रावा इनर्जिको आईपीओ ७ जनाले ११ कित्ता पाउने, मंगलबार बाँडफाँट
काठमाडौं । रावा इनर्जि डेभलपमेन्टको आईपीओ मंगलबार जेठ ३० गते बाँडफाँट हुने भएको छ । बिक्री प्रबन्धक प्रभु क्यापिटलका अनुसार कम्पनीको आईपीओ मंगलबार दिँउसो ४ बजे क्यापिटलको केन्द्रिय कार्यालयमा बाँडफाँट हुने भएको हो । कम्पनीले जेठ १८ गतेदेखि जेठ २२ गतेसम्म जारी पूँजी २८ करोड रुपैयाँको ३० प्रतिशत अर्थात् ८ करोड ४० लाख रुपैयाँ बराबरको सेयरसर्वसाधारण लगानीकर्तालाई बिक्री खुला गरेको थियो । कम्पनीले आयोजना प्रभावित क्षेत्रका बासिन्दालाई बााँडफाँट गर्दा बाँकी रहेको १ लाख ९२ हजार ३३० कित्ता थप गरी कुल ६ लाख ९६ हजार ३३० कित्ता सर्वसाधारण लगानीकर्तालाई बिक्री गरेको थियो । जसमध्ये १५ हजार ४७ कित्ता कर्मचारी, ३७ लाख ६१६ कित्ता सामूहिक लगानी कोष र ६ लाख ४३ हजार ६६७ कित्ता सेयर सर्वसाधारण लगानीकर्तालाई बिक्री गरेको थियो । कम्पनीको आइपीओमा मागभन्दा १४.८९ गुणा बढीले आवेदन दिएका छन् । आइपीओमा ११ लाख ६५ हजार ५२६ जना आवेदकले १ करोड २७ लाख ६१ हजार ४८० कित्ताका लागि आवेदन दिएका हुन् । कम्पनीको आईपीओमा माग भन्दा बढी आवेदन परेकाले गोलाप्रथा विधिबाट बाँडफाँट गरिनेछ । १० कित्ताका दरले सेयर बाँडफाँट गर्दा ६४ हजार ३६६ जनाले मात्र कम्पनीको आईपीओ प्राप्त गर्नेछन् । बाँकी रहेको ७ कित्तालाई थप १ कित्ता गरी ७ जनाले ११ कित्ता पाउनेछन् ।
थ्रीस्टारको आईपीओ बाँडफाँट, यसरी हेर्न सकिन्छ रिजल्ट
काठमाण्डौ । थ्रीस्टार हाइड्रोपारको आईपीओ बाँडफाँट सम्पन्न भएको छ । कम्पनीले आयोजना प्रभावित स्थानीय वासिन्दाहरुलाई बिक्री खुला गरेको आईपीओ बाँडफाँट गरिएको जनाएको छ । कम्पनीको आईपीओमा २ हजार ६०६ जना आवेदकले आवेदन दिएका थिए । रितपूर्वक आवेदन दिएका सबै आवेदकलाई आइतबार ४ लाख ९२ हजार ५ सय कित्ता सेयर वितरण गरेको कम्पनीले बताएको छ । कम्पनीले वैशाख ११ गतेदेखि जेठ ९ गतेसम्म स्थानीय वासिन्दालाई जारी पुँजी ४९ करोड २५ लाख रुपैयाँको १० प्रतिशत अर्थात् ४ करोड ९२ लाख ५० हजार रुपैयाँ बराबरको ४ लाख ९२ हजार ५ सय कित्ता सेयर बिक्री गरेको थियो । कम्पनीको आईपीओमा आयोजना प्रभावित क्षेत्र खोटाङ हलेसी तुवाचुङ नगरपालिका वडा नम्बर १ देखि ११ सम्म र दिप्रुङ चुईचुम्मा गाउँपालिका वडा नम्बर १ देखि ७ सम्मका बासिन्दाले आवेदन दिएका थिए । कम्पनीको आईपीओ निष्काशन तथा बिक्री प्रबन्धकमा हिमालयन क्यापिटल रहेको छ । आईपीओको नतिजा बिक्री प्रबन्धक हिमालयन क्यापिटल र सिडिएस एण्ड क्लियरिङ्गले सञ्चालन गरिरहेको आईपीओ रिजल्टबाट हेर्न सकिनेछ ।
४० अंकले बढ्यो नेप्से, साढे तीन अर्बको कारोबार
काठमाडौं । आइतबार सेयर बजार ४०.४८ अंकले वृद्धि भएको छ । नेपाल स्टक एक्सचेन्जको अनुसार आज सेयर बजार बढेर १९८०.९० विन्दुमा पुगेको छ । नेप्सेको अनुसार आज ९५ लाख २८ हजार कित्ता सेयर किनबेच हुँदा तीन अर्ब ४५ करोड रुपैयाँको कारोबार भएको छ । जसमा सबैभन्दा बढी नागरिक लगानी कोषको ११ करोड १४ लाख रुपैयाँको सेयर किनबेच भएको छ । यस्तै, आज दुई कम्पनीको सेयरमा सकारात्मक सर्किट लागेको छ । सकारात्मक सर्किट लाग्नेमा भुगोल इनर्जी डेभलपमेन्ट कम्पनी र सिटी होटल्स रहेको छ ।
