नागरिक लगानी कोषको डीम्याट खाता खोल्न सेयरधनीलाई अनुरोध
काठमाडौं । नागरिक लगानी कोषले लाभांश लिनका लागि हितग्राही खाता (डीम्याट एकाउन्ट) खोल्न सेयरधनीलाई अनुरोध गरेको छ । कोषले गत आर्थिक वर्षमा गरेको नाफाबाट सेयरधनीलाई २१.८५ प्रतिशत बोनस सेयर वितरणका लागि डीम्याट खाता खोल्न भनेको हो । वार्षिक साधारणसभाले बोनस सेयर पारित भएको छ ।
बैंक अफ काठमाण्डुको संस्थापक सेयर नपर्नेको रकम आजदेखि फिर्ता
काठमाडौं । बैंक अफ काठमाण्डु लिमिटेडको संस्थापक सेयर किन्न नपाएका लगानीकर्ताको रकम आज मंगलबारदेखि फिर्ता हुने भएको छ । बैंकले यसअघि उल्लेख गरिएको खातामा रकम रकमान्तर गरिने जानकारी दिएको छ । बैंकको अधिकांश संस्थापक सेयर कर्मचारी संचय कोषले खरिद गरेको छ । बैंकले ६१ लाख ५८ हजार ६७ कित्ता संस्थापक सेयर बोलकबोलबाट बिक्रीका लागि खुला गरेको थियो । करिव १० हजार कित्ता बाहेक सबै सेयर प्रतिकित्ता २५१ रुपैयाँमा संचय कोषले खरिद गरेको थियो ।
११२ स्थानीय तहमा शाखा खोल्न बाणिज्य बैंकहरुकाे अस्वीकार
काठमाडौं । ११२ वटा स्थानीय तहमा शाखा विस्तार गर्न बाणिज्य बैंकहरुले अस्वीकार गरेका छन् । सरकारले ७५३ वटै स्थानीय तहमा कम्तिमा एउटा बाणिज्य बैंकको शाखा खोल्ने निर्णय गरेको थियो । सरकारको निर्णय अनुसार सबै स्थानीय तहमा कम्तिमा एउटा बाणिज्य बैंकको शाखा विस्तार गर्न राष्ट्र बैंकले बाणिज्य बैंकहरुसँग प्रस्ताव मागेको थियो । ‘हामीले कुन बैंकले कहाँ शाखा खोल्ने भनेर प्रस्ताव माग्दा नै ११२ स्थानीय तहमा जान कुनै बैंक पनि तयार भएनन्, प्रतिवद्धता व्यक्त गरिएकाहरुमा पनि भर्खर ४५ तहमा मात्रै नयाँ शाखा विस्तार भएको छ’, नेपाल राष्ट्र बैंकका सहायक प्रवक्ता राजेन्द्र पण्डितले विकासन्युजसँग भने । उनका अनुसार बाणिज्य बैंकहरुले शाखा विस्तार गर्ने भने प्रतिवद्धता व्यक्त गरेका तहमा शाखा खोल्न प्रेरित गरिँदैछ भने जान तयार नभएका तहहरुमा कसरी शाखा पुर्याउने भन्नेबारे पनि अध्ययन भैरहेको छ । यी हुन बाणिज्य बैंकले शाखा खोल्न अस्विकार गरेका स्थानीय तह ताप्लेजुङ सिदिङवा गाउँपालिका, मेरिदेङ गाउँपालिका, मिक्वाखोला गाउँपालिका, याङवरक गाउँपालिका, सिरिजंगा गाउँपालिका, ईलाम माङसेवुङ गाउँपालिका, फाकफोकथुम गाउँपालिका, संखुवासभा भोटखोला गाउँपालिका, सिलिचोङ गाउँपालिका सोलुखुम्बु माहाकुलुङ गाउँपालिका, लिखुपिके गाउँपालिका खोटाङ ऐसेलुखर्क गाउँपालिका, केपिलासगढी गाउँपालिका, दिपु्रङ गाउँपालिका र बराहपोखरी गाउँपालिका ओखलढुंगा चिसंखुगढी गाउँपालिका उदयपुर ताप्ली गाउँपालिका, सुनकोशी गाउँपालिका सप्तरी तिरहुत गाउँपालिका, बलान बिहुल