समलिङ पावरले सेयरधनीलाई पहिलो वर्ष लाभांश नदिने
काठमाडौं । समलिङ पावर कम्पनीले सेयरधनीको पहिलो वर्ष हाल खाली हुने भएको छ । कम्पनीले संचालक समितिले लाभांश प्रस्ताव नगरी वार्षिक साधारणसभा बोलाएपछि कम्पनीका सेयरधनीको पहिलो वर्ष हाल खाली हुने भएको हो । कम्पनीले पुस २१ गते बिहीबार बिहान ११ बजे साधारण सभा बोलाएको छ । यस्तै, कम्पनीले पुस ७ गते एक दिनको लागि बुक क्लोज गर्ने निर्णय गरेको छ । सभाले संचालक समितिको प्रतिवेदन उपर छलफल पारित गर्ने, लेखापरीक्षक नियुक्त गर्ने र पारिश्रमिक तोक्ने जस्तो निर्णय गर्नेछ ।
लाभांश पारित गर्न गरिमा विकास बैंकले पुस २२ गते बोलायो साधारणसभा
काठमाडौं । गरिमा विकास बैंकले पुस २२ गतेको लागि वार्षिक साधारणसभा बोलाएको छ । बैंकले गत आर्थिक वर्षको नाफाबाट सेयरधनीलाई दिने लाभांश पारित गर्न साधारणसभा बोलाएको छ । बैंकले गत वर्षको नाफाबाट सेयरधनीलाई १३ प्रतिशत बोनस सेयर र १.५ प्रतिशत नगद लाभांश दिने प्रस्ताव गरेको छ । साधारणसभाले प्रस्ताव पारित गरेपछि सेयरधनीले लाभांश पाउनेछन् । यसको लागि बैंकले पुस ८ गते एक दिनको लागि बुक क्लोज गर्ने निर्णय गरेको छ । त्यसैले पुस ७ गते नेपाल स्टक एक्सचेन्जमा कारोबार भएका बैंकका सेयरधीले मात्र लाभांश पाउनेछन् ।
गुराँस लघुवित्तको लाभांश घोषणा, बोनस र नगद कति ?
काठमाडौं । गुराँस लघुवित्त वित्तीय संस्थाले गत आर्थिक वर्षको लाभांश घोषणा गरेको छ । संस्थाले आर्थिक वर्ष २०७८/७९ को नाफाबाट चुक्ता पुँजीको ४.२१ प्रतिशत लाभांश घोषणा गरेको हो । मंसिर २७ गते बसेको संस्थाको सञ्चालक समितिको बैठकले सेयरधनीलाई चुक्ता पुँजीको ४ प्रतिशत बोनस र कर प्रयोजनको लागि ०.२१०५ प्रतिशत नगद लाभांश वितरण गर्ने प्रस्ताव गरेको हो । उक्त प्रस्तावलाई नेपाल राष्ट्र बैंकले स्वीकृत तथा संस्थाको आगामी वार्षिक साधारण सभाले पारित गर्नुपर्ने छ ।
