् भने बाँकी १५१ कम्पनीकाले गुमाएका छन् । सबैभन्दा बढी आरम्भ माइक्रोफाइनान्स वित्तीय संस्थाको सेयर मूल्य ४.७९ प्रतिशतले बढेको छ । त्यस्तै, सबैभन्दा बढी सप्तकोशी डेभलपमेन्ट बैंकको सेयर मूल्य ७.३७ प्रतिशतले घटेको छ । मंगलबार कारोबारमा आएका सबै समूह राताम्मे भएका छन् । सबैभन्दा बढी बीमा समूहको सूचक ७८ अंकले घटेको छ । साे दिन कमाउने ९ कम्पनीः मंगलबार काराेबारमा अाएका यी कम्पनीका बाहेक बाँकी १५१ कम्पनीका लगानीकर्ताले गुमाएका छन् ।

काठमाडौं । मंगलबार समता माइक्रोफाइनान्स वित्तीय संस्थाको सेयर मूल्य समायोजन भएको छ । नेपाल स्टक एक्स्चेञ्ज(नेप्से)ले संस्थाको ५० प्रतिशत हकप्रद पछि मूल्य समायोजन गरेको हो । समायोजन पश्चात संस्थाको सेयर मूल्य प्रतिकित्ता १४०१ रुपैयाँ रहेको छ । जसको आधार मूल्य प्रतिकित्ता ८४५ रुपैयाँ रहेको थियो । हाल संस्थाको चुक्ता पुँजी ५ करोड ६८ लाख रुपैयाँ रहेको छ ।

काठमाडौं । आइतबार बैंक अफ काठमाण्डू लुम्बिनी लिमिटेडको सेयर मूल्य समायोजन भएको छ । नेपाल स्टक एक्स्चेञ्ज(नेप्से)ले बैंकको १३.२५ प्रतिशत बोनस सेयर पछिको मूल्य समायोजन गरेको हो । समायोजन पश्चात कम्पनीको सेयर मूल्य प्रतिकित्ता २७३.७३ रुपैयाँ रहेको छ । जसको आधारमूल्य प्रतिकित्ता ३६८.३७ रुपैयाँ रहेको थियो ।

काठमाडौं । मंगलबार राधी विद्युत कम्पनीको सेयर मूल्य समायोजन भएको छ । नेप्सेले कम्पनीको १० प्रतिशत बोनस पछिको सेयर मूल्य समायोजन गरेको हो । समायोजन पश्चात कम्पनीको सेयर मूल्य प्रतिकित्ता २६१.८२ रुपैयाँ रहेको छ । जसको अधार मूल्य प्रतिकित्ता १८० रुपैयाँ रहेको थियो ।

