अटो

काठमाडौं । इन्फ्रास्ट्रक्चर लिजिंग एण्ड कन्स्ट्रक्सन सर्भिस कम्पनीले नेपाली बजारमा ब्याक्हो लोडर भित्र्याएको छ । कम्पनीले सन् २०२१ मा बबक्याट ब्राण्डको लोडर भारतबाट नेपालमा भित्र्याएको हो । यसअघि कम्पनीले टर्की लगायतका देशबाट आयात गर्ने गरेको थियो । टर्कीबाट ल्याईएको बबक्याट महङ्गो भएपछि अमेरिकी कम्पनीले भारतमा निर्माण गरेको बबक्याट नेपाल भित्र्याइएको कम्पनीले जनाएको छ । डुसान ब्राण्ड ७० वर्ष पुरानो कम्पनी हो । कम्पनीका बिजनेश प्रमुख उत्साहराज श्रेष्ठ कम्पनीले भारतको चेन्नईबाट नेपालका लागि मात्र डुसान ब्राण्डका हेवी इक्युप्मेन्टहरु ल्याउने गरेको बताउँछन् । कम्पनीले चेन्नईबाट नेपाल बिक्री वितरणमा ल्याउनु अगाडि विभिन्न क्षेत्रमा परिक्षण गरेको थियो । ‘नेपालको भौगोेलिक बनाबटमा उपयोग गर्न मिल्ने नमिल्ने बारेमा हामीले धेरै स्थानमा टेस्ट गरेका थियौँ, टेस्ट सफल भएपछि हामीले बिक्री वितरण सुरु गरेका हौँ’, उनले भने । कम्पनीले अपरमुस्ताङको माइनस १५ डिग्री सेल्सीएसदेखि तराईका विभिन्न क्षेत्रमा टेस्ट ड्राईभ गरेको थियो । मुस्ताङमा नमर्ली चिसोका कारण धेरै कम्पनीका मेसिनहरु सञ्चालनलमा कठिनाई हुने गरेको थियो । हामीले पनि समस्या आउनसक्ने अनुमान गर्दै मुस्ताङमा टेस्ट ड्राईभ गरेका थियौँ । तर हामीले अनुमान गरेभन्दा राम्रोसँग स्टार्ट भयो । बबक्याटमा जडान गरीएको प्रिहिट सिष्टमका कारण स्टार्ट गर्दा सहज भयो । यस्तै हामीले गर्मी स्थानमा समस्या देखिनसक्ने अनुमान गर्दै लाहनमा टेस्ट गरेका थियाँै । धेरै तातोमा पनि मेसिन सञ्चालनमा कठिनाई हुनसक्छ । हामीले कस्ता खालका समस्या देखिनसक्छन् भनेर परीक्षण गर्दा नर्मल भेट्यौँ, उनले भने । तराईको गर्मीमा २० घण्टासम्म मेसिन सञ्चालन गर्दा कुनै समस्या नआएकोे कम्पनीले जनाएको छ । चिसो तथा गर्मी स्थानमा मेसिनको टेस्ट ड्राईभ गरेको कम्पनीले काठमाडौं उपत्यका र निर्माण क्षेत्रमा समेत परीक्षण गरेको थियो । ठूला आयोजनामा काम गरेर परीक्षण गर्दा कुनै समस्या नदेखिएपछि मेसिन नेपाल ल्याएको कम्पनीले जनाएको छ । कम्पनीको बारेमा इन्फ्रास्ट्रक्चर लिजिंग एण्ड कन्स्ट्रक्सन सर्भिस सन् २००८ मा नेपालमा दर्ता भएको हो । कम्पनीले सुरुवाती चरणमा नै डुसान ब्राण्डका उपकरणहरु नेपाल ल्याएर बिक्री वितरण गर्दै आएको छ । कम्पनीले हेभि इक्युप्मेन्टको रुपमा डुसान र बबक्याट ब्राण्ड गरी दुई ब्राण्डका उपकरणहरु बिक्री वितरण गर्दै आएको छ । कम्पनीका अनुसार उक्त मेसिन एशियन बजारलाई मध्यनजर गर्दै इन्डियाको चेन्नई फ्याक्ट्रीबाट उत्पादन गरी नेपाल लगायत अफ्रिकन मुलुकहरुमा पनि बिक्री वितरणको लागि तयार पारिएको हो । नेपालका तराई, पहाड र हिमाल तिनै भूभागमा पूर्व परीक्षण गरी सार्वजनिक गरिएको बबक्याट बि ७६० मा रहेको हिटिंग प्रविधी परीक्षणका लागि नेपालको माथिल्लो मुस्ताङ (४००० अल्टिट्युड उचाई)मा परीक्षण गर्दा मेसिन सहजै सुचारू भएको कम्पनीले जानकारी दिएको छ । अमेरिकी प्रविधीबाट निर्मित यस मेसिनमा विश्व प्रसिद्ध पर्किन्स इन्जिनको प्रयोग गरिएको छ जसले ९४ हर्स पावरको शक्ति प्रदान गर्दछ । उच्च बकेट कर्ल एंगलका साथै उच्च