बुटवल पावरको २ अर्ब ४ करोडको एफपीओ माघ १५ देखि निष्कासन हुँदै, एफपीओमा लगानी गर्नेले लाभांश पाउने
काठमाडौं । बुटवल पावर कम्पनी लिमिटेड (बीपीसी) ले माघ १५ गतेदेखि २ अर्ब ४ करोड ४५ लाख रुपैयाँ बराबरको थप निष्कासन (एफपीओ) ल्याउने भएको छ । कम्पनीले प्रतिकित्ता ५०१ रुपैयाँमा ४० लाख ८१ हजार कित्ता एफपीअाे निष्कासन गर्न लागेको हो । साधारण सेयर १ सय रुपैयाँमा थप ४०१ रुपैयाँ प्रिमियम थप गरी एफपीओ निष्कासन गर्न लागेको हो । एफपीओ निष्कासन बन्द छिटोमा माघ १९ गतेसम्म तोकिएको छ । न्युनतम १० र बढीमा २० हजार ४ सय कित्तासम्म आवेदन दिन पाउने बीपीसीले जनाएको छ । एफपीओ निष्कासनपछि कम्पनीको चुक्तापुँजी बढेर २ अर्ब २१ करोड ८६ लाख रुपैयाँ पुग्नेछ । ३७.६ मेगावाटको कावेली ए र ३० मेगावाटको न्यादी जलविद्युत आयोजना निर्माण गर्न बीपीसीले प्रिमियम मूल्यमा एफपीओ निष्कासन गर्न लागेको हो । कम्पनीमा सरकारको १० प्रतिशत स्वामित्व रहेको छ । साथै, कम्पनीले निष्काशन गर्न लागेको उक्त एफपीओमा लगानी गर्नेले पनि लाभांश पाउने कम्पनीले जनाएको छ ।
दुई कम्पनीको ५५ लाख कित्ता सेयर सूचिकृत, क-कसको कति?
काठमाडौं । शुक्रबार मात्रै विभिन्न दुई कम्पनीको कुल ५५ लाख ८८ हजार कित्ता सेयर नेपाल स्टक एक्स्चेञ्ज(नेप्से)मा सूचिकृत भएको छ । नेप्सेमा सूर्या लाइफ इन्स्योरेन्स कम्पनी र ओम डेभलपमेन्ट बैंकको गरी सो मात्राको सेयर सूचिकृत भएको हो । सूचिकृत मध्ये सूर्या लाइफ इन्स्योरेन्सको ६ लाख ५६ हजार २५० कित्ता बोनस सेयर नेप्सेमा थपिएको छ । त्यस्तै, ओम डेभलपमेन्ट बैंकको ४९ लाख ३१ हजार ८३५ कित्ता हकप्रद सेयर सूचिकृत भएको छ ।
बजार सामान्य अंकले घट्दा ४० करोेडको कारोबार, सबैभन्दा बढी सानिमामाई हाइड्रोकाे
काठमाडौं । सेयर बजार निरन्तर घट्ने क्रम जारी रहेको छ । मंगलबार दोहोरो अंकले घटेको परिसूचक बुधबार भने सामान्य एकल अंकले घटेको छ । बुधबारको नेप्से ७.१९ अंकले घटेर १४०६ अंकमा झरेको छ । अघिल्लो दिनको तुलनामा बुधबारको सेयर कारोबारमा पनि सुधार भएको छ । सो दिन ४० करोड ४८ लाख रुपैयाँ बराबरको सेयर कारोबार भएको छ । जुन मंगलबारको तुलनामा ४ करोड रुपैयाँ बढी हो । मंगलबारको बजारमा ३६ करोडको सेयर किनबेच भएको थियो । बजारमा सबैभन्दा बढी हाइड्रो पावर र अन्य समूहको परिसूचक क्रमशः १५ र १० अंकले ओरालो लागेका छन् । माइक्रोफाइनान्स समूह ४ अंकले उकालो लागेको छ भने बाँकी रहेका समूह समान्य अंकले ओरालो लागेका छन् । बुधबार सानिमा माई हाइड्रो पावरको १२ करोडको सेयर किनबेच भएको छ । सो दिन यस कम्पनीको सेयर मूल्य प्रतिकित्ता ४१८ रुपैयाँ रहेको छ ।