गाउँपालिका, बेल्ही चपना गाउँपालिका, महादेवा गाउँपालिका दोलखा शैलुङ गाउँपालिका रामेछाप सुनापति गाउँपालिका सिन्धुली घ्याङलेख गाउँपालिका, हरिहरपुरगढी गाउँपालिका धनुषा कमलासिद्धिदात्री गाउँपालिका सर्लाही पर्सा गाउँपालिका, बसबरिया गाउँपालिका, चन्द्रनगर गाउँपालिका, धनकौल गाउँपालिका, धादिङ खनियाबास गाउँपालिका, गंगाजमुना गाउँपालिका, रुबीभ्याली गाउँपालिका, नुवाकोट तारकेश्वर गाउँपालिका, मेघाङ गाउँपालिका काभ्रे खानीखोली गाउँपालिका, तेमाल गाउँपालिका, महाभारत गाउँपालिका सिन्धुपाल्चोक पाँचपोखरी थाङपाल गाउँपालिका, लिंसखु गाउँपालिका मकवानपुर राक्सीराङ गाउँपालिका रौतहट राजदेवी नगरपालिका, देवाही गोनाही गाउँपालिका, परोहा गाउँपालिका, राजपुर गाउँपालिका बारा देवताल गाउँपालिका, बारागढी गाउँपालिका, सुवर्ण गाउँपालिका पर्सा कलिकामाई गाउँपालिका, जगरनाथपुर गाउँपालिका, गुल्मी मालिका गाउँपालिका नवलपरासी बुङदीकाली गाउँपालिका, बुलिङटार गाउँपालिका म्याग्दी अन्नपुर्ण गाउँपालिका, मंगला गाउँपालिका, रुकुम पुथा उत्तरगया गाउँपालिका, भूमे गाउँपालिका, बाफिकोट गाउँपालिका रोल्पा दुई खोली गाउँपालिका, लुङग्री गाउँपालिका, सुकीदह गाउँपालिका, सुनछहरी गाउँपालिका प्युठान नौबिहानी गाउँपालिका, झिमरुक गाउँपालिका, ऐरावति गाउँपालिका, सल्यान ब्नगाड कुपिण्डे नगरपालिका, कालिमाटी गाउँपालिका, ढोरचौर गाउँपालिका, कुमाखमालिका गाउँपालिका, दार्मा गाउँपालिका डोल्पा डोल्पो वुद्ध गाउँपालिका, मुड्केचल्ला गाउँपालिका, काइके गाउँपालिका, छार्का ताङसोङ गाउँपालिका मुगु मुगुमर्कामाराङग गाउँपालिका, सोरु गाउँपालिका जुम्ला हिमा गाउँपालिका, पातारासी गाउँपालिका कालिकोट पचाल झरना गाउँपालिका, सान्नी त्रिवेणी गाउँपालिका, नरहरीनाथ गाउँपालिका, कालिका गाउँपालिका, महावै गाउँपालिका, पलाता गाउँपालिका हुम्ला नाम्खा गाउँपालिका, चंखेली गाउँपालिका, अदानचुली गाउँपालिका, ताँजाकोट गाउँपालिका, जाजरकोट कुसे गाउँपालिका, जुनीचाँदे गाउँपालिका, बारेकोट गाउँपालिका, शिवालय गाउँपालिका दैलेख महाबु गाउँपालिका, ठाँटीकाँध गाउँपालिका बाजुरा गौमुल गाउँपालिका, पाण्डव गुफा गाउँपालिका, स्वामी कार्तिक गाउँपालिका, छेडेदह गाउँपालिका, हिमाली गाउँपालिका अछाम बान्नीगढी जयगढ गाउँपालिका, रामारोशन गाउँपालिका, ढकारी गाउँपालिका, तुर्माखाँद गाउँपालिका बझाङ थलारा गाउँपालिका, सुर्मा गाउँपालिका, छबिसपाथिभेरा गाउँपालिका, दुर्गाथली गाउँपालिका, काँडा गाउँपालिका डोटी सायल गाउँपालिका, आदर्श गाउँपालिका कैलाली मोहन्याल गाउँपालिका दार्चुला अपिहिमाल गाउँपालिका बैतडी पञ्चेश्वर गाउँपालिका