ब्रेकिंग शक्ति समेत रहेकोले काम गर्न शैली छिटो र सहजता प्रदान गर्न यो एक भरपर्दो उपकरण रहेको दाबी समेत कम्पनीले गरेको छ । यसमा रहेको विशेष कुलिंग सिस्टमका कारण उच्च तापक्रममा कार्य सम्पादन गर्न सहज हुनेछ साथै यसको १६ डिग्री असिलेसन एंगलले असमान भूभागमा पनि सहजै काम गर्न मद्दत पुग्नेछ र लामो आर्मका कारण अधिक गहिराई सम्म खन्न सहज हुने कम्पनीले जनाएको छ । ७४ बर्षको सफल इतिहास बोकेको बबक्याटले झन्डै १०० भन्दा बढी मुलुकमा आफ्ना ९०० भन्दा बढी डिलर्स मार्फत सेवा प्रदान गर्दै आईरहेको छ । हाल संचालनमा रहेका हेवी कम्प्याक्ट इक्युप्मेन्टहरु मध्ये संख्यात्मक रूपले हेर्दा विश्वभर बबक्याट नं १ मा रहेको कम्पनीले दाबी गरेको छ । हाल नेपालका काठमाडौं, नारायणगढ, बुटवल, धनगढी, नेपालगंज, पोखरा, विरगंज र इटहरी लगायत विभिन्न मुख्य शहरहरुमा रहेका शाखा कार्यालयबाट बबक्याट बि ७६० को बुकिंङ्ग गर्न सकिने कम्पनीले जनाएको छ । निःशुल्क सर्भिसिङ कम्पनीले एक पटक डुसान र बबक्याट ब्राण्डका उपकरणहरु खरिद गर्दा निःशुल्क रुपमा सर्भिसिङको सुविधा दिँदै आएको छ । ‘हामीले एक पटक हाम्रा ब्राण्डका उपकरणहरु खरिद गर्दा सर्भिसिङ चार्ज लिदैनाँै, केही पार्टहरु थप्नुपर्दा पास्र्टको मात्र खर्च जोडिन्छ । हामीले लेवरलाई दिनुपर्ने शुल्क लिने गरेका छौनौँ’, उनले भने । ७५ जनाभन्दा बढी कर्मचारीहरु सर्भिसिङका लागि विभिन्न स्थानमा रहेका छन् भने आवश्यक सम्पूर्ण पास्र्टहरु कम्पनीले भारतबाटै आयात गर्दै आएको छ । कम्पनीले केही समय अगाडी नेपालि बजारमा भित्र्याएको ब्याक्हो लोडरको सुरुवाती मूल्य ४९ लाख रुपैयाँ तोकेको छ । कम्पनीले ३० प्रतिशत डाउनपेमेन्टको समेत व्यवस्था गरेको छ । जसका लागि कम्पनीले ज्योति तथा कामना सेवा विकास बैंक लगायतका बैंक तथा वित्तीय संस्थाबाट फाइनान्सीङको व्यवस्था गर्ने गरेको छ । यस्तै, कम्पनीले ब्याक्हो लोडरको इन्जीनमा एक र व्यार्टीमा २ वर्षको वारेन्टी राखेको छ । कम्पनीले यही मंसिर ६ गते ब्याक्हो लोडर नेपाली बजारमा भित्र्याएको हो । नेपालको भौगोलिक अवस्था अनुसारको उपकरण नेपाल भित्र्याएको कम्पनीले थोरै समयमा नै बिक्री वितरण राम्रो भएको जनाएको छ । कम्पनीले यसअघि लोडरहरु टर्कीबाट खरिद गरेर नेपाल ल्याउने गरेको थियो । टर्कीबाट नेपाल ल्याउँदा महङ्गो हुने गरेपछि कम्पनीले भारतबाट सस्तो मूल्यमा लोडर नेपाल भित्र्याएको हो । कम्पनीले चालु आर्थिक वर्षमा एक सय वटा मेसिन बिक्री वितरण गर्ने योजना बनाएकोे छ । नेपाल भित्र्याएको छोटो समयमा नै सो उपकरणमा उपभोक्ताले चासो देखाएको भन्दै सहज रुपमा अनुमानभन्दा पनि धेरै बिक्री वितरण हुने विजनेश प्रमुख श्रेष्ठ बताउँछन् । उनले ठूला कामको लागि एक्साभेटरको प्रयोग हुनेभन्दै ठूलो काम भएको क्षेत्रमा सघाउनका लागि बबक्याट उपयुक्त हुने बताए ।