काठमाडौं । नेपाल बैंकको सेयर मूल्यमा निरन्तर गिरावट आएको छ । आइतबार बैंकको सेयर मूल्य १४ रुपैयाँ घटेर प्रतिकित्ता ३०० रुपैयाँमा कारोबार भएको छ । आइतबार बैंकको १ करोड ३४ लाख रुपैयाँ बराबरको सेयर किनबेच भएको छ । बैंकले धितोपत्र बोर्डबाट प्रतिकित्ता २८० रुपैयाँमा थप निष्कासन (एफपीओ) ल्याउने स्वीकृति पाएको छ । बैंकको प्रतिसेयर १०० रुपैयाँ अंकित मूल्यमा १८० रुपैयाँ प्रिमियम थपेर एफपीओ निष्कासन हुनेछ । एफपीओबाट बैंकले ४ अर्ब ९५ करोड १७ लाख रुपैयाँ संकलन गर्नेछ । एफपीओ निष्कासनको हल्ला चलेपछि बैंकको सेयर मूल्यमा निरन्तर गिरावट आएको छ । बजार मूल्य भन्दा एफपीओ २० रुपैयाँ कम छ । घटदो क्रम नरोकिए केही दिनभित्र सेयर मूल्य एफपीओको हारहारीमा आउने छ । साधारण सेयर भन्दा एफपीओ मूल्य बढी भएमा बिक्री नहुने जोखिम रहन्छ । यद्यपी १०० प्रतिशत एफपीओको प्रत्याभूति (अण्डरराइटिङ) भएकाले बाँकी मर्चेन्ट बैंकरले सकार्ने छन् । पछिल्लो समयमा सेयर मूल्य घट्दै गएपछि पुरै एफपीओ खरिदका लागि आवेदन पर्न छाडेको छ । बजारले बैंकलाई कसरी हेर्छ त्यसमा निर्भर रहने नेपाल बैंकका महाप्रवन्धक दुर्गाराज रेग्मी बताउछन् । विकास न्युजसंग कुरा गर्दै सार्वजनिक निष्कासन बजारले कस्तो रिस्पन्स दिन्छ हेर्न बाँकी रहेको बताए । इक्रा नेपालले बैंकलाई ३ प्लस रेटिङ दिएको उनले सुनाए । आईपीओको विवरणपत्रको काम सुरु भएको उनले जानकारी दिए । बैंकको एफपीओ निष्कासन तथा बिक्री प्रवन्धकमा सिद्धार्थ क्यापिटल लिमिटेड नियुक्त भएको छ । मर्चेन्ट बैंकरले ४ अर्ब ९५ करोड १७ लाख रुपैयाँको अण्डरराइटिङ गरेका छन् । बैंकले पुँजीगत आधार अझ मजवुत बनाउन बैंकले प्रिमियम मूल्यमा बैंकले १ करोड करोड ७६ लाख ८४ हजार ८५८ कित्ता एफपीओ निष्कासन गर्न लागेको हो । एफपीओ निष्कासनपछि चुक्तापुँजी बढेर ९ अर्ब ८१ करोड ११ लाख रुपैयाँ पुग्ने छ । एफपीओबाट ४ अर्ब ९५ करोड १७ लाख रुपैयाँ प्राप्त हुने छ । १ अर्ब ७६ करोड ८४ लाख रुपैयाँ चुक्तापुँजीमा र बाँकी संचित कोषमा जम्मा हुनेछ । संचित कोषबाट लगानीकर्ताले वर्षेनी लाभांश पाउने छन् । बैंकको चुक्तापुँजी ८ अर्ब ४ करोड रुपैयाँ छ । बैंकमा सरकारको ६२.२१ प्रतिशत र सर्वसाधारणको ३७.७९ प्रतिशत स्वामित्व छ । एफपीओ निष्कासनपछि बैंकमा सरकारी स्वामित्व ६२.२१ बाट घटेर ५१ प्रतिशत कायम हुने छ । यस्तै सर्वसाधारणको ४९ प्रतिशत हिस्सा रहने छ । यसमध्ये एफपीओबाट प्रवेश गर्नेको स्वामित्व १७ प्रतिशत हुनेछ । बैंकले ९ महिनामा २ अर्ब ५६ करोड रुपैयाँ खुदनाफा गरेको छ ।  

काठमाडौं । सेयर बजार निरन्तर घट्दै गएपछि वाणिज्य बैंकको सेयर मूल्य साधारणको दर (आईपीओ) को हारहारीमा आइपुग्न लागेको छ ।पछिल्लो समयमा ४ वटा वाणिज्य बैंकको सेयर मूल्य अंकित मूल्य नजिक आइपुगेका छन् । बजार केही दिन घटेमा सिभिल बैंक, सेन्चुरी कमर्शियल बैंक, जनता बैंक र मेगा बैंकको सेयर मूल्य प्रतिकित्ता १०० रुपैयाँ हारहारीमा आउने देखिएको छ । सबैभन्दा सस्तो सेयर सिभिल बैंकको छ । सिभिलको सेयर प्रतिकित्ता १५१, जनताको १५९ र सेन्चुरीको १७० र मेगाको १७५ रुपैयाँमा झरेको छ । केही साताअघि मात्र कारोबार खुलेको मेगाको सेयर मूल्य प्रतिकित्ता २२८ मा कारोबार भएकोमा घट्दै गएको हो । सबैभन्दा बढी सेयर मूल्य नविल बैंकको छ । नविलको प्रतिकित्ता ९५५ रुपैयाँमा कारोबार भएको छ । स्ट्याडर्ड चाटर्ड बैंकको मूल्य प्रतिकित्ता ७७५ रुपैयाँ छ । वाणिज्य बैंकको सेयर मूल्य १००० भन्दा तल छ । अधिकाँश बैंकको सेयर मूल्य न्युनतम २०० देखि अधिकतम ५०० रुपैयाँसम्म छ ।८ अर्ब रुपैयाँ पुँजी भएका बैंकको सेयर मूल्य धेरै कम छ । करोडमा पुँजी भएका लघुवित्तीय संस्था, बीमा कम्पनीको सेयर मूल्य बढी छ । कृषि विकास बैंकको प्रतिकित्ता ३२३, एनआईसी एसिया बैंकको ३२२, नेपाल एसबीआई बैंकको ५०५, नेपाल इन्भेष्टमेन्ट बैंकको ६२८, नेपाल क्रेडिट एन्ड कमर्श बैंकको २४३, नेपाल बैंकको ३१३, नेपाल बंगलादेश बैंकको २१४, माछापुच्छ्रे बैंकको २१६, लक्ष्मी बैंकको २६७, कुमारी बैंकको २१६ र हिमालयन बैंकको ५६० रुपैयाँ रहेको छ । यस्तै ग्लोबल आईएमई बैंकको ३००, एभरेष्ट बैंकको ६८६, सिटिजन्स बैंकको २५०, बैंक अफ काठमाण्डुको ३१०, एनएमबी बैंकको ३७१, प्रभु बैंकको २०५, प्राइम कमर्शियल बैंकको २९४, सानिमा बैंकको ३३३, सिद्धार्थ बैंकको ३१३ र सनराइज बैंकको २२५ रुपैयाँमा झरेको छ ।  

