होण्डा ग्राजिया अब बीएसभीआईको दुई मोडलमा, यस्तो छ विशेषता र मूल्य
काठमाडौं । नेपाली बजारमा होण्डा ग्राजियाको बीएसभीआई मोडल लञ्च भएको छ । नेपालका लागि होण्डा मोटरसाइकल तथा स्कुटरको अधिकारिक बिक्रेता स्याकार ट्रेडिङ्ग कम्पनीले आज (साउन ३ गते) देखि उक्त मोडल लञ्च गरेको हो । आकर्षक र स्टाईलिस लुक रहेको यस १२५ सीसी नयाँ बीएसभीआई मोडलमा व्यवहारिक फिचरहरु थप गरी पूर्णरुपमा रि-डिफाइन गरिएको छ । १५५ एमएम देखि १७१ एमएम ग्राउण्ड क्लेरेन्स रहेको यस स्कुटरको स्पिडोमिटरमा माइलेज फिचर उपलब्ध रहेको छ । यस फिचर अन्तर्गत ग्राहकले स्कुटरले दिने रियल टाइम माइलेज, एभरेज माइलेजका साथै डिस्ट्यान्स टू एमप्टि जस्ता जानकारी प्राप्त गर्न सकिनेछ । होण्डाको पीजीएम-एफआई (प्रोग्राम फ्यूल इन्जेक्सन) टेक्नोलोजी प्रयोग भएका कारण यस स्कुटरमा बढी माइलेज र पावर रहेको छ । ग्राजियाको यस नयाँ बीएसभीआई डीएलएक्स मोडलमा जाम भएको समयमा इन्धनको बचत गर्नको लागि आईडलिङ्ग स्टप रहेको छ भने नयाँ बीएसभीआई एसटीडी मोडलमा इन्जिन स्टार्ट तथा स्टप स्वीच रहेको छ । यसका साथै यो स्कुटरमा साइड स्ट्याण्ड इन्जिन अफ फिचर, एसीजी सहितको साइलेन्ट स्टार्ट, ईएसपी टेक्नोलोजीको साथ एचईटी इन्जिन जस्ता अन्य विभिन्न उपयोगी विशेषताहरु रहेको छ । नेपाली बजारमा ग्राजिया बीएसभीआई डीआरएस मोडलको मूल्य २ लाख ६९ हजार ९०० रुपैयाँ रहेको र ग्राजिया बीएसभीआई डीएसएस मोडलको मूल्य २ लाख ८९ हजार ९०० रुपैयाँ रहेको कम्पनीले जनाएको छ ।
७४ दिनमै बिक्यो ५ सय ७८ वटा निसान म्याग्नाइट
काठमाडौं । निसान म्याग्नाइटको ५ सय ७८ वटा गाडी ७४ दिनभित्रै बिक्री भईसकेको छ । नेपालका लागि निसान र ड्याटसनको आधिकारिक विक्रेता पायोनियर मोटोकर्पका अनुसार हालसम्म सो मात्राको गाडी बिक्री भइसकेको छ । गत फेब्रुअरी २२, २०२१ मा मात्रै नेपालमा सार्वजनिक गरिएको उक्त निसान म्याग्नाइट हालसम्म सो मात्राको बिक्री तथा बुकिङ्ग भएको छ । साथै, यो अवधिसम्ममा एक हजारभन्दा बढी बुकिङ्ग भईसकेको कम्पनीले जनाएको छ । छोटो समयावधिमा नै यो ‘बिग, बोल्ड, ब्यूटिफुल’ एसयुभीलाई नेपाली बजारमा अत्यधिक रुचाइएको कम्पनीको दावी छ ।
नेपालमा स्कोडा कुशकको मूल्य सार्वजनिक, सुरुवाती मूल्य ४९ लाख ९० हजार रुपैयाँ
काठमाडौं । नेपालका लागि स्कोडाको आधिकारिक विक्रेता एमएडब्लु इन्टरप्राइजेजले बहुप्रतिक्षित एसयुभी स्कोडा कुशकको मूल्य सार्वजनिक गरेको छ । एक्टिभ, एम्बिसन र स्टाइल गरी ३ ट्रिम र ५ भेरियन्टमा उपलब्ध हुने कुशकको मूल्य ४९ लाख ९० हजार रुपैयाँदेखि ६५ लाख ९० हजार रुपैयाँसम्म तोकिएको छ । एमएडब्लुले नयाँ स्कोडा कुशकका लागि दुई साताअघि नै बुकिङ खुला गरिसकेको छ । नेपाली ग्राहकले साउन ११ गतेदेखि कुशकको टेस्ट ड्राइभ गर्न पाउनेछन् । रोबस्ट र मस्कुलर लुक रहने कुशकले नेपाली एसयुभीप्रेमीको मन जित्ने अपेक्षा गरिएको छ । कुशकको अगाडिको भागमा चौडा र अद्वितीय स्कोडा ग्रिल, डुअल हेलाइट सेटअप, एलईडी डिआरएल र फग ल्याम्प हुनेछ । साथै यसमा रुफ रेल र १७ इन्चको डाइमन्ड कट एलोइ ह्विल हुनेछ । साथै, पछाडिको भागमा स्प्वाइलर, फक्स लिस्भर डिफ्युजर, र्याप-अराउन्ड एलडी टेललाइट रहनेछ । नेपाली बजारमा यस्तो छ कुशकको मूल्य यसको इन्टेरियर चालकलाई सहज बनाउन राखिएको ‘सिम्प्ली क्लेभर’ फिचर भएको आधुनिकता र सुन्दरताको उत्कृष्ट संयोजन हुनेछ । यसमा १०.० इन्चको टचस्क्रिन इन्फोटेनमेन्ट सिस्टम, सनरुफ, भेन्टिलेटेड सिट, एम्बायन्ट लाइटिङ, कुल्ड ग्लोबबक्स, ५० वाटको सबवुफरसहितको सिक्स स्पिकर पनि रहनेछ । साथै, सुरक्षाका लागि यसमा ६ एअरब्याग, रियर पार्किङ क्यामेरा, आइसोफिक्स चाइल्ड सिट माउन्ट, अटो हेडल्याम्प र वाइपर र मल्टिकोलिजन ब्रेकिङ सिस्टम पनि हुनेछ । त्यस्तै, इएससी सबै भेरियन्टमा हुनेछ जुन सेग्मेन्टमै पहिलो हो । साथै यसमा टायर प्रेसर मनिटरिङ र हिल होल्ड असिस्ट पनि हुनेछ । स्कोडा कुशकमा १.० लिटरको सबैभन्दा बढी पुरस्कृत टीएसआई इन्जिन हुनेछ जसले ११५ बीएचपी र १७८ एनएम टर्क उत्पन्न गर्नेछ जुन सेग्मेन्टमै सबैभन्दा बढी हो । टीएसआई इन्जिन ६ स्पिड म्यानुअल र अटोमेटिक ट्रान्समिसनमा उपलब्ध हुनेछ ।