धादिङ । मोटरहेड ब्राण्डको आधिकारीक वितरक एस एल आर टेक्नो एण्ड टेड प्रा लि ले धादिङको गल्छीमा आधिकारीक मर्मत केन्द्र विस्तार गरेको छ । कम्पनीले आफ्नो सर्भिस विस्तार गर्ने लक्ष्यलाई यर्थाथता प्रदान गर्दै उक्त स्थानमा मर्मत केन्द्र विस्तार गरेको हो । उक्त केन्द्रको उद्घाटन वडा अध्यक्ष राजन श्रेष्ठले मंसिर २८ गते एक समारोह बीच गरेका हुन् । कम्पनीले सो मर्मत केन्द्र २० वर्ष देखि यसै क्षेत्रमा आवद्ध रमेश मोटरसाइकल वर्कशपका प्रोप्राइटर रमेश श्रेष्ठलाई आधिकारीक्ता प्रदान गरेको हो । यो क्षेत्रमा लागेको २० वर्ष भइसक्दा विभिन्न ब्राण्डका वाइकहरुको राम्रो ज्ञान भएको र विगत ५ वर्ष देखि आएको यस मोटरहेड चाण्डका बाइकहरु पनि आफ्नो क्षेत्रमा प्रशस्त देख्न थालेको हुँदा उक्त ब्राण्डसंग आफु आवद्ध भएको श्रेष्ठले बताए । हेर्दा नयाँ लुक्स, डिजाइन र फरक सेग्मेन्टमा उपलब्ध यी ब्राण्डका बाइकहरुमा आफ्नो पनि उत्तिकै चासो भएको हुनाले अबका आउने दिनमा यस बाण्डका ग्राहकहरुलाई गणस्तरीय सेवा प्रदान गर्दै हाइवे राइडरहरुलाई सहज रुपमा मोटरहेडका पार्टस पनि उपलब्ध गराउने थप उद्देश्य रहेको बताए । कम्पनीले आधिकारीक मर्मत केन्द्रको उद्घाटन गरी मंसिर २८ र २९ गते २ दिने एक्स्चेञ्ज क्याम्प पनि सञ्चालन गरेको छ । जसमा नगद खरीदमा १० हजार रुपैयाँ छुट, फाइनान्समा ७ हजार रुपैयाँ छुट र एक्स्चेञ्ज गर्दा बजार मूल्याकनमा थप १५ हजार रुपैयाँ पाउने सुविधा रहेको छ । यसका साथै पार्टस र सर्भिसमा विशेष छटको सुविधा र जुनसकै ब्राण्डका बाइक ल्याउँदा फि-वासको व्यवस्था समेत गरिएको छ । कम्पनीले यस कार्यक्रममा सहभागी हने ग्राहकहरुलाई आकर्षक न्षत को व्यवस्था समेत गरेको छ ।

काठमाडौं । नेपालका लागि युरोपको चर्चित अटोमोबाइल ब्रान्ड स्कोडाको आधिकारिक विक्रेता एमएडब्लु इन्टरप्राइजेजले बुटवलमा नयाँ स्टेट-अफ-द-आर्ट थ्रिएस (सेल्स, सर्भिस र स्पेयर्स) फेसिलिटी सुरु गरेको छ । अब रोडवेज लाइफस्टाइलले पश्चिमी नेपालमा स्कोडाको विक्री र विक्रीपछिको सेवाको जिम्मेबारी पाएको हो । नेपाली बजारमा स्कोडाको पकड बलियो बनाउन र स्कोडा कारको उपलब्धता बढाउन एमएडब्लु स्कोडाले आफ्नो डिलर सञ्जाललाई विस्तार गर्दै आएको छ । एमएडब्लुले सन् २००८ देखि नेपालमा स्कोडा कार भित्र्याउन सुरु गरेको थियो । स्कोडाको नयाँ शोरुमको उद्घाटन पाँच नम्बर प्रदेशका उद्योग तथा वाणिज्यमन्त्री अजय शाही र एमएडब्लु स्कोडा डिभिजनका कार्यकारी निर्देशक रौनक अग्रवालले संयुक्त रुपमा गरेका हुन् । ‘हामी हाम्रो ग्राहकको सुविधाका लागि स्कोडा सञ्जालको विस्तार गर्न र युरोपको चर्चित कारको पहुँचलाई प्रत्याभुत गर्न प्रतिबद्ध छौं । उत्कृष्ट कस्टमर एक्सपिरियन्सका लागि हामीले बुटबलमा नयाँ स्टेट-अफ-द-आर्ट स्कोडा सोरुम ल्याउन पाउँदा हामीलाई खुसी लागेको छ,’ एमएडब्लु स्कोडाका रौनक अग्रवालले भने, ‘यो फेसिलिटीले पश्चिमी नेपालमा हाम्रो उपस्थितिलाई झनै बलियो बनाउनेछ ।’ उद्घाटन समारोहपछि प्रदेशमन्त्री अजय शाहीले स्कोडा बुक गरेका ग्राहकहरुलाई साँचो हस्तान्तरण गरेका थिए । स्कोडाको नयाँ डिलर रोडवेज लाइफस्टाइलले दुई दिने विशेष ‘टेस्ट ड्राइभ इभेन्ट’ पनि आयोजना गर्दैछ । यो अवधिमा स्कोडा कार बुकिङ गर्ने ग्राहकले आकर्षक ‘क्यास डिस्काउन्ट’, निःशुल्क सडक कर, ‘एक्सचेन्ज बोनस’को सुविधा पाउने छन् । हाल पोखरा, नारायणघाट, विराटनगर, विरगंज, बिर्तामोड, जनकपुर, धनगढी र काठमाडौंमा स्कोडाको डिलरसिप रहेको छ ।