प्रभु बैंकको २ अर्ब ३५ करोडको हकप्रद माघ ७ गतेदेखि निष्कासन हुने
काठमाडौं । प्रभु बैंकको हकप्रद सेयर आउदो माघ ७ गतेदेखि बिक्री खुला हुने भएको छ । बैंकले चुक्तापुँजी बढाउन ४० प्रतिशत अर्थात २ अर्ब ३५ करोड २५ लाख रुपैयाँ बराबरको २ करोड ३५ लाख २५ हजार कित्ता हकप्रद सेयर निष्कासन गर्न लागेको हो । सेयर निष्कासन फागुन १३ गते बन्द हुने बैंकले जनाएको छ । सेयर निष्कासनपछि बैंकको चुक्तापुँजी ८ अर्ब २३ करोड ४९ लाख रुपैयाँ पुग्ने छ । हाल बैंकको पुँजी ५ अर्ब ५ अर्ब ८८ करोड १४ लाख रुपैयाँ छ ।
नेपाल रेटिङ एजेन्सीले व्यवसाय गर्न धितोपत्र बोर्डबाट पायो आशयपत्र, ५ महिनाभित्र सञ्चालनमा आउने
काठमाडौं । नेपालमा कम्पनीको स्तर निर्धारण (रेटिङ) गर्न विदेशी साझेदारीमा नयाँ संस्था सञ्चालनमा आउने भएको छ । दुवईको डन एन्ड ब्राव स्टे्टको मुख्य स्वामित्वमा नेपाल रेटिङ एजेन्सी (एनआरए) कम्पनी सञ्चालनमा आउन लागेको हो । रेटिग व्यवसाय सञ्चालन गर्न धितोपत्र बोर्डले सोमबार एनआरएलाई आशयपत्र (एलओआई) दिएको छ । आगामी ५ महिनाभित्र सञ्चालनमा ल्याउने तयारीका साथ काम भइरहेको एनआरएका नेपाली साझेदार अनलराज भट्टराईले बताए । आवश्यक पुर्वाधारको काम सकेपछि बोर्डबाट अन्तिम स्वीकृती लिएर सञ्चालनमा आउने उनले जानकारी दिए । एनआरएको पुँजी १० लाख डलर अर्थात १० करोड नेपाली रुपैयाँ हुने छ । दुवईको डन एन्ड ब्रावले न्युनतम ५१ र बाँकी नेपालका २८ वटै वाणिज्य बैंकलाई साझेदार बनाउने योजना रहेको भट्टराईले सुनाए । एनआरएले कम्पनीको रेटिङका अतिरित्त वित्तीय परामर्श सेवा पनि प्रदान गर्ने उनको भनाई छ । विदेशी साझेदारसंग छलफल गरेर लगानीको खाका टुगाउने उनले जानकारी दिए ।नेपालमा भारतीय साझेदारीमा इक्रा नेपाल र हालै केयर रेटिङ एजेन्सी सञ्चालनमा आइसकेको छ । एनआरए तेस्रो कम्पनी हुने छ ।
न्युमोदी–लेखनाथ प्रसारणलाइनको ठेक्का भारतको कल्पतरु पावरले पायो
काठमाडौं । मोदीखोलादेखि कास्कीको लेखनाथसम्म १३२ केभी प्रसारणलाइन निर्माणको जिम्मा भारतीय कम्पनीले पाएको छ । भारतको कल्पतरु पावर ट्रान्समिसन लिमिटेडले कम दर प्रस्ताव गरेपछि नेपाल विद्युत प्राधिकरणले उसलाई सो प्रसारणलाइन निर्माणको जिम्मा दिएको हो । कल्पतरुले झण्डै ५५ करोड रुपैयाँ अर्थात ५४ लाख ३५ हजार ९६७ मा न्युमोदी–लेखनाथ प्रसारणलाइनको प्लाण्टको डिजाइन, आपूर्ति र जडानको काम गर्ने छ । मोदीखोला क्षेत्र वरपर निर्माण हुने आयोजनालाई लक्षित गरी विद्युत प्राधिकरणले सो प्रसारणलाइ निर्माण गरेको हो ।
लगानी योग्य पुँजीको अभाव समाधानमा अर्थ मन्त्रालय र राष्ट्र बैंक सक्रिय, के होला समाधानको उपाय ?
