८९ लाख पर्ने ‘अल न्यू हुन्डाई टुसान’को बिक्री सुरु, ४ भेरियन्टमा उपलब्ध
काठमाडौं । हुन्डाई मोटर्सको आधिकारीक वितरक लक्ष्मी इन्टरकन्टिनेन्टल प्रालिले ‘अल न्यू टुसान’ सार्वजनिक गरेको छ । हुन्डाईले फ्यूचरस्टीक डिजाइनमा तयार पारेको नयाँ जेनेरेशन टुसान विश्वभर चर्चामा रहेको मोडल हो । ‘मोस्ट डाइनामीक एन्ड ट्रेन्डी’ डिजाइनको कारण विश्वभर नयाँ जेनेरेशन टुसानलाई ‘एउटा डिजाइन रिभोलुसन’को नाम दिइएको छ । यसमा प्रयोग गरिएको प्यारामेट्रीक हिडन लाइट, लामो ह्वीलवेस, उत्कृष्ट इन्टेरियर, १८ इन्चको ठूलो अलोय ह्वील, टु ह्वील र फोर ह्वील ड्राइभिङ सिस्टमले नयाँ टुसानलाई अलग पहिचान दिएको छ । नेपाली बजारमा नयाँ जेनेरेशन टुसानको विभिन्न ४ भेरियन्ट उपलब्ध हुनेछ । जसमा जिएलएस टु ह्वील ड्राइभ म्यानुअल (पेट्रोल), जिएलएस टु ह्वील ड्राइभ अटोमेटीक (पेट्रोल), जिएलएक्स टु ह्वील ड्राइभ अटोमेटीक (पेट्रोल) र जिएलएक्स फोर ह्वील ड्राइभ अटोमेटीक (डिजेल) भेरियन्टमा उपलब्ध रहने छ । यसको सुरुवाती भेरियन्ट जिएलएस टु ह्वील ड्राइभ म्यानुअल (पेट्रोल)को मूल्य ८९ लाख ९६ हजार रुपैयाँ रहेको छ । अमेजन ग्रे, ह्वाइट क्रिम, क्रिमशन रेड, सिम्रिङ सिल्भर, डिप सि र टाइटन ग्रे कलरमा उपलब्ध रहेको नयाँ जेनेरेशन टुसानमा भ्यान्टीलेटेड सिट, हाइट एड्जस्ट, अटोमेटीक पावर टेलगेट, मल्टी एयर मोड सिस्टम, एम्बीयन्ट मुड लाइट जस्ता फिचरले चालक र यात्रुलाई आरमदायी यात्रा गराउने कम्पनीकाे दाबी छ । बोल्ड डिजाइन र प्रविधिको भरपुर प्रयोग गरिएको इन्टेरियर, २.० लिटर टर्बो पेट्रोल र डिजेल इन्जिन यस गाडीकाे सबल पक्ष हो । लक्ष्मी इन्टरकन्टिनेन्टल प्रालिले नेपालभर रहेका आफ्ना १३ शोरुम, १७ सर्भिस नेटवर्कबाट गाडी विक्री तथा विक्रीपछिको सेवा प्रदान गर्दै आएको छ । हुन्डाई मोटर्स विश्वकै ५ औं ठूलो कार उत्पादक कम्पनी हो ।
वर्षाका कारण आईतबार खुलेको लाइसेन्सको ट्रायल परीक्षा रोकियो
काठमाडौं । करिब ५ महिना बन्द भएर पुनः सञ्चालनमा आएको सवारी चालक अनुमतिपत्रको प्रयोगात्मक परीक्षा (ट्रायल) परीक्षा स्थगीत भएको छ । आईतबार रातीदेखि काठमाडौं उपत्यकामा भारी वर्षा भएको भन्दै बागमति प्रदेश अन्तर्गतको यातायात कार्यालय चाबहिलले एक सूचना जारी गर्दै आजका लागि तय भएका ट्रायल परीक्षा बन्द गरिएको जनाएको हो । ‘उपत्यकामा परेको भारी वर्षाको कारण प्रयोगात्मक परीक्षा सञ्चालन हुने स्थलसमेत प्रभावित भएकोले यस कार्यालयबाट सोमबार र मंगलबार सञ्चालन हुने भनिएका प्रयोगात्मक परीक्षाहरु वर्ग ए के तर्फको भदौ २३ गते बुधबार र वी वर्गको तर्फको भदौ २५ गते शुक्रबार हुनेछ’, सूचनामा भनिएको छ । दोस्रो लहरको कोरोना संक्रमणको दरमा बृद्धि भएको भन्दै काठमाडौं उपत्यकाका तीन जिल्लामा गत बैशाख १६ गतेदेखि निषेधाज्ञा लागु गरिएको थियो । निषेधाज्ञा लागुभएसगैँ यातायात कार्यालयले लाइसेन्सको लिखित, प्रयोेगात्मक तथा अनलाईन आवेदन बन्द गरिएको थियोे । स्वास्थ्य मापदण्डको पालना गर्दै आईतबारदेखि बागमित प्रदेशका यातायात कार्यालयले ट्रायल परीक्षा सञ्चालन गरेका थिए । वर्षाका कारण खुलेको एक दिनमा नै लाइसेन्सको ट्रायल परीक्षा रोकिएको हो ।
सुजुकी ‘पर्वोत्सव’ ग्राहक योजना सुरु, २ लाख नगद छुटदेखि १ वर्षको सवारी बीमा
काठमाडौं । नेपालका लागि सुजुकी कारको आधिकारिक विक्रेता तथा सीजी होल्डिंग्ज्को अटोमोटिभ डिभिजन सीजी मोटोकर्पले यस दशैं तिहार भरीका लागी आकर्षक ग्राहक योजना ‘सुजुकी पर्वोत्सव अफर’ सार्वजनिक गरेको छ । सो योजना अन्तर्गत ग्राहकले दुई लाख रुपैयाँ बराबरको नगद छुट, एक लाख पचास हजार रुपैयाँसम्म एक्सचेन्ज बोनस, बीस हजार रुपैयाँसम्म लोयोल्टी बोनस, १ वर्षको सवारी बीमा र स्क्र्याच कार्ड मार्फत पचहत्तर हजार सम्म अतिरिक्त छुट दिईनेछ । यस्तै कम्पनीले क्लियरन्स मोडेलमा विशेष छुटको व्यवस्था रहेको जनााएको छ । सो अफर योजना नेपालभर रहेका सुजुकी गाडीका ३८ वटै सोरूमहरुमा लागू हुनेछ । सुजुकीका विभिन्न मोडेलहरुका कारहरु बमोजिम फरक फरक हिसाबका छुटहरु लागू हुनेछन । सुजुकी ब्रान्डले एस्प्रेसो, वागेन आर्,इग्निस्, स्विफ्ठ्, बलेनो, डिजाएर, सिआज्, ब्रेज्जा, एस्क्रस्, एर्टिगा, एक्स्एल सिक्स्, इको, इको कार्गो र सुपर क्यारी गरी नेपालमा सबैभन्दा बढी गाडीका मोडेलहरु विक्री बितरण गर्दै आएको छ ।
