राजनीति

काठमाडौं । ताप्लेजुङमा अहिले नेपाली कांग्रेसका उम्मेदवार गजेन्द्र तुम्याहाङले अग्रता लिएका छन् । पछिल्लो विवरण अनुसार तुम्याहाङले ५ सय ८० मत प्राप्त गर्दै आफ्नो प्रतिस्पर्धीलाई पछाडि पारेका हुन् ।  उनलाई तारा चिन्ह भएका नेपाली कम्युनिष्ट पार्टीका खेलप्रसाद बुडाक्षेत्रीले ४ सय ४२ मतका साथ पछ्याइरहेका छन् । यसैगरी, सूर्य चिन्ह लिएर चुनावी मैदानमा उत्रिएका नेकपा एमालेका थेबेले हालसम्म २ सय ९३ मत प्राप्त गरेका छन् भने घण्टी चिन्ह भएका राष्ट्रिय स्वतन्त्र पार्टी (रास्वपा) का वीरेन्द्र श्रेष्ठ ९७ मतका साथ चौथो स्थानमा रहेका छन् ।

काठमाडौं । इलाम निर्वाचन क्षेत्र नम्बर २ मा नेकपा एमालेका उम्मेदवार सुहाङ नेम्वाङलाई श्रम संस्कृति पार्टीका सुदीप राईले पच्छाएका छन् । नेम्वाङले ४९१ मत प्राप्त गर्दा राईले ४४३ मत पाएका छन् ।  त्यस्तै, नेपाली कांग्रेसका भेषराज आचार्यले २१० र रास्वपाका गोकुल राईले १७१ प्राप्त गरेका छन् ।

काठमाडौं । सुर्खेत- १ को प्रारम्भिक मतगणनामा नेपाली कांग्रेसका उम्मेदवार विष्णुबहादुर खड्काले अग्रता लिएका छन् ।  खड्काले २ हजार ५ सय १० मत ल्याउँदा एमालेका ध्रुवकुमार शाहीले १ हजार ६५४ मतसहित पछ्याइरहेका छन् । यस्तै, राष्ट्रिय स्वतन्त्र पार्टी (रास्वपा)का टेकबहादुर सिंह ठकुरीलाई १ हजार ४४२ मत आएको छ ।  नेकपाका जितबहादुर रानाले २५४ मत र राप्रपाका रविकिरण हमालले ६० मत ल्याएका छन् ।