काठमाडौं । बैंकहरुमा लगानीयोग्य पुँजी संकट गहिरिँदै गएपछि अर्थ मन्त्रालय र नेपाल राष्ट्र बैंकले समाधानको पहल थालेका छन् । लगानी गर्न पुँजी नभएको भन्दै बैंकहरुले धमाधम मुद्दती निक्षेपको ब्याजदर बढाएर १३ प्रतिशतसम्म पुर्याएपछि अर्थ मन्त्रालय र राष्ट्र बैंकले पहल थालेका हुन् । यस विषयमा सोमबार अर्थ र राष्ट्र बैंकबीच छलफल भएको छ । बैंकमा देखिएका लगानीयोग्य पुँजीको समस्या समधानका लागि केही काम भइरहेको राष्ट्र बैंकका प्रवत्ता नारायणप्रसाद पौडेल बताउछन् । यस विषयमा सोमबार अर्थ मन्त्रालयमा छलफल भएको बताउदै समस्या समधान गर्ने खाका आइनसकेको उनले जानकारी दिए । उनले विभिन्न कोणबाट समधानका लागि छलफल भइरहेको जानकारी दिए । बैंकमा लगानीयोग्य पुँजी कम भएको उनको भनाई छ । पछिल्लो समयमा बैंकको पुँजी, कर्जा र निक्षेप अनुपात (सीसीडी) रेसियो ७७ प्रतिशत पुगेको छ । राष्ट्रिय वाणिज्य बैंकलाई हटाउदा झण्डै ८० प्रतिशत पुगेको छ । बजारमा ३२ अर्ब रुपैयाँ अधिक तरलता भएको पौडेलले जानकारी दिए । केही वाणिज्य बैंकमा समस्या देखिएको राष्ट्र बैंकले स्वीकार गरेको छ । खर्च कम भएपछि राज्यको ढुकुटीमा ३ खर्ब ३५ रुपैयाँ वचत पौडेलले जानकारी दिए । नेपाल बैंकर्स एसोसियसनले निक्षेपको बढ्दो ब्याजदरले कर्जामा समस्या पार्ने भन्दै तत्कालका लागि ब्याजदर स्थिर राख्ने निर्णय गरेको छ । यस्तै नेपाल इन्भेष्टर्स फोरमले पनि नेपाल बैंकर्स एसोसियसनका प्रतिनिधिलाई भेटी ब्याजदर स्थिर राख्न अनुरोध गरेको थियो । बैकिङ प्रणालीमा देखिएको समस्याको विषयमा छलफल भएको अर्थ मन्त्रालय वित्तीय व्यवस्थापन महाशाखा प्रमुख उत्तरकुमार खत्रीले बताए । नियमित बैठक भएपनि अहिलेको समस्या समधान गर्ने विषयमा छलफल भएको उनले जानकारी दिए । “हामीले आफनो तर्फबाट सुझाव दिएका छौ, राष्ट्र बैंकले कार्यन्वयन गर्ने छ” उनले भने । पुस १६ गतेसम्म सरकारले सरकारले साढे २८ प्रतिशत अर्थात ३ खर्ब ६४ अर्ब १० करोड रुपैयाँ खर्च भएको छ । यस्तै राजश्व संकलन ३६ प्रतिशत अर्थात २ खर्ब ६८ अर्ब रुपैयाँ संकलन भएको महालेखा नियन्त्रकको कार्यलयले जनाएको छ । राष्ट्र बैंकले ५ अर्ब रुपैयाँ बजारमा पठाउन लाग्दा बैंकबाट १९ अर्ब रुपैयाँको माग आएपछि बुधबार पुनः १० अर्ब बजारमा पठाउने तयारी गरेको छ । यता नेपाल टेलिकमले विभिन्न बैंकबाट ८ अर्ब २५ करोड रुपैयाँ निक्षेप निकाल्ने भएको छ । त्यस मध्ये ७ अर्ब ९२ करोड रुपैयाँ सरकारलाई बुझाउने छ । यो रकम बैंकिङ प्रणालीबाट राज्यको ढुकुटीमा गएर थुप्रिने छ । १५ अर्ब रुपैयाँ चुक्ता पुँजी भएको टेलिकमले ५५ प्रतिशत नगद लाभांश दिदैछ । यस कम्पनीमा करिव ९६ प्रतिशत सेयर सरकारको भएकोले कम्पनीले नाफा वापतको ७ अर्ब ९२ करोड रुपैयाँ सरकारलाई बुझाउने छ । टेलिकम जस्तै, बैंक, वित्त, बीमा, जलविद्युतलगायत कम्पनीले यो महिनामा लाभांश वापत सरकारलाई अर्बौ रुपैयाँ कर तिर्दै छन् । पुसमा करको रुपमा अर्बौ रुपैयाँ राज्यको ढुकुटीमा जाने भएपछि बजारमा लगानीयोग्य पुँजीको अभाव हुने बैकरले बताएका छन् । सरकारले खर्च बढाउन नसके बैंकिङ प्रणालीमा ठुलो समस्या आउने संभावना रहेको माछापुच्छे बैंकका सीईओ निरजकुमार श्रेष्ठ बताउछन् ।
कुबेर मर्चेन्ट फाइनान्सको सिइओमा भिष्मराज चालिसे नियुक्त
काठमाडौं । कुबेर मर्चेन्ट फाइनान्सको प्रमुख कार्यकारी अधिकृत(सिइओ)मा भिष्मराज चालिसे नियुक्त भएका छन् । कम्पनीको सञ्चालक समितिले आउँदो चार बर्षका लागि चालिसेलाई कम्पनीको सीईओ पदमा नियुक्त गरेको हो । नवनियुक्त सीईओ चालिसेले आगामी माघ १ गतेदेखि कम्पनीको सिइओ पदको कार्यभार सम्हाल्ने भएका छन् ।