काठमाडौं । पोखरा फाइनान्स लिमिटेडको ८.२६ प्रतिशत बोनस पश्चात कम्पनीको सेयर मूल्य समायोजन भएको छ । नेपाल स्टक एक्स्चेञ्ज(नेप्से)ले आइतबार कम्पनीको सो मात्राको बोनस पछिको मूल्य समायोजन गरेको हो । समायोजन पश्चात कम्पनीको सेयर मूल्य प्रतिकित्ता १३५ रुपैयाँ रहेको छ । जसको आधार मूल्य प्रतिकित्ता १८९.८९ रुपैयाँ रहेको थियो । आइतबार १ः३० सम्म कम्पनीको सेयर प्रतिकित्ता १३२ देखि १३६ रुपैयाँको हाराहारीमा किनबेच भएको छ ।

काठमाडौं । थप निष्कासन (एफपीओ) को मूल्य तय भएपछि नेपाल बैंकको सेयर मूल्य निरन्तर गिरावट आएको छ ।बैंकको सेयर मूल्य घटेर प्रतिकित्ता ३१७ रुपैयाँमा झरेको छ । सेयर मूल्य घट्दै गएपछि बैंकको एफपीओ पनि बिक्री नहुने संभावना बढेको हो । बैंकको एफपीओको मूल्य प्रतिकित्ता २८० रुपैयाँ निर्धारण गरिएको छ । कारोबार रकम भन्दा कम मूल्यमा एफपीओ पाउने भएपछि लगानीकर्ताले धमाधम बैंकको सेयर बेच्न थालेका कारण मूल्यमा निरन्तर गिरावट आएको हो । बढी मूल्यको सेयर बिक्री गरेर सस्तोमा एफपीओ किन्नका लागि अहिले कारोबार बढी हुने गरेको छ । अहिले किन्ने भन्दा बेच्ने बढी भएपछि यसको असर बैंकको सेयर मूल्यमा परेको हो । आइतबार बैंकको सेयर प्रतिकित्ता ३१७ मा २ करोड ७४ लाख रुपैयाँको कारोबार भएको छ । नेपाल स्टक एक्सचेन्ज लिमिटेडमा कारोबार भएको मध्ये दोस्रो बढी रकम हो । गत चैत १२ गते घटेर २९४ रुपैयाँमा झरेको नेपाल बैंकको सेयर त्यसपछि निरन्तर बढेर प्रतिकित्ता ३५४ रुपैयाँ सम्म पुगेको थियो । एफपीओको मूल्य सस्तो भएकाले अझ घट्ने लगानीकर्ताको भनाई छ । बैंकको सेयर घट्नुमा एफपीओको मूल्य मुल कारण भएको एक ब्रोकरले बताए । “२८० रुपैयाँमा एफपीओ पाउने भएपछि कसले महंगोमा सेयर किन्छ ?” ती ब्रोकरले भने । पछिल्लो समयमा बैंकको सेयर कारोबार बढी हुदै आएको छ । बैंकले पुँजीगत आधार अझ मजवुत बनाउन बैंकले प्रिमियम मूल्यमा बैंकले १ करोड करोड ७६ लाख ८४ हजार ८५८ कित्ता एफपीओ निष्कासन गर्न लागेको हो । एफपीओ निष्कासनपछि चुक्तापुँजी बढेर ९ अर्ब ८१ करोड ११ लाख रुपैयाँ पुग्ने छ । एफपीओबाट ४ अर्ब ९५ करोड १७ लाख रुपैयाँ प्राप्त हुनेछ । १ अर्ब ७६ करोड ८४ लाख रुपैयाँ चुक्तापुँजीमा र बाँकी संचित कोषमा जम्मा हुनेछ । संचित कोषबाट लगानीकर्ताले वर्षेनी लाभांश पाउने छन् । लगानीकर्ताले ३ अर्ब १८ करोड रुपैयाँ लाभांश पाउने छन् । बैंकको चुक्तापुँजी ८ अर्ब ४ करोड रुपैयाँ छ । बैंकमा सरकारको ६२.२१ प्रतिशत र सर्वसाधारणको ३७.७९ प्रतिशत स्वामित्व छ । एफपीओ निष्कासनपछि बैंकमा सरकारी स्वामित्व ६२.२१ बाट घटेर ५१ प्रतिशत कायम हुने छ । यस्तै सर्वसाधारणको ४९ प्रतिशत हिस्सा रहने छ । यसमध्ये एफपीओबाट प्रवेश गर्नेको स्वामित्व १७ प्रतिशत हुनेछ । बैंकले गत चैतसम्म २ अर्ब ५६ करोड ७७ लाख रुपैयाँ खुदनाफा गरेको छ ।

काठमाडौं । आइतबार मिर्मिरे माइक्रोफाइनान्स डेभलपमेन्ट बैंकको सेयर मूल्य समायोजन भएको छ । नेपाल स्टक एक्स्चेञ्ज(नेप्से)ले कम्पनीको हकप्रद पछिको सेयरको मूल्य समायोजन गरेको हो । समायोजन पश्चात कम्पनीको सेयर मूल्य प्रतिकित्ता एक हजार ७९५ रुपैयाँ रहेको छ । हाल कम्पनीको सेयर प्रतिकित्ता १७६५ रुपैयाँमा कारोबार भइरहेको छ ।

काठमाडौं । थप निष्काशन(एफपीओ) आउने भएपछि एनएमबी बैंकको सबैभन्दा बढी सेयर कारोबार भएको छ । बैंकले प्रतिकित्ता ३३३ रुपैयाँमा एफपीओ ल्याउने भएपछि लगानीकर्ताहरुकाे आकर्षण बढेको हो । बैंकले अंकित मूल्य १०० मा २३३ रुपैयाँ प्रिमियम थप गरेर एफपीओ निष्कासन गर्न लागेकाे हाे । मंगलबार बैंकको ३ करोड रुपैयाँ बढीको सेयर कारोबार भएको छ । बैंकको कारोबार रकममा वृद्धि भएपनि सेयर मूल्यमा भने गिरावट आएको छ । सोमबार प्रतिकित्ता ४४४ रुपैयाँ रहको बैंकको सेयर मूल्य मंगलबार घटेर प्रतिकित्ता ४१९ रुपैयाँमा झरेको छ । जुन रकम अघिल्लो दिनको तुलनामा २५ रुपैयाँ घटी हो । बैंकले प्रतिकित्ता ३३३ रुपैयाँमा एफपीओ निष्कासन गर्ने भएपछि कम्पनीको सेयर मूल्यमा गिरावट आएको हो । समग्रमा मंगलबारको नेप्से परिसूचक ९.१८ अंकले घटेर १३२७ अंकमा झरेको छ । सो दिन कुल १६७ कम्पनीको ८ लाख ४० हजार कित्ता सेयर ४१ करोड ७४ लाख रुपैयाँमा किनबेच भएको छ । बजारमा बीमा समूहबाहेक बाँकी समूहको परिसूचक राताम्मे भएका छन् । सबैभन्दा बढी होटल समूह ३३ अंकले घटेको छ । बीमा समूह भने सामान्य ५ अंकले उकालो लागेको छ